Статут Великого княжества Литовского 1566 года [Автор неизвестен -- Европейская старинная литература] (fb2) читать онлайн
- Статут Великого княжества Литовского 1566 года 485 Кб скачать: (fb2) читать: (полностью) - (постранично) - Автор неизвестен -- Европейская старинная литература
[Настройки текста] [Cбросить фильтры]
[Оглавление]
СТАТУТ ВКЛ 1566 ГОДА
РОЗДЕЛ ПЕРВЫЙ. О ПЕРСОНЕ ГОСПОДАРСКОЙ
АРТЫКУЛ 1
Вси обыватели Великого Князства Литовского оуным правом писаным и от нас даным сужоны быти мают.Наперед мы Господар обецуем и шлюбуем под тоюж прысегою, которую учинили есьмо всим обывателем всих земль того панства нашого Великого Князства Литовского, иж всих княжат, панов рад духовных и свецких, панов хоруговных, шляхту, места и всих подданых наших и всих станов в том панстве нашом Великом Князстве Литовском, также и земль Русских Кіевское, Жомоитское, Волынское, Подляшское и иных земль прислухаючых к тому панству нашому, почоншы от вышнего стану аж и до нижнего, тыми одными правы писаными от нас даными судити исправовати.
АРТЫКУЛ 2
Мы Господар обецуем и шлюбуем никого не карати на заочное повееданье, хотя бы се дотыкало и о ображенье маестату нашого господарского; и хто теж што на кого вел, а не довел, тым сам мает каран быти.Теж предречоным прелатом княжатом, понятом, паном, радам духовным и свецким, паном хоруговным шляхтам и местам земли Великого Князства Литовского, Руское, Кіевское, Жомоитское, Волынское, Подляшское, Смоленьское, Полоцкое, Витебское, Мстиславское и иных земль Великого Князства Литовского, обецуем словом нашим господарским, иж над жадного человека выданье албо осоченье явное таемное и подозренье тых станов вышеймененых карати не хочем ани винити которою кольвек виною пенежною, кривавою, везеньем, або достоенств врядов або именья отнятьем; нижли аж бы первей у суду явным рядом и поступом права, коли жалобник то есть повод и отпор обжалованый очивисте станут, и достаточне на конец будут поконаны, которые по суде и таковом поконанью винни, мають быти караны виною у артыкулех нижей описаных меновите назначоною. А хто бы теж кого колвек, обмовляючи вчинил к соромоте и зелживости, а шло бы о честь або о горло або о которое кольвек скаранье; тогды тоть, хто на кого мовит и ведет, а не доведет, тым караньем сам мает быти каран.
АРТЫКУЛ 3
О ображенье маестату господарского.О ображенье маестату господарского так се разумеет, колибы хто змову албо спикненье албо бунт учинил на здоровье наше господарское, хотя бы пан Бог уховал, иж бы оная змова не была учынком пополнена; таковый за слушным доводом, як о том нижой описано, честь и горло и именье стратит. Теж кгды маестат наш ображон бывает с тое причыны, кгды бы хто бунтовал покой посполитый врушаючы против нас Господара ку шкоде и Речы Посполитое, и мынцу без воли нашое бил явне; а чого Боже уховай на нас смерти, так теж и на потомки наши Великіе Князи Литовскіе, по зешстях их хотечы хто осести и опоновати тое панство Великое Князство и Господарем быти на нем, войско люд служебный сбирал и выводил; хто бы теж з непріятелми порозуменье мел, листы до них або послы против нам Господарю и Речы Посполитое або остерегаючы слал, тым непріятелем якуюж кольвек помоч давал, хотя бы теж замок наш непріятелеви подал; хто бы теж люди непрыятельскіе в панство наше Великое Князство Литовское зрадливе привел, а то бы на него слушне и справедливе было переведено таким же доводом, яко нижей описано: таковый с права з розсудку нашого с паны радами нашими Великого Князства Литовского честь горло тратить, и таковаго зрадцы дети сынове за таковый выступок отца своего безецными будут, а именья того зрадцы отчызные выслужоные которым кольвек обычаем набытые мимо дти и близкіе на нас Господаря приходять. Ведьжо жоны таковых здрайц которіе не будуть ли ведали тое здрады мужов своих, а с того се выведут пресегами своими, таковые именей своих отчызных и матерыстых и вена пред учынком тое зрады им от мужей их описаного не тратят[1] але до именей отчызных не прійдут, хиба по смерти маток своих только до четвертое части именей матерыстых пріходити будуть.
АРТЫКУЛ 4
О ображенье маестату господарского.Теж коли бы хто якого кольвек стану был найден явно подойзреный, иж маестат наш господарскій образил, таковому жаден привилей ани зацность ани достоенство не маеть помагати ани се им щытити можеть, абы се не мел справовати, и где будеть правом поконан, абы не мел каран быти. А хто бы в час[2] милуючы пана Бога и пана своего и Реч Посполитую справедливе перестерег або обявил, повышенья годен будеть. А за обмовенье славною о парсуне нашой господарской за доводом слушным справа и суду маем карати ведле важности выступу и слов, ведже ласкою нашою господарскою, а честью и горлом ани именья отнятьем за то карати не будем; ведже в том выступе коло ображеня маестату нашого господарского, где кому идеть о честь и о горло, таковых шляхту подданных наших нигде индей, одно у здешнем панстве нашом Великом Князстве Литовском на соймех валных тутошнего панства, мы Господар с паны рады нашими судити водле выступку их тым каранем, яко вышей описано, карати маем.
АРТЫКУЛ 5
О ображенье маестату господарского такій довод, а не инакший маеть быти.Яко в кождом учынку, за которій гордом карають, потреба доводов явных и ясных, так во ображенью маестату нашого неледа за осоченем або вымовеньем маем се на подданных наших сквапляти; але хто на кого ображене маестату ведеть, мает довести сведецтвом веры годными и неподойзреными людми шляхтою и их своею присегою. А если бы хто кого обмовил в том учынку, а звлаща иж бы на него менил, же пам Господару на здоровье стоял або Реч Посполитую зрадити и ку прудкому упадку привести хотел, и на тое се важил и готовал; такій поведач, если бы таким же ясным сведецтвом не довел, сам отсуженем почтивости и горлом маеть быти каран.
АРТЫКУЛ 6
Хтобы колвек с панства нашого до земли непріятельское утек.Теж уставуем, хтобы кольвек с подданных наших с панства нашого утек до земли непріятельское умыслом злым на зраду ку шкоде нам Господарю и Речы Посполитой, такій честь тратит; а если бы поиман был, тогды и горлом маеть быти каран. А дети ач колвек для того выступку отца своего почтивости свое не тратят, але именья вси отцовскіе тратят, ниж бы што мели власного набытья своего, або перед тым учынком отца своего отделены были, тогды при том застати мають. Таким же обычаем и жоны если будуть не ведали здрады мужов своих, таковые в том будуть захованы, яко в третем артыкуле сего розделу о таких есть описано.
АРТЫКУЛ 7
Хто бы с пригоды до земли сусед наших втек.Уставуем теж, если бы хто з якое пригоды припалое кром ображенья маестату нашого и Речы Посполитое зехал до земли якого суседа нашого, выймуючы земли Московскіе; таковый почтивости, горла и именья не тратить, одно маеть справоватися тому от кого будеть обвинен и ласки нашое господарское перенайдовати за кглейтом нашим, а тот кглейт наш на врадех, и ввезде где ся оборочати будеть, а особливе по местом торгом и при костелех, маеть давати обволывати и прибиваньем цедул ознаймованьем и рок выйстя кгдейту оповедати, а то для того абы собе лепшую безпечность мети мог. А если бы в том часе не переправил собе ласки нашое господарское и тому кому завинил не справилсе; тогды мають такового за се из границ панства нашаго за кглейтом нашим пропустити, леч не до земли непріятельское, и то мають чынити перед выйстем кглейту, а нам Господарю волно будеть кглейтом далшим водле воли и зданья нашого господарского.
АРТЫКУЛ 8
О зкгвалцене и зламане кглейту.Теж уставуем, если бы мы Господар кглейтом своим кого убезпечили, а тот бы кглейт ясне и значне был обволан, за которым бы он обвиненный на справу до нас пріехал; и хто бы такового под тым часом ранил або забил без его початку и причины, таковый сам маеть быти горлом каран, яко тот которій кглейт наш господарскій зкгвалтил. Тым жо обычаем хтобы з кглейтом пріехавшы, а сам неспокойне и нескромне се заховал, и кого ранил або забил и якій кольвек кгвалт учинил; тот сам собе кглейт зламал и горло тратит.
АРТЫКУЛ 9
О мондатех, в которых мають быти мандаты с канцеляреи нашое даваны.Напервей мандаты мають быти даваны о ображенье маестату нашого господарского; теж хто бы при дворе нашом господарском кого забившы або кгвалт якій учынившы утек; хто бы теж покой посполитый взрушил, яко ест вышей о ображенье маестату нашого господарского вышей и шырей описано; хто бы на именью своем новое мыто вымышлял, або теж мытник наш господарскій и теж хто с подданных наших маючи стародавные або от нас даное мыто на именью своем або в державе своей над уставу так теж и от подданных шляхецких што брал; так теж листы и мандаты мають быти даваны в речах и в пожитках столу и скарбу нашого господарского належачих и о иншые некоторые речи. Кром вышей мененых артыкулов мандаты никому с канцеляреи нашое не мають быть даваны; а если бы были даваны, тогды сторона оную[3] реч, кром тых мандатов наших, будучы позвана и ставши очевисто неповинна будеть отказовати, а за мандатом нашим маеть зложон рок завитый.
АРТЫКУЛ 10
Хто бы кому именье заставил а продал первей, нижли з земли утек.Теж если бы хто которій человек, перед тым нижли утечеть до земли непріятельское, будучы еще в панстве нашом, продал або запродал именье якое або люди або землю кому, а будет ли он тое рады его не ведал, и на то право поднесеть и окажет на то листы и держанья своего доведет; тогда маеть он тое купленое або закупленное именье спокойне держать, а пак ли бы не хотел присегати, тогды тое купленое або закупленное именье тратит.
АРТЫКУЛ 11
Если бы отец от детеи втек до земли непріятельское, так теж который ближшый.Теж уставуем, если бы отец от детей утек до земли непріятеля нашего Московского и до иншых земль непріятель наших, а дети бы на именьи зоставил по себе; тогды именья его на нас Господаря спадывають, бо за выступ отца их власного вже сут отдалены от именей. Ведьже которій бы сын был делный от отца своего и первей тое части своее в держанью был, нижли утек отец его, и мешкал бы на том кром отца своего не у в одном местцу з ним, а не за одным плотом[4], а тое рады и учынку отца своего не ведал, а не был подойзреный и вывелся того присегою своею; таковые тогды сыны и дочки от почтивости своее от части именья своего не одпадывают. А если бы которій прирожоный брат або девка[5] або который будь з роду утек до земли того непріятеля нашого Московского и до земль непріятельских поганских; тогды делница, то есть часть невыделена не будеть выделена была, будь не выделена[6], спадывает на нас Господаря, и ближній жаден не будет ку тому и не маеть мети ничого; а ведьже то братьи и близким яко в почтивости так и частем именьям их шкодити не маеть. А хтобы такового здрайцу утекаючого забил, або живого до нас и до вряду нашого привел, и то на его слушным доводом перевел; такового почтивости то шкодити не маеть, але еще за то будет годен ласки нашого господарское, а если бы не довел, тогды сам маеть быть каран, яко вышей описано.
АРТЫКУЛ 12
Хто бы листы або печати наши фалшовал, чым маеть быти каран.Коли бы хто листы або печати наши фалшовал, або на кшталт руки нашое также с канцлярейных писаров наших того панства подписовал, або хтобы теж печати наши соберыв и в себе ховал и их ужывал; таковый за оказаньем слушным явностью певною и доводом слушным ничим иным толко огнем каран быти маеть. Ку тому если бы теж хто печати и выписы врадовые переправовал, тестаменты на заставу фалшовал, або одбираючи печати от листов к другим прикладал ку помочы и ку пожытку собе а ку шкоде стороны своее противное, а то бы се на праве нашло и оказало; тот тую реч, о што тые листы идуть и о што за ними право ведет, тратит и горлом каран предсе маеть быти. А хтобы листы фалшывые на якую реч набытую показал, которіе бы по чіей смерти з именьем або с чим кольвек до рук его пришли, за кими листы чого вжывал тот ближшый [7]; на том присегнути, иж такіе листы по смерти тых, от которих се ему достали з именьем або которою кольвек речю, и за тым тое стороны почтивости и горлу шкодити не будет, а о тую реч, о што право идет, предся мовити можеть и правом поступовати и ку листом мовити, если против праву але недотливее[8].
АРТЫКУЛ 13
О фалшованью монеты о мындзех и о золоторех.Теж хтобы монету нашу фальшовал и без воли нашое переправовал и обрезовал, так теж мындзаре наши, которіе золото и серебро и иншую реч матереи[9] належачую и прислухаючую мындзе фалшовали бы зливали и мешали ку пожитку своему а ку шкоде Речи Посполитое, а то бы на них досведчано; тые мають огнем караны без иилосердья. Потомуж золотари, которіе золото серебро фалшують и межи того мешають медь цын або олово, и в том бы были дознали; тогды сами мають огнем быти караны, а их маетность тому, кому шкоду учинили, маеть быть плачоно. Ведьже работа тая и матерея, без которое бы тое ремесло их справовано быти не могло подле звыклости ее, то фалшем розумено быти не маеть.
АРТЫКУЛ 14
Не маеть никто ни за чій кольвек учинок терпети только кождый сам за себе.Теж уставуем, иж нихто ни за чій кольвек учинок не маеть каран и сказан быти, толко которим винен, кгдыж того право божое и справедливость хрестіянская учыть, якож так хочем мети: абы ани отец за сына ани сын за отца, кром ображенья маестату нашого, яко вышеи около того ест описано, ани жона за мужа, ани муж за жону, так теж брат за брата, и жадный прирожоный, и слуга за пана, пан за слугу, нихто ни за чій выступ учынок, толко кождый сам за свой выступ мает терпети и каран быти.
АРТЫКУЛ 15
Хтобы много за мало упросил а без данины побрал.Теж хто много за мало упросил, а то бы на него устне и с права было переведено, вышей нижли просил, таковый тую выслугу свою от нас даную тратит. А хотя бы и добре упросил, а без данины нашое што и к той выслуге своей взял и к тому привернул; предся тую выслугу и забранье тратит и спадывает то за се на нас Господаря. А хто ку отчызному своему именью взял чоловека, або и десети, або колко колвек и с землями, або земли пустое; тогды маеть кождого чоловека, колко будет взял, своими отзычнами навезати з земли, або кождую землю землею, а ведже не не на голую повесть и обмову, але за огледаньем и выведаньем слушным и справедливым правным поступком и доводом через людей цнотливых и веры годных комисаров тубулцов. Ровностью права однакими доводами вдаючы се[10] в ровное право и з шляхтою, яко о том нижей написано.
АРТЫКУЛ 16
О реч земленую, межы именьями нашими князскими панскими шляхецкими, мы Господар одным тым правом судитисе маем.Теж мы Господар обецуем и хочем, абы тое через нас и потомков наших споры розница межи кгрунтами нашими шляхецкими вечно было держано, гдеж бы се трафило в именьях наших споры розница межи кгрунтами нашими [11] шляхецкими и межы тыми именьями, которые вышли з данины нашое, иж в той речы земляной маем мы и потомкн наши Великіе Киязи Литовскіе тым же одным правом яко и подданные наши Великого Князьства судитися а не иначей, чій довод будеть слушнейшій водле права, тот ку доводу маеть быти припущон.
АРТЫКУЛ 17
Вси в том панстве нашом великом КнязствеЛитовском одным тым правом сужоны быти мають.Уставуем теж и вечие а неотменне мети хочем, абы все подданные наши всех станов, так богатого яко и вбогого, почоншы от княжат панов рад духовных и свецких панов хоруговных и шляхты, аж до нижшого стану, одным тым правом от нас даным были сужоны; и всякіе речы, почоншы оть почтивости горла достоенств маетности именей всяких справ земленых лежачых рухомых, аж до наименшое речы, а не инакшым правом але тым статутом от нас даным мають быть сужоны. Также и чужоземцы и заграничники Великого Князства приеждчые и яким кольвек обычаем прибылые люди тым же правом же мають быть сужоны и на таких врядех, где выступить.
АРТЫКУЛ 18
О листеях заповедных, иж не мають быти с канцляреи нашое выдаваны.Теж уставуем, иж листов наших заповедных на продлуженье справедливости людское, яко кольвек повстегаючы або задержываючы, от сих часов на потом до всяких судов мы сами и потомки наши Великіе Князи Литовскіе давати не будем, окром трох члонков: первое если бы хто о Реч Посполитую в непріятелей наших у везенью был; другое коли бы хто на службе нашой и Речи Посполитое в посельстве до земль чужых або заграничье панств наших, где ся будет дотыкало Речы Посполитое, и в инших речах господарских властных послан, и к тому особливе в потребах яких кольвек водле часу припалых потребы отправуючы ими ся забавил, в таковых речах и справах не только листы наши господарскіе але и панов рад наших ити могуть и местце у праве мети будуть; третее коли бы хто правдиве немоцон был, тогды толко которій не стал, маеть на другом року присегнути, иж правдиве немоцон был. А у в инших речах кроме тых члонков хотя бы и выданы кому были; тогды врадники наши то есть суд замковый земскій и мескій, таковых листов заповедных ку кривде одное стороны одержаных неповиины пріймовати ани их послушни быти.
АРТЫКУЛ 19
Листы отвороные мають быти кождому ворочаны.Теж хтобы листы наши отвороные в жалобе своей до кого принес, будь до князя, або до пана, або до державец, або земенин до земенина, а хто бы колвек з них оный лист отворенный прочетши у себе держал и копею з него знявшы под печатью вознаго оному не хотел вернути до трех дней; тогды таковый за противность свою нам Господару у вину упадывает у дванадцать рублей грошей, а стороне також маеть заплатити. А ведьже листы отвороные мають обычаем слушным даваны быти через возного и пред людми сторонными шляхтою.
АРТЫКУЛ 20
О битью посланца нашого господарского, и теж посланцов от панов рад наших при листех наших господарских и панов рад и старост наших судовых и суду земского.Уставуем, хто бы посланца нашого господарского, и теж посланцов панов рад наших, за листы нашими и за листы панов рад наших и старост судовых и суду земского, збил и листов не учтил, або листы подрал ку зелжывости нашой и рад наших; тот маеть за слушным доводом, если на него очевисто переведут дванадцать недель на замку нашом седети, а дворанина совито, навезать водлуг стану его. А дворанин кгды листы подавать маеть, мает меть при собе сторону, то есть двох шляхтичов для доводу. Так теж и сторону, которых будет мети при собе дворанин, если бы хто забил або якую легкость учынил, маеть совито водлуг стану их навезати. За листы и в справах урядовне посланые ездячы мають скромне и учтиве се заховать, и жадное прычыны ку именью и зелженью своему не давать и ничого неслушнаго не почынать, одно то справовати, што вряду его наледыть и с чым пріехал.
АРТЫКУЛ 21
О листех заручных.Теж абецуем и маем давати о безпечность здоровья подданых наших шляхту, за похвалками и звазненьем чіим кольвек противко их кождого, з великих кровных аж до нижных станов, с канцляреи нашое листы заручные, и заклады на них казати описовати пять сот коп грошей наименшей, а болшей две тысечы коп грошей, а над то вышейописаные заклады никому так с болших яко и з менших станов шляхецскаго народу даваиы быти не мають. А того канцлярейные писары наши господарскіе земскіе Великаго Князства Литовскаго догледати и вважати (sic) мають, кому пять сот коп грошей а кому две тысечи коп грошей в листех заклады описованы и даваны быти мають. А хто бы за похвалкою або звазньем своим обнесен будучы урядовне листом нашим заручным, а через тот заклад кого забил; тогды справа за слушным доводом горлом маеть быть каран, а заклад на нас Господаря до скарбу нашого земского Великаго Князства Литовскаго на ииенью его маеть быти с правлено. А еслибы не забил, толко ранил або збил; тогды с права также за слушным доводом заруку нам Господарю маеть платити, а тому битому маеть быть справлено навезка совита водле стану его. А хто бы заруку выневшы, сторону противную, на которую заруку взял, самого его забил або бил або ранил; тот сам таковою ж виною маеть быть каран. А мы Господар не маем таковых закладов никому отпущати, але кажем брати до скарбу нашого земского Великого Князства Литовского; а в небытности нашой в здешн ем панстве воеводове старосты державцы судовые, где книги лежать, будуть мочы листы заручные под печатми своими шляхте давати, уважаючы кому якій с тых двух сум заклад маеть быти даван.
АРТЫКУЛ 22
О отповедниках неоселых.Теж уставуем, если бы хто кольвек неоселый, будь тубулец панства нашого Великаго Князства яко и чужоземец, кому теж колвек иншому отповедь обличне або через листы або теж заочне учынил; таковый отповедник маеть быть поставлен от нас Господаря або от вряду замкового або и земского перед правом, где бы колвек при котором вряде то се деяло, и если бы он тое отповеди пред врядом довел, тогды таковый отповедник неоселый маеть быти на замку нашом посажон, а седети маеть дванадцать недель), не маеть быть с того везенья пущон, аж первей себе рукоемством увыйстит, абы тот, против кого отповедь учинил, в покою был.
АРТЫКУЛ 23
О листех железных, кому мають быти даваны.Теж уставуем, иж листы железные с канцляреи нашое не мають быть даваны тем, которые маетности своей на збыткох марне тратили и за таковыми збыточными тратами в долги попали, але тым маеть давати таковые листы, которые бы в долги пришли и в убозство попали з Божего допущенья: то есть, если бы огнем погорели або маетности их стонули, албо бы от разбою от непріятеля нашого забрани были, або хто бы теж для Речы Посполитое ку утрате у в убозство пришол. А веджо далшого часу и волности не маеть тым узычати и давати толко в наибольшой суме и речы три годы, а в том часе маеть се в наибольшой речы и суме тот о заплату старати. И людем простым купцом и жыдом против шляхты таковых листов не маем держати, а веджо кому будь хотели такового листу железного узычити, и то предсе не напротив шляхты; тогды с канцляреи нашое тот маеть быть отослан до вряду его належачого, отколь есть. Перед которим врядом хто таковаго листу железнаго потребуеть, маеть рукоемство слушное поставити людей добрих оселых и куститися ими и их маетностями, иж не згинет в тых же летех, яко на листех ему назначоно, а на остатный день выйстя року будуть повинны рукоимы оного на том же вряде поставить, а должники долгов своих и оного истца в того вряду упоминати и найдовати и доходити будуть; еслибы рукоимы не поставили и в том се оным не всправедливили, тогды сами за листы або за доводом правным тые долги повинны будут платити.
АРТЫКУЛ 24
Кому бы шло о честь, як рыхло справедливость учынена быти маеть.Теж обецуем и будем повинни каждому с подданых наших, кому бы шло о честь прудкую а неодволочную справедливость учынити, а если бы на нас Господаря зашли якіе трудности; тогды таковой справе в годы чотыри роки складаем. А где на першом втором або на третем року пред ся за недоспехом нашим не могли быхмо конца в той речы учынить; и до того четвертого або розсудку нашого того оного обвиненаго почтивости шкодити не маеть. А хотя бы умер або забит был, не дождавшы оного розсудку нашого; тогды ему ани потомком его почтивости шкодити не маеть. А приганенный службы нашое земское не мает се вымовляти, ведже четвертого остатнего року и войною се вымовляти не 6удеть мочы.
АРТЫКУЛ 25
О мыттх новых.Теж уставуем и приказуем, абы жаден человек в том панстве нашом Великом Князстве Литовском не смел новых мыт вымышляти ани встановляти ни на дорогах, ни на местех, ани на греблях, ани на реках, ани в торгах, ани в местечках ни в стодолах, або в корчмах на гостинцах в именьях своих, кроме кол торые бы были з стародавна установлены, або мели бы на то листы продков наших або наши. А хто бы кольвек смел мыто кром звычайнаго торгового установляти; тогды тое именье, в котором мыто кром торгового установил, тратить и спадывает на нас Господаря. А которіе здавна и за привильями и листы нашими мыто и мостовое на именьях своих на дорогах гати мосты гребли и ровы направовати мають, а хто бы где мостов гатей гребели направленых не мел, а для того бы переезд был трудный, а кому бы се на тых местцах шкода стала; тому тот же пан, хто мыто берет, винен будеть шкоду оправити и з накладом, што ищути шкоды наложыть. А старостове державцы або мытники наши, еслибы такеж беручы мыто дорог не поправовали на именьях наших; тогды шкоду и наклад тому, што ищучи хто наложить, винны будуть платити. А которіе теж князи панове и земяне шляхта старіе дороги ставы своими затопят, або заорут, привлащаючи собе пожытки; таковые новые дороги мають быти погачоны и положоны не ку кривде людем перееждим, але што могут быть напростей и так, або были напровованы, жебы з возы тяжкими у везде безпечный переезд был. А к тому иншые стародавные дороги на именьях и на кгрунтех своих в местцах потребных поправовати, мост мостити, гати гатити, тые которіе з стародавна людьми то робливали и вперед будуть повины. А кгды бы на чыем именьи або на кгрунте злый переезд был, а шляхтич хотел бы его поправовати, а с того себе за наклад свой пожиток мети; тогды тот маеть до нас Господаря утечы, а мы, доведавшыся того через посланцов або старост наших ку тому прилеглых, маем ему дати и встановити от купцов и иншых переежджых людей мыто або плат, водле важности и наклады его и ласки нашое господарское. Так теж и мытники наши в местечках и селах князских, панских, боярских, где первей мыто не бирано, часу праздников и сходов жадных мыт и торгового вымышляти и брати не мають [12] кгвалт и шкоду совито платити. А на реках портовых, и на которых порт может быти, а где кольвек в панстве нашом Великом Князстве, жаден ставов новых становити и гребли сыпати ку переказе порту и спусту не маеть мети. Так теж и езы на реках портовых, где з стародавна бывали, хтобы ставил; тогды предсе маеть местца заставляти так слушие, абы езом або тамованьем никому се шкода не стала. А таковых речей воеводове, старостове, державцы наши кождый в державе своей мають досмотрети, а новых мыт абы на реках портовых и на ставех и на греблях не было, также на езох абы проходы были слушные без завады заставованы.
АРТЫКУЛ 26
О неданье мыта шляхте.Теж з ласки и доброти нашое господарское князем, паном радам духовным и свецским, шляхте в том панстве нашом тую вольность на водах на дорогах, то ест сухим путем и водным, на торгох, на мостех, так по именьях наших[13] спущати и продавати з их власных гумен, кождому его роботы правдивое збожье а не купленое, от того мыто не маеть быти давано; так теж и од подвод шляхецских, которіе з их речми властным збожьем а стацыями ходять от того всего мыто и мостовое брано быти не маеть. А если бы што купленого збожья и иншых речей пры том мел; от того мыто маеть платити. А ведже сами особами своими, або где бы их самих при том не было, тогды слуги их або справцы от них притом посланые веры годные на мытех наших головных мають присегнути, што ест правдивое роботы его домовое а што теж прикупленое, а подводы мають без присеги быти пропущаны толко за листы и печатми их, тым же обычаем и лесные товары и от всякого господарства домовое роботы маеть ся разумети и безмытне пропущоны быти. А на мостех старожитных, где перед тым што будеть давано только от подвод таких, которіе збожье на продажу везуть, ведже водле стародавного обычаю мають давати.
АРТЫКУЛ 27
Хто напротивко выроку наіиого господарскаго мовил.Теж уставуем, кгды быхмо мы Господар с паны радами нашими з выроку нашого сказанье учынили, а хтобы против тому выроку нашому по сказанью што против его мовити мел; тогды таковые, якогож кольвек стану так высокаго яко и низкаго, мають седети на замку нашом шесть недель, а то никому не маеть быти отпущоно.
АРТЫКУЛ 28
Хтобы под ким што упросил, а тому напрод дано и в привильи нашом господарском напрод описано.Уставуем теж, хтобы под ким именье люди земли в нас Господара упросил и в привильи бы то собе описал, а у того бы, под ким то он собе упросил, первей было на дате его або на привильи нашом описано и тому потвержоно, и того он колко лет вжывал и в держанью был; тогды таковый первый привилей або листы при моцы мають зостати, и за иншых господарей потомков наших тот, кому дано, тую реч держати и поживати маеть водлуг листов и потверженья нашого, а последніе листы ни во што мають обернены быти.
АРТЫКУЛ 29
Хтобы на што листы упросил, а того в держанью не был.Теж уставуем, если бы хто собе в нас Господаря именье люди або землю впросил и в листе данины нашое ему то было описано, а того в держанью и в поживанью не был до десети лет; тогды и листы наши и дата таковая потом жадное моцы мети не маеть. Так теж, и справуючись водле прав хрестіянских и теж остерегаючы, абы межы поддаными нашими небезпечность и ростырки не множылисе, уставуем, абы от сего часу жадные листы, которые по латине експектативами зовут, жадное моцы не мели, а хотя бы от нас кому даны, предсе держаны быти не мають; нижли если бы хто сам по своей доброй воли перед нами Господарем з волею нашою господарскою на то прызволил.
АРТЫКУЛ 30
Абы се у дворех наших господарских нихто не становил.Теж уставуем, иж жаден пан, а нихто с подданных наших, Великом Князстве Литовском ездечы дорогами, не мають ся становити и стацый на себе и на кони свое з дворов наших брати, ставов и сажавок и озер наших волочыти. А если бы хто против тое уставы нашое учынил, а в дворех наших становилсе, стацыю собе и конем своим з дворов наших брал, ставы и сажавки и озера нашы волочыл; тогды за слушным доводом и с права в том поконаный маеть на замку нашом дванадцать недель седети, а шкоду оправити.
РОЗДЕЛ ВТОРЫЙ. О ОБОРОНе ЗЕМСКОЙ
АРТЫКУЛ 1
О повинности яко вси обыватели Великого Князства литовского чынит мають.Уставуем теж с призволеньем рад наших зуполных и всех станов подданных панства нашого Великаго Князства, иж кождый князь и пан дховный и теж дворянин боярин и вдовы кождые и иные станы, и татарове наши, так мещане мест наших, маючи земское именье и лета зуполные маючы, часу потребы з нами и потомками нашими або при гетманох наших винни будуть сами особами своими войну служыти и выправовати на службу военную, коли бы кольвек была потреба водле уфалы земское соймов наших Великаго Князства, якая на он час будеть потреба оказовати [14], то ест и похожых з именей з людей, яко будет потреба, отчызных выслужоных и купленных. А вдовы и сироты и дети лет зуполных не маючи мають выправовати водле важности именей своих, а тым обычаем; маеть быти выправа пахолка зо всим на добром кони, што бы кон стоял наименшей осм коп грошей литовских, а на нем сукня цветная, панцер, прилбица, меч, павеза древо с прапорцем цветным. А который бы боярин або мещенин не мел в своем именью людей так много, яко устава будеть, тот сам предсе маеть ехати и служити; так теж которій не маеть пешо ити з ручницою або з рогатиною, а на местцу наименованом через листы наши або гетмана нашого великого маеть ся очевисто каждый становити и датися написати и ошафовати гетману нашому великому на тот день, которій через нас або через гетмана нашого к тому попису будеть положон и выволан. А коли бы было колко братьи неделеное; тогды братья мають межы себе годнейшаго лет дорослых выбравшы послати, который з именья неделеного маеть войну служыти тым же обычаем, яко вышей описано. А хтобы от нас Господаря держал якое именье нашо в заставе; тогды тот не повинен будеть выправовати на войну. Хочем теж мети и уставуем, абы подданые нашы вси мещане ку валной потребе з иншыми людьми нашими войну служили, або з дозволеньем нашим водле постановеня нашого на войну выправовали. А хто бы кольвек с тых подданых наших шляхты и рыцерства всякаго стану, также маючы именье земское, войны не служыл, або пріехавшы на рок постановеный не пописал, а хотя бы и пописался, а шыфу не ждал, або и шыховавшы се без воли нашое або от гетмана нашого великого проч поехал; тот именье свое все тратит под тым обычаем, яко бы войны не служыл. И для того ж кождого гетмана великого мы Господар обецуем тот уряд (т.е. гетманство) годным и досведчоным людем народу шляхецкого родичом стародавным тутошнего панстдем Великого Князства Литовскаго давати, и тое местце засаживати.
АРТЫКУЛ 2
О постановеню обороны земское только на сойме.Обецуем и уставуем вечными часы быти держано, иж кгды будеть потреба противко которого непріятеля нашого обороны земское сему панству нашому Великому Князству Литовскому, албо валка вести; тогды мы сами Господар або и с паны радами нашими не маем ани будем мочы того учынити, ани серебщызны и поплату никоторую установляти, аж первей сойм великій вальный зложывшы в том панстве нашом Великом Князстве Литовском, на котором за росказаньем и листы нашими будуть повинни вси княжата и панове рады духовные и свецскіе, маршалки и иные врядники земскіе и дворные, панове хоруговные, послы земскіе поветовые зехатися; теж на он час на сойме великом валном зо всими радами нашими и зо всими княжаты и паняты и зо всим рыцерством порядою а позволеньем их маем таковые речы становити а не иначей. А ведьже где бы от котораго непріятеля нашого якое прудкое уторгненье было в се панство наше Великое Князство; тогды и без сойму толко за листы нашими, а в небытности нашой за листы панов рад наших гетмана нашого великого мають вси князи и панове подданые нашы, войны павинны, на час и местце назначоное ехати, яко на кгвалт, и то з милости Речы Посполитое боронечы собе жоны и детей маетности отчызны своее.
АРТЫКУЛ 3
О невызволенье листы нашими, и теж кого волно вызволити.Теж уставуем, иж мы не маем жаднаго з войны от службы земское так словным росказаньем яко и през листы наши вызволити из войска отпущати, так теж и гетманове наши не будут мочы вызволити и з войска отпущати, кром тых врядников наших и слуг, которих мы Гоеподар на он час для послуг наших и справ земских зоставим, а ведже и тые почты свои водле можности именей их винны слати и выправовати. А што се дотычеть старост и державец украиных, тые часу вальки также повинни з именей своих у войско, яко иншые шляхта, почты свои ку службе земской выправовати и становити. А сами они, звлаща тые, которіе быхмо у войско листы нашими и панове рады або гетман наш не казали ити, таковые почты свои, што з урядов своих новинни, становити мають.
АРТЫКУЛ 4
О именья заставныя, хто з них службу земскую служити мает.Теж уставуем, если бы который шляхтич або пан хто закупит и в держанью будеть, службу земскую с того заступовати маеть. Нижли если бы тот собе на записе заставном обваровал; а тот, хто заставит, тым описом своим в то бы се подал, иж сам с того именья службу земскую служыти маеть; а он хто закупил в том волен будеть. А ведже хто за таким обычаем, естли бы тот, хто закупует, мел оселости и может службу земскую сам служыти, а кгды бы оселости яковое и можности не мог мети; тогды предсе тот, хто закупует и вжывает, сам с тое закупли маеть службу земскую служыти.
АРТЫКУЛ 5
О Хоружых.Хоружества всих землях и поветех Великого Князства тым радом и способом мають быти захованы, иж мы Господар хоружых нашых не маем уставляти толко людей зацных добрых ростропных можных и оселых о повете том. А хоружый, и где будеть хоругов держати, маеть на собе мети зброю добрую и гелм албо прильбицу и бронь, а конь абы был под ним добрій, а хоругов сам хоружый в гуфе своем на шыху и ку потребе маеть держати, и статечне се в том вряде на потребах наших земских маеть заховывати водлуг цноты и повинности на хоружих належачое; а хорогвы мають им даваны быти за скарбу нашого подлуг давного обычаю; а хоружые земскіе и дворные мають быти подлуг стародавного обычаю захованы.
АРТЫКУЛ 6
О збиранью и тягненью шляхтена войну.Теж мы Господар для поряднейшаго тяготенья на войну, абы в том шкода не была людем, так уставуем, иж где за потребою земскою будет от нас и панов рад албо гетмана всей земли росказано на войну ехати; и тогды хоружый, давшы ведомость о том шляхте, каждый у своем повете, маеть выехати сам у поле и казати до себе всим поветиком своим за тры дни перед тегненьем с повету зехатися; а они будуть повинни и до войска к нему не вымовляючыся ехати в том часе и на тое местце, яко им от нас дано и назначоно будеть, с почты своими яко на войну служыти повинни зехатися. И там же хоружому собравшыся з ними и маючы о кождом з них добрую ведомость и печу посполу маеть тягнути з ними до каштеляна, давшы о собе первей знати, где бы се мели ку нему стегнути; и там с каштеляном зехавши се хоружый оный повет шляхту отдати и оповедати каштеляну и ознаймити маеть, если все сполна албо и хто есть… А где в котором повете каштеляна нет ино до маршалка, которій в том таковую ж моц мети будеть яко каштелянове. И кгды вжо и к каштеляном стягнутца хоружыя и з шляхтою, тогды вси сполом под каштеляновою або маршалковою справою тягнути мають до воеводы того воеводства; и тягнувшыся з ним кашталян або маршалок с хоружым мають здати и оповедати шляхту воеводе, кого нет, а за чим где. Вже вси тые як панове воеводове и кашталянове и маршалкове и с хоружими мають тягнути на местце от нас и панов рад наших назначоное, або гетману где росказано будеть, и у в одном местцу завжды при воеводе становитися а не порозну, будучы в послушенстве и справе панов воевод своих. А в том тягненью воевода маеть того с пильностью стеречи и боронити повинен, абы поветники его никому никоторое шкоды в дорозе и на стане стоечы ни в чом не чынили, але собе и конем своим за пенези торгом а не уставою живность куповали; а которыйбы над заказ смел кому которую шкоду учинити, тогды воевода або кашталян, поки до пана гетмана не дотягнуть, мають им с таковыми справедливость учинити и отправу на винном и на маетности его сам заразом не проволокаючы делати, а поветники шляхта будеть у его повинни во всем том яко вышей описано послушни быти, а против непослушным и противным также повинни заховатися и карати их мають, осадившы о нем право, и што с права заслужыт, то втерпит.
АРТЫКУЛ 7
Уси шляхта поветовые повинни становитися под хороговью поветовою.Хочем теж мети и приказуем грозно, абы вси подданые наши будучы на войне нигде се индей не шыховали ани становили особами своими и с почты, одно под хороговью своею поветовою, в котором суть повете оселыми, кром особного росказанья гетманского. А если бы которій з них служыл в которого панов рад, наших, або до врядников або, теж всякого иного; ино и тот будеть повинен под хороговью на местцу установити брата або кревнаго своего або так добраго шляхту як сам, абы с тым местца неопустил, а ни се омешкал, под страченьем именья своего. А княжата, понята, хоруговные маршалки, врядники наши земскіе и дворные, тые мают се становити на местцах своих подлуг стародавного обычаю.
АРТЫКУЛ 8
О шляхте, которые у разных поветех именья мають.Уставуем, которые шляхта подданые наши мають в розных поветех именья свои, таковый маеть в том повете, в котором будеть наиголовнейшее именье мети зо всих именей своих отчызных выслужоных купленых и жониных, сам стати и почт своей ставити.
АРТЫКУЛ 9
О духовных, як мают службу земскую служыти. Уставуем теж и духовные з именей своих свецких и костелных наданых, с которых служба земская военная бывала до сих часов, такжо з именей своих отчызных купленых и закупленых шляхецских, войне повинных, службу земскую служыти мають тым же обычаем, выправуючы с тых именей своих почет повинни при нем слать за свою особу человека доброго шляхтича водле уфалы земское сеймовое.АРТЫКУЛ 10
Абы се по шыхованю не розеджали до домов своих.Теж уставуем, иж кождый подданый иаш пописавшысе, и по шыху обычаем вышей описаным с тыми ж конми и зброями, с которыми се шыховал, при нас або при гетмане нашом повинен будеть войну служыти а на тых же конях и с тыми зброями, аж до зуполнаго роспусченя з войска нашого. А которій бы кольвек подданый наш, хотя и пописавшыся, а без воли и ведомости гетманское з войска проч отехал або, што почту своего повинного отпустил до дому; таковый именье тратит, яко бы войны не служыл. А если бы тот што пенези бравшы, а был бы человек неоселый, а то теж учынил, таковый кождый честь свою тратит так, якобы з войны утек. А на пописе маеть кождого коня гетман наш в шерсть написати и петно, которое будеть на кони, в рестр намалевати. А стан свой паветники на войне при хоружом у в одном местцу мають мети а не розно.
АРТЫКУЛ 11
Которіе для немоцы своее на войнуехати не могуть.Уставуем теж, если бы которій шляхтич з Божего допущенья был немоцю обложоною хор, за которую на службу земскую ехати не мог, а не мел бы сына дорослаго; тогды маеть ся оповедать хоружому своему, в котораго есть повете, а опричей трема шляхтычами, которые немоцы его очыма своими огледавшы и то мают нам або гетману нашому оповедати под сумненем своим, а выздоровевшы тот немоцный предсе будеть повинен без отступу на потом перед тым хоружым присягнути, иж для правдивое и обложное немоцы не мог на тую послугу земскую ехати, а почот свой з именей на войну пред се послати повинен. А панове рады княжаты и панове иные вси врядники наши, которые под хороговью поветовою не стояли; таковые у форобе своей пред се тым обычаем водле уфалы земское и важности именья своего почот выправовати на войну, и по зеханью з войны без отпуску на том перед гетманом присегнути повинни, яко были правдивыми. А ведже под часом войны таковый, хто обложною хоробою немоцон, маеть оповедатися нам Господару, а в небытности нашой и гетману нашому; а хто бы кольвек из станов больших яко и меньших в таковой речи присегнути не хотел, тот именье свое тратит на нас Господаря.
АРТЫКУЛ 12
О сынех заступованю войны один за другого.Теж уставуем, хто бы с подданых наших из шляхт будучы сам здоров, а мел сына дорослого лет осмнадцати а не нижей, а тот сын не был бы з ним деленый, або и поделеный, а был бы годен ку службе военной; тогды таковый сын можеть за отца войну служыти с почтом отца своего. А ведже то ест и таковый отец сына своего весполок з суседы своими трема шляхтичами маеть привести до хоружаго своего, в котором повете есть, и ему оповедати; а хоружый, узнавшы его годного ку службе военной, при кашталяне маеть его гетману нашому оповедати; а гетман наш будеть повинен таковаго ку попису и ку службе нашой пріяти.
АРТЫКУЛ 13
Хто бы замешкал, на рок положоный до войска не пріехал.Уставуем теж, если бы хто замешкал року от нас, або от панов рад наших положоного, а до войска се не поспешал, або на року се гетмана нашого не постановил без слушное причыны; тогды таковых огурных и непоспешных гетман великій у в особливый реестр маеть казати писати, и доложывшы того як который долго мешкал; а тые вси таким способом караны быти мають, иж пан гетман маеть их послати на границу, або там где того потреба Речы Посполитое розумети будеть, а они там совитым почтом, а ве двое так много яко змешкали, тамь заслуговати будуть повинни.
АРТЫКУЛ 14
О таквом, хтобы з битвы утек.Уставуем теж, хто бы первей раз з битвы утек, таковый именье тратит; пакли теж и другій раз з битвы утек, таковый за слушным доводом от гетмана через вырок наш господарскій почтивость свою тратит.
АРТЫКУЛ 15
О тых, которые на войнеконей зброй и броней кому иному позычають.Теж уставуем, хтобы кому на войне будучы у войску позычыл коня зброй торчы древа и всякое броны, а то бы на него переведено; от того таковый статок увесь через гетмана нашого до рук наших забран быти маеть. А кгды бы се тот же у другій раз тогды пустил; таковый яко омылный слуга Речы Посполитое горло тратит.
АРТЫКУЛ 16
По чому от попису брати.Уставуем, абы гетианове наши не казали болше брати от попису войска писаром своим, только по пол-грошу от коня, то за працу их в тот час коли войско наше зежджается; а коли войско нашо маеть быти роспущоно, тогды не маеть гетман ани писар от попису ничого брати под ласкою нашою Господарскою. А пан гетман з реестру войско роспустити мает.
АРТЫКУЛ 17
О старшых, которые над людом войска нашого послани бываютьТеж уставуем, которые бы были послани от нас Господара або от гетманов нашых старшым над частью людей войска нашого в розные стороны водле потребы, абы тых всих старших вси кождого стану, которіе под чіею справою послани будуть, были послушни. А старшие оные справцы, роспущаючи людей, и так же ся яко пан гетман заховывати мають.
АРТЫКУЛ 18
О хоружых, абы земян дома не осажывали а ни отпущали.Уставуем теж и приказуем, абы хоружые нашы не мели жаден з них земенина дома осажывати и отпущати, а естли бы который земенин дома зостал, а хоружый бы того перед гетманом не поведил и втаил, а то бы на него было переведено, иж то умыслне оставил; тогды таковый хоружый вряд свой тратить.
АРТЫКУЛ 19
О сторожы военной. Теж уставуем, иж кгды бы жолнеров не было у войску нашом; тогды сторожу вси повинни держати войско Великого Князства Литовского, кгдыж то не чыя иншая потреба и безпечность, одно их властная.АРТЫКУЛ 20
О наезд на дом и гумна на войнешляхецкіе.Уставуем, хтобы на войне будучы один другому на дом або на гумно наежджал, або ставы и сажовки волочыл; тогды тот, который на дом и на гумно будет поеждчати, маеть кгвалт и шкоду платити зособна на кождое наеханье. Так теж и по дорозе едучы, хтобы кому на дом и на гумно наехал, а брал, або ставы и сажовки выловил, або якіе шкоды починил; тогды мает кгвалт и шкоды платити за слушным доводом.
АРТЫКУЛ 21
О стацыи, на войнекому бы не доставало.Уставуем, кому бы с подданных наших будучы на войне и лежечы войском на одном местцу стацыи на самого або на кони его не доставало; таковый маеть з вижом гетманским ехати и взяти с потребу жывности на себе и на кони, и заплатити водлуг уставы от нас або гетмана нашого на тот час положоное водлуг урожаю; нижли дрова мають брати волно, где стояти будуть, але домов розбирати, плотов жечы, станов и сажовок волочыти ани спущати, жыт ярин умыслне не травити ани топтати не мають. А хтобы таковый шкоду учынил, тот шкоду совито маеть платити; а хтобы на збожьях и на яринах обозом умыслне положыл и шкоду вчынил, такового маеть пан гетман карати водле шкоды и выступу его; а хтобы теж маючы стацыю у себе у в обозе досыть, а предсе не вжываючы, иншое собе найдовал и за вижом брал, таковый то што озмет, тому, у кого взял, совито ворочати або платити маеть.
АРТЫКУЛ 22
О бранью вижа на стацыю от гетманов.Теж уставуем, хотечы мети [15] на войне, кому бы для недостатку стацый вижа была потреба; тогды гетман наш винен будеть вижа придавати на скупованье стацый. А вижом его вижованое не маеть быти давано на милю по грошу, одно ж на кгвалты бои и тому, хтобы на шкоду свою брал вижа, таковым вижованое маеть быти давано по грошу на милю, и если на местцу не едучы нигде мили, также по грошу мають давати.
АРТЫКУЛ 23
О кгвалт або о наход военный у в обозе.Теж уставуем, если бы хто будучы на службе нашой один другого умыслне або оборочаючы або обычаем звады наехал [16] або на стан кгвалтом, кого забил або ранил, а было бы на него переведено; тот горло тратит. А если бы не ранил, але умыслие своволие нашедшы ударил, а хотя и не ударил[17] ; такового пан гетман карати маеть водле баченья своего.
АРТЫКУЛ 24
О людех пенежных, як мают с именей своих службу земскую служыти.Теж уставуем, хтобы кольвек с подданных нашых пенези наши брал, таковые за пенези наши особами мают в гуфе пенежном становитисе, а з особы своее людей годных шляхецских с почты под хоруговью поветовою, або там, здавна где местце свое мають, становити; абы за тые пенези, которые в ротмитсров, служба земская з именей их не гинула.
АРТЫКУЛ 25
О чужоземские прибылые люди, як се мають заховать в тегненью.Уставуем теж, иж людей прибылых так обчых яко и суседных заграничников пріймовати и вести до панства нашого Великого Князства Литовского и через тое панство маем, иж за ведомостью и радами рад наших Великого Князства. Ведже тые люди прибылые яко теж и тутошніе жолнере не мають иншыми дорогами и до иншого местца стягнути и на лежах се роскладати, одно там где мы Господар або гетьман великій тогож Великого Князства ознаймит, а лежу роспишет; а дорог из леж их от нас и от гетмана Литовского даных и ознайменых они ездити в пицованье нигде не мають, але там в дорозе на ночлегох и на лежах и з сторон жывность звезеную они торгом або уставою, яко мы з радами нашими уфалим або гетман в небытности нашой установит, мают куповати. А порядок до данья тое живности и цену также мы з радами нашими сегож панства в он час уфалимы водле потребы.
АРТЫКУЛ 26
О шкоды в тяненью о жолнеров так тубылцов яко чужоземцов.Теж уставуем, иж где бы люди пенежные жолнерскіе драби прыбылые из инших панств и тубылцы ку потребе нашой земской того панства нашого тягнули, которые спорные на местца им зложоные и назначоные, або на земли нашой украйнной, тогды шкоды ни которіе никому не мають чинити ани на дом ани на гуина и оборы шляхецскіе наежджати и собе з них брати не мають; але жывность собе и всякіе потребы за пенязи купити мають ценою, або водлуг уставы, кгды быхмо уставу нашу таковым людем пенежным учинили, а кгвалтом ничого ни в кого не мають брати. Ведже в таковом тягненью за вижы нашими або гетманскими або за врядовым, где бы ити, и з сел подданных своих духовные и свецскіе стацый на дороге завозити и провадити не хотел; тогды уставою нашою платечы мають брати. А хтобы з них на дом або на обору и на гумна шляхецскіе так духовных яко и свецских для стоянья и для бранья стацый наехал, або нашол кгвалтом; таковые горло тратять, а шкода маеть быти плачона ис статку его. И так о тот кгвалть яко и оные шкоды, которіе бы ся комуж кольвек от жолнеров и от драбов в тягненью без гетмана стали, рохмистрове и з старостами або державцами нашими, под которого поветом або врядом то ся станеть, мають справедливость и отправу каранье зараз не откладаючи чинити, водле сего права и статуту тогож Великого Князства Литовского. Кгды бы ротмистр таковых збытных и шкодников за обсыланьем старость и державец не ставил и справедливости каранья и нагороженья вделати не хотел; тогды тые врядники наши нам Господару або гетману нашому мають оповедати або дати знати; а мы або в небытности нашой гетман наш ротмистров таковых, противных статутови и уфале земской, везеньем, а выступников шкодников таковых водле выступу их карати маем, яко вышей есть о том написано. Ведже сесь артыкул и постановенье наше статутовое за границах або на местцах при даванью пенезей маем казати служебным, оповедати для того, абы се не ведомастью не вымовляли.
АРТЫКУЛ 27
О блудяги на войне.Уставуем о блудяги, абы кождый у войску нашом в тегненью не смел коня блудяги держати в себе только через ночь а местцу до третего дня, але тогож часу маеть его вести до гетмана нашого. А хтобы держал далей нижли через ночь таковый конь за злодейство маеть быти поличон; так теж и кождую реч знашодшы нести маеть до гетмана. А гетман наш не маеть казати от блудяги брати болшей толко от коня по грошу, а о иншые речы, в обозе закликати, а то, што нашол маеть, до пана гетмана отдавати.
АРТЫКУЛ 28
О указанью а пописованью шляхты поветовое у воеводствах або у староствах головных.Уставуем теж мы Господар и приказуем, всих рад наших Великого Князства Литовского, ведаючи того потребу часу покою, роскажем и рок листы нашими ознаймим всим обывателем Великого Князства всякого стану, яко хто водлуг уфалы земское служыти войну повинен, абы оказывали и пописовалисе в поветех судовых оного дня. А мають ся оказовати и пописовати перед воеводами, а в земли Жомоитской ино перед старостою Жомоитским, а индей перед головными старостами, а хто в розных поветех именья маеть, тот при головнейшом именью иншых именей своих почот показовати и пописовати мають; а тые воеводове и старостове головные в тот час свое почты показовати и пописовати мають, як которые се там для попису и оказованья изедуть, тые жывность собе не уставою але торгом куповати иають, а от того попису у тых, которые се там зберуть и укажугь, не мають ничого брати.
АРТЫКУЛ 29
Яко на войнеповинные у войску от гетмана далеко становитисе не мають.Уставуем теж, абы нихто не смел далей мили от гетмана нашого у войску становитися, але так яко им водле потребы часу пан гетман раскажет.
РОЗДЕЛ ТРЕТІЙ. О ВОЛЬНОСТЯХ ШЛЯХЕЦКИХ И О РОЗМНОЖЕНЬЮ ВЕЛИКОГО КНЯЗСТВА ЛИТОВСКОГО
АРТЫКУЛ 1
О розмноженью Великого Князства Литовского.Мы Господар обецуем теж и шлюбуем за себе и за потомки наши Великіе Князи Литовскіе под тоюж присегою нашою, которую есьио учинили всим обывателем всих земль Великого Князства Литовского и всих земль ку нему здавна и тепер належачых у славе, титуле, столицы, зацность, и владзы, и можность росказованью, и в иншых всих належностях и прислухиванью и в границах ни в чом не вменшати и о вшем примножати. И хотя бы пан Бог з ласки свое светое нам Господару узычити рачыл панства[18] Литовского князей и панов рад духовных и свецских и всих врядников земских и дворных шляхту рыцерства и всих иных станов ни в чом том не понижати, але от всякое легкости и пониженья, яко славное памяти продки наши, Великіе Князи Литовскіе, за щастливого панованья своего чынити стеречы и боронити будем, с помочю Божьею стараючисе о примноженье и вывышенья того панства и всих станов достойности оздоб и пожытков з наиболшою пилностью и всилованьем нашим.
АРТЫКУЛ 2
О вольностях шляхецских.Теж мы Господар обецуем словом нашим за нас и за потомки наши Великіе Князи Литовскіе под таким же обовязком нашим, яко вышей у первом артыкуле ест описано, иж всих князеи и панов рад, як духовных, так и свецских, и всех врядников земских и дворных, панов хоруговных, шляхту, рыцарство, мещане и всих людей посполитых у Великом Князстве Литовском и во всих землях того панства нам заховати при свободах и вольностях хрестіянских, в которых они, яко люде вольные, вольно обираючы из стародавна из вечных своих продков собе панов и Господарей Великих Князей Литовских, жыли и справовали прикладом и способом волных панств хрестіянских, ровнаючы однако маючы и тых вольностей ужываючы и з суседы братьею своею рыцерством и иные станы народу Коруны Польское, и особливе на то при свободах и вольностях и листех Великих Князей Литовских, продков наших, и от нас всем вобец яко и кождому зособна на учтивости достоенства вряды на именья на люде на кгрунты и на што кольвек даных, и што еще будуть даваны вперед, непорушне неотменне (вечными часы ховати). А хтобы теж што хотя без привильев за отчызным правом яким кольвек обычаем набытых людей кгрунтов своих в держанью был, так за славного панованья продков наших Короля его милости Казимера и Александра, яко теж за светое памяти и отца нашого и за нашого щастливого панованья, тые сами с потомки их близкими своими и тепер то вечне держати мають и будуть.
АРТЫКУЛ 3
Мы господар обтьцуем розмножати Великое Князство Литовское, а штобы розобрано и одышло зась ку нему привернути.Теж добра Князства Литовского не уменшым и то, што будеть через непріятелей того панства нашого отдалено розобрано и ку иншому панству от того нашого коли кольвек упрошоно, ку Короне ку Мазовшу ку Прусом ку Ифлянтом, то за се ку власности того Великого Князства привести привлащати и границы оправити обецуем. А хотя бых теж кому заграничником при границах тых верху мененых земли именья села и люди дали; тогды таковые мають с того служыти Великому Князству Литовскому, а хтобы не хотел служыти, таковых прывильев не маем мы и потомки наши держати.
АРТЫКУЛ 4
О неданье шляхты и их именей кгрунтов и всяких вольностей и теж неданье листов и привильев против сему статуту.Уставуес и вечными часы ховати и держати обецуем, иж яко продки наши Великіе Князи Литовскіе, так и мы незвыклые никому ни которым способом бояр шляхецских именей кгрунтов и земль давати, так и тепер на все потомные часы обецуем и прирекаем под тою ж присегою нашою, которую есьмо учнили обывателем сего панства нашого Великого Князства Литовского, бояр шляхты и их именей кгрунтов и всякое маетности и иных свобод и вольностей и прав в них отбирати и отводити, и ни яким особам, которым кольве в том панстве обывателем яко и заграничником и посторонним и жадному иному, давати записовати и ни которым способом отдаляти не маем. А где бы што одержано и вышло яким же кольвек обычаем против сего статуту; то с права и суду справедливость через нас и потомки наши за радою рад наших Великого Князства на сторону отложоно и ни во што обернено быти маеть. А про то привильев так в посполитом яко и кождому зособна не маем ани будем мочы давати против сего статуту и артыкулов в нем описаных; а которые бы перед тум вышли и про то с канцляреи нашое по выданью сего статуту от нас через кого кольвек одержаны были, таковых мы и потомки наши держати не хочем, але справа и суду сказовати и ни во што оборочати будем. Ведже кому быхмо з ласки нашое дали и давати хотели родичом Великого Князства именья наши спадковые, и в них бояре хотя бы шляхта была, а именыша свои здавна и ново теж через данину оных панов, по ком на нас Господаря тые спадки пришли, (мели) и им служыли, а листы потверженьем нашим не вызволили, в том моцы рук и щодробливости нашое и потомков наших не замыкаем.
АРТЫКУЛ 5
О соймикох поветововых и о выправованю и посланю з них послов земских на вальный сойм.Уставуем для лепшого порадку во всех речах и в способу ку справедливости и обороне, абы за волею всех на соймиках потребы се земскіе становили и отправованы были, абы вечными часы перед сеймом великим вальным, которым маем мы и потомки нашы завжды, коли того потреба окажеть Речы Посполитое Великого Князства, порядою рад наших тогож панства складати листы нашими соймики поветовые, а меновите на тых местцах и воеводствах нижей суть написаных и постановленных, которые соймики также листы нашыми даны будуть не на близшей час и рок, толко за чотыры недели перед соймом великим. На которые соймики мають зежджатися и бывати тые воеводове и каштелянове врядники земскіе, потомуж князове панове шляхта того ж повету и воеводства, а намовляти о тых речах и потребах земских, которые им на местцах наших ознайменены будуть, на мней теж о своих и о всех потребах земских и долеглостях оного повету и воеводства; и зволившыся вси одностайным зданьем мають обирати послов своих, то ест от кождого суду земского, колко их у том воеводстве будеть, по две особы, послати их на сойм ознаймившы и вручившы то все им, о чом водле листов наших господарских, и теж во всех потребах, радити намовляти и становити мають, даючы им моц на том таковом вальном сойме поступовати и кончыти тые и иные припалые речы водле часу и потребы. Ведже князей, панов, маршалков и иных всих урядников земских и дворных подле старого обычаю маем листы нашими на таковый вальный сойм взывати; и тые вси в раде посполитой местца и воты свои будуть мети способом звычаю стародавного, а послове земскіе местца и воты свое мають мети водле порадку нижей написаного.
АРТЫКУЛ 6
О сойму вальном.При том теж уставуем, с призволеньем рад наших духовных и свецких и зо всими станы сойму належачыми, на теперешнем сойму великом Виленьском, хотечы то все мети вечными часы, иж маем мы и потомки наши Великіе Князи Литовскіе с потребы Речы Посполитое за радою рад наших того ж панства, або за прозбою рыцерства, складати сеймы вальные в том же панстве Великом Князстве Литовском завжды, коли колко того будеть потреба.
АРТЫКУЛ 7
Абы шляхтич безправнене был иман ани сажон.Теж обецуем и вечными часы мети хочем мы Господар и потомки наши, иж все рыцерство шляхту Великого Князства при вольностях звыклых, которые от нас Господаря и от продков наших им суть наданы, будем повинни мети заховати и держати. Теж кождый шляхтич оселый подле права позваный, непоконаный правом, от нас Господара и от кождого вряду иман и в везенье сажон быти не маеть.
АРТЫКУЛ 8
Абы панове шляхту о почтивост их сами не судили.Теж уставуем, иж княжата и панове рада наша шляхту и кождого бы з рицерства нашого, которые теж шляхту нашу служебниками в себе ховают, не мають сами о почтивость судити кроме нас; бо тот суд никому иному не належит одно Господару. А што се дотычеть злодейства и иншых речей выступков — то волни будуть панове их з ними, осадившы при собе пред се шляхту людей добрых, справедливость чынити, а в чом бы был хто с права поконан, тогды тот за выступок свой терпети и каран маеть быти бы и горлом.
АРТЫКУЛ 9
Иж достоенств врядов в дедицтво чужоземцом давано быти не маеть.Так теж мы Господар обецуем и шлюбуем под присегою нашою, которую учынили есьмо Великому Князству Литовскому и всим станом и обывателем его, беручы то из статуту старого пана отца нашого Короля его милости тому панству Великому Князству Литовскому даного, а в сесь выкладаючы и на то позволяючы, штож в том панстве Великом Князстве Литовском и во всих землях ему прислухаючых достойностей духовных и свецких городов дворов и кгрунтов староств[19] в держаньи и пожываньи и вечностей жадных чужоземцом и заграничником ани суседом таго панства давати не иаем; але то все мы и потомки наши Великіе Князи Литовскіе давати будуть повинни только Литве а Руси, родичом старожитным и врожонцам Великаго Князства Литовского и иных земль тому Великому Князству належачых. А хтобы с чужоземцов заграничников и сусед таго панства и всих земль ему прислухаючих важыл се што с того упросить взяти и в держане прійти, а впомненый будучы того заразом не пустил; тогды маетность его вся маеть быти взята до столу и скарбу нашого Великого Князства Литовского. А хотя бы хто обчого народу за свое заслуги в той речы посполитой пришол ку оселости з ласки и данины нашое, албо которым иншим правом; тогды таковые толко оселости оное ужывати мають будучы обывателем обецным Великаго Князства и служачы службу земскую томуж панству. Але на достоенства и всякій вряд духовный и свецкій не маеть быти обиран, ани от нас Господаря ставлен, толко здавна продков своих уроженец Великого Князства Литовского Литвин и Русин. А гды бы одержал обчого народу человек которій кольвек вряд духовный и свецкій против сему статуту, напомненый того пустити не хотел; тогды таковый маетность свою на нас Великаго Князя Литовского тратит, кгдыж около того и в статуте судейском Польском ест описано.
АРТЫКУЛ 10
Достойности и вряды давные не мають быти нарушоны.Теж обецуем и хочем вечными часы мети, абы панове рада наша, так духовные яко и свецкіе, и вси иные врядника нашы земскіе и дворные, в том панстве нашом Великом Князстве Литовском были во всяких достоенствах и у почтивостях захованы водле давного обычаю и кождый подле зацности и местца своего. А што се дотычеть владности и справ их судовых; в том се они мають заховати и справовати, яко нижей в сем статуте ест описано.
АРТЫКУЛ 11
Достоенств и врядов на заочное обмовенье не маем одыймовати.Теж обецуем, иж достойностей всяких врядов староств держав тивунств на справу чію кольвек и на обмовы заочные мы и потомки наши не мають отнимати; але коли бы который из врядников наших был роспрошытель або шкодник наш и дворов наших, и до нас бы в том обмовен и обвинен был; тогды обоя сторона, як тая хто ведет, так на кого менит, мають перед нами очевисто стати, а мы с паны радами нашими Великого Князства Литовского, выслухавшы их и розознавшы тую реч, винного водле выступку его карати маем, а безвинне и без права на заочное поведанье не будем ни в кого врядов брати, ани их з них рушати.
АРТЫКУЛ 12
О держанью старых устав, а новых без сейму вальнаго не встановляти.Теж прирекаем вси привелея земскіе стародавные и ново от нас наданые волности и звычай добрый стародавный тым статутом нашим ховати и ни в чом ни нарушати, а нового ничого не встановляти. А вед же была ль бы того потреба што нового прибавити ку доброму речы посполитой; тогды того не маем чынити ани встав жадных делати, аж на вальном сойме того панства нашого и в здешнем панстве нашом Великом Князстве Литовском, з ведомостью порадою рад наших и призволеньем всих земль того панства нашого.
АРТЫКУЛ 13
О волности выеханья нашого из земли кром земль непріятельских.Теж узычаем и уфаляем вечными часы, абы княжата и панове хоруговные шляхты и кождый человек рыцерскій и всякого стану того панства нашого Великого Князства Литовского мели вольность и моц выехати и выйти с тых земль наших Великого Князства Литовского мели вольность и моц выехати и выйти с тых земль наших Великого Князьства[20] для наук у письме цвиченя учынков рыцерских и лепшаго счастья своего, и теж будучы неспособного здоровья своего для лекарств до всяких сторон и земль, кроме земль непріятелей наших Московского бесурманских и иншых, с ким тое панство наше на он час вальчыло; а ведьже так, абы из именей их под тым часом в небытности их самих службы земское не были омешканы, але нам и потомком нашым яко при них были завжды, только иле кроть бы потребы вказовали подле уфалы и уставы земское были заслугованы. А если бы сын поехал по рыцерству, а отца собе зоставил, а в небытности его отец бы вмер, а не оставил бы по собе другого сына дорослого або опекуна або близкаго кревнаго прирожоного в именях; тогды мы Господар маем опекуна установити на тые именья, хто бы з них службу земскую заступовал и именья от кривды и шкод боронил, а кгды тот с чужых земль пріедет, маеть именья и маетность свою до рук взяти яко властность свою.
АРТЫКУЛ 14
По смерти отцов и маток и иных кровных и близких их детей и потомков от кождого дедицтва спадком выслуги и всякого набытья не отдаляти.Теж уставуем, иж по смерти отцов и маток их дети сынове и дочки отчизны и материзны не мають быти отдалены, але они сами и щадки их властные кровные и близкіе правом прирожоным и слушне набытым звычаем стародавным и теж статутом першым и теперешним мають посягнути и одержати, и тые добра на пожыток свой оборочати вечными часы. А то се теж будет розумети о близкостях спадкох выслугах и всяком набытью водлугь права тым же обычаем, естли бы было колко братьи и сестр рожоных выданых албо и не выданых замуж, а тые бы братья межы собою отчызною поделилися, албо еще не поделили, а который бы з них потом умер не зоставивившы по собе плоду; тогды его часть отчызны только на братью приходить и на ихь потомство, а на сестри толко выправа с четвертое части всякого именья, естли бы перед тым которая з них замуж идучы от отуа своего або теж от тое ж братьи не была дана, поколь бы се были межы собою не поделили; а если бы была матерызна, тогды мають братья з сестрами ровно поделити межы собою. Паклиж бы Богь так допустил, же бы оная братья померли вси, а у жадного потомства по них не зостало, а хотя ж бы и было, а потом се звело; тогды оная вся отчызна и всяким обычаем набытые именья засе на сестры и на их потомство спадываеть. Нижли если бы еще такжо пан Бог допустил, же бы оных братьи и их сестры ани их потомства и щадков не зостало; тогды оная отчызна их вся также всяким обычаем слушное набытье именья и маетности на близких спадывати маеть, который ест наиблизшій до отчызны по мечу, водле того ж поступку также теж и материстые мають спасти на тых, которые будуть до материстого именья и маетности наближшіи по матце оных змерлых, если бы через них кому слушным записом не было заведено. Кроме теж того которые без потомства близшых щадков и наследников своих зомруть, а ни на кого права своего прирожоного выслужного и набытого не влившы а ни записавшы; бо по тых тым обычаем именья спадком на нас Господаря Великаго Князства Литовского и потомков наших Великих Князей Литовских приходять и приходити будуть. А где потомства близких и щадков из слядков (наследников) и надальшаго вже бы в поколенью кровных близких не достало, и никому от них записано и заведено не было; тогды по тых и по таковых обычаем именья спадков на нас Господаря Великаго Князя Литовского, и потомков Великаго Князства Литовского приходити будеть.
АРТЫКУЛ 15
Людей простых над шляхту не повышати.Теж простых людей над шляхту не повышати, на достойности их прекладати и врядов наших простым людем давати не маем, а шляхте кождому рыцерскому человеку тутошнего панства нашого Великого Князства Литовского родичу мы Господар, з ласки нашое господарское за службами за годностями их нам господару, обецуем их водле годностей достойностями и вряды опатровати и в службах наших заховати, яко верных подданых.
АРТЫКУЛ 16
О звод шляхецтва.Уставуем теж, естли бы хто кому рек, жебы не был шляхтич, тогды тот, хто ся выводит, маеть поставити з отца и матки двох шляхтичов прирожоных, и на то им поприсегнути, иж их ест прирожоный а правдивый шлихтич. А пак бы се будет род звел, а он бы тутошнего панства нашого тубылец; тогды бояр шляхту околичных маеть поставити двох шляхтичов, которые мають при нем присегнути, же он есть з роду шляхтич. Пакли бы теж который шляхтич нешляхтянку жону свою мел, тогды жону и дети свои з нею спложоные собою и шляхецтвом своим ошляхтит, и таковые жоны и дети их за правдивых шляхтичов быти мають. А ведже естли бы таковая невеста бывши за шляхтичом, а завсе бы потом пошла за простаго человека а не за шляхтича; тогды тая засе учтивость свою шляхецкую тратить, и в таковом стане быти маеть яко муж ее, за ким в тот час будеть; а детем тым, которые с первым мужом своим шляхтичом прыбыла, то предсе шкодити не будеть, толко бы ремеслом а ни шынком се не жывили и локтями не мерили, а ведже и таковый, если бы шынк и ремесло местское хлопское покинул и опустил, а поступков шляхецских и рыцерских наследовал, тогды предся за шляхтича почытан быти маеть.
АРТЫКУЛ 17
О чужоземцу наганеном о шляхецство.Теж если бы хто чужоземец был наганен о шляхецство; тогды маеть ехать до земли своее, отколь ест, и там перед врядом вывести шляхецство свое, а з уряду под их печатьми листы принести, с которими шляхецства своего маеть довести. А еслибы валка с тое стороны была, отколь он ест; тогды маеть поставити двох особ правдивых шляхтячов с тоеж стороны своее, або тутошних бывалых в той земли, которые бы были сведомы шляхецства его, а тые мають также при нем присегнути, иж он ест шляхтич, таковым обычаем чужоземцу вывод шляхецства его будеть. А кгды вже тот [21], который ему приганил[22], яким кольвек обычаем слушным набыл собе именье шляхецское, а хотел вольностей шляхецских ужывати; тогды перве мает оказати перед врядом тым, где купил именье, если ест шляхтич правдивый; а где бы не показал, тогды хотя именье купит, предсе з вольностеи шляхецских веселитися и их ужывати не маеть, ни под хороговью заровно з шляхтою стояти не будеть, але близкіе его мають с того именья скупити и службу земскую з него стужыти, а предсе достоенств и врядовь одержати не маеть, хотя бы и шляхтичом был.
АРТЫКУЛ 18
Если бы хто кому приганил, а сам не был шляхтич.Уставуем теж, иж кгды бы хто сам не будучы шляхтич приганил человеку доброму шляхтичу, а тот шляхтич в том стане своем шляхецском был, и довод на шляхецство учынил, а то показал, иж не шляхтич тот, хто ему приганил; тогды тот шляхтич тому нешляхтичу таковое приомве не будеть повинен справоватися, и таковая примовы ничога ему шкодити не маеть, але того который важылся тую примовку учинити, маеть вряд наш урезаньем языка карати.
АРТЫКУЛ 19
О наганене шляхтича забитого.Теж если бы кому дана была вина о головщызну шляхецскую, а он бы подведил, иж тот забитый не был шляхтич; тогды кгды того доведут кровные, же был шляхтичь, маеть быти каран, яко о том нижей написано, а зособна и навезка з именья его маеть быти плачона, яко бы жывому шляхтичу наганиль.
АРТЫКУЛ 20
О шляхте, которые бы в местеоселость прынели.Теж уставуем, иж кгды бы шляхтич занехавшы именья шляхецскаго, а ищучы пожывенья, шол бы собе до места и мешкаючы там, торг мескій ведучы або шынк в дому маючы або ремесло робечы, понехавшы на тот час шляхецтва своего подле уставы нижей у артыкуле описаное; тогды сынове такового, кгды бы потом шынком и ремеслом местским обходитися не хотели и локтем не мерили, а наследовали поступков рыцерских продков своих, таковые мають быти за правую шляхту почытаны.
АРТЫКУЛ 21
О простых людех, кгдыж повышеня чести и станов за годностями заслугами могут мети.[23] Кождого властне рукам и шафунку зверхности нашое господарское належыть, и теж постерегаючы всякого обелженя стану шляхецкого от людей[24] простого стану, окром особливое ласки и надареня от зверхности нашое господарское, вольности прывильев стану шляхецского сам собе прывлащати и их никоторым обычаем ужывати не можеть.
АРТЫКУЛ 22
Кгды бы шляхтич шляхтичу примовку якую учинил, так о шляхецство яко и о иные речы, заочнеи у в очы.Теж уставуем, иж кгды бы княз пан котораго кольвек стану и достойности, будучы толко бы одно роду шляхецского человек, заровно всих в том почытаючы от вельможного и до навбожшого шляхтича, однако розумеючы, один другому так о шляхецство яко и о иншые речы шкодливые доброй славе очевисто и заочне примовку учынил, а о то бы обе стороны ку праву приточили, а тот хто примовил перед правом того се запрел; тогды оному примовеному шокдити не маеть, и того он не будеть повинен справоватися, а теж тая примовка далей на того, хто се запрел, не маеть быти довожона.
АРТЫКУЛ 23
О примовку, иж бы хто не был чистого ложа сын.Теж уставуем, иж коли бы хто кому рек, же ты нетыстого ложа сын, а того бы на него не довел; тогды сказуем, иж таковый маеть тую примовку перед судом такочистити и тыми словы отмовити: што есмо менил на тебе, же бы ты не быль чыстого ложа сын, в том на тебе брехал як пес. А где бы так упорный был, а тыми словы у того суда отмовити не хотел; тогды маеть седети у везенью на замку нашом так долго, аж тыми словы яко в том артыкуле написано отмовит, а врад наш в том упорном никоторое фолкги чинити на маеть. А ведьже довод на бенкарты не инакшый одно таковый быти маеть, хтобы дети не з венчалною нешлюбною жоною мель; и таковым детем отеу от правых детей и от кровных ничого записати не можеть. А таковые дети над дар над бенкарты[25] розумети (розумены) быти мають, которых бы отец при властной жоне с чужолозницою мел, а хотя бы по смерти правое малжонки тую подложницу свою понял, а детей з нею прибыл; тогды яко тые першые блудные, так и тые хотя по венчанью а в шлюбе с таковою жоною мети будут, предсе за бенкарты мають быти розумены. Которого бы се отец за жывота вырек и не своим сыном быти его сознал, одно же бы того не чинил з вазни и з гневу против сыну або жоны своей и матце его почтивой, або бы теж жебы его час не малый за дитя мел, и по его пороженью и с собою маткою его а жоною своею терпел, бо яко вже его раз за дитя свое признавши маючы его при собе в дому своем терпеливостью своею за дитя свое признал; так вже его потом чинити злым не маеть и не можеть, кгды ж доброму ничого злого и непочтивого в дому своем терпети не годитца. А особливе отец сына бенкартом учинити не можеть за другое жоны своее маючы его, а звлаща естли будет того сына своего с першою жоною своею маткою его мешкаючы за сына мели; тогды вже при мачосе от именья отчизного отдаляти не можеть потомуж. А матка яко за першого мужа своего так теж и за другого пошедши детей своих[26] тым правом и обычаем яко о отцы написано и сужона быти маеть.
АРТЫКУЛ 24
О вызволенье отплатов новых и подвод кромей стародавного обычаю, як теж по дорогам.Теж уставуем и хочем мети, абы вси посполитые люди тяглые и вси поданые княжат панов хоруговных шляхт бояр и мещан тых земль Великого Князства Литовского от кождое дани плаченья и податку серебщизного, и теж дела и ото всяких беремен каменья дерева або дров ку паленью плиты и вапна на замки наши, кром стародавного обычаю, так и подводы хтобы перед тым давал и подыймованье станцыи на станех и на местцах звычаныйх нам Господарю послом гонцем нашим, так теж и мосты поправовати и новые на старих звычайных местцах будовати замки старіе поправовати, так и на тых старих местцах деленицы свое знову будовати и послов подыймовати, то водлуг стародавного обычаю в целости заховуем. А княжата панове рады воеводове старостове украинные и нихто з шляхты, ездечы по дорогам от именья до именья своего и в войско на замки украинные едучы, именей шляхецских и их подданых не мають шкодити, стаціи и подвод брати, але собе и слугам и конем своим за пенези водлуг торгу ценою куповати будуть повинни; а хтобы над сюю уставу нашу што учинил, тот стороне жалобливой кгвалту дванадцать рублей грошей платити маеть, а шкоду совито опраивти за слушным доводом.
АРТЫКУЛ 25
Естли бы которыи с подданых наших на князей панох або на ком ином выслужыл именье лежачое.Коли бы который с подданых наших выслужыл на князех або на панох або на ком ином именье лежачое, и будучы того именья в держанью он сам або и потомки его отити проч где хочеты зо всими статки и зо всим набытьем своим и накладом або будованьем, што будет на тое именье наложыл, нижли еслибы листы ему даными и то выражоно ему было, же бы мог тым именьем служыти ему [27] хотечи.
А ведьже хтобы таковый лист слузе своему дати хотел, тот маеть дати оному лист под печатью своею и под печатми и сведомом людей добрих шляхты, а предсе то княжа або паня маеть обличне пришедшы нам Господарю, а в небытности нашой господарской, тогды по вряду земскому оповедати, тогды таковый лист маеть быти держан. А которій бы выслужыл именье на ком кольвек, а по смерти того пана, на ком бы тое именье выслужыл, дети хотели ся делити, а тот слуга в тот час на делу ся не припоминал, а лист свой на тое именье выслужоное в дел пустил поступил; тогды таковые листы и вольности его вжо никоторое моцы мети не будеть, бо сам того замовчал, и спадывает тое именье на сына отчича. Который слуга естли будет тому служыти, и ему се в делу останет, а естли бы служыти ему не хотел, волен именье зоставити тому пану с тым всим с чим ему дано, сам взявши статки свои, которые в тое именье внес, або што властным грошом своим прибавил, пойти прочь. А которій бы боярин шляхтич князскій панскій выслужывшы на пане своем именье и на нем мешкаючи, а тому пану своему с того именья служечи, потом без воли и ведомости оного пана своего с тым именьем пана своего поддался под кого иного; тогды о то позваный до суду, кгды на него то переведено будеть, маеть быти каран, у везеньи седети чверть лета.
АРТЫКУЛ 26
О позыванье свецских в духовное право.Теж уставуем, иж бискупове и вси прелаты стану духовного и их справцы княжат панов и всее шляхты рыуерства, мещан и всих подданных наших яко и шляхецских не мають никого ку собе до духовного права о свецкіе речы вызывати; так и сами шляхта мещане и вси подданые наши и теж подданые шляхецскіе якого кольвек стану не мають се до духовного права утекати и повызывати о речи свецскіе, под закладом стороне позваной дватцатма рублями грошей и под нагороженьем утрат всих з совитостью, нижли што духовному праву належыть и прислухать будеть, то в духовном праве справовано и сужоно быти маеть.
АРТЫКУЛ 27
О мтщанех мтста нашого Виленского, яким правом шляхту з мещаны судити мають.Теж уставуем, иж кгды бы се трафило жаловати которому шляхтичу на подданых наших мещан Виленьских о раны о головщизны; тогды о то судить вряд мескій маеть своим судом, Майдеборским правом, водлуг привильев и наданья им от нас Господаря и от продков наших. Где бы се теж трафило якій кгвалт мещанину от шляхтича, хотя бы в том месте нашом Виленьском; тогды таковые речы вряд замковый земскій справедливость чинить будуть правом земским и статутом прав посполитых сего панства великого Князьства Литовского, и карати ведлуг права и статуту земского. А мещане иных мест шляхту судити мають о раны о головщизны их шляхецскіе земским правом, водлуг стародавного статуту Короля его милости Жикгимонта пана отца нашого.
АРТЫКУЛ 28
О мещанех, иж селян не мають на торгу грабити.Теж уставуем, иж мещане подданые наши о долги свои якіе кольвек не мають селян ани теж духовных и свецских ани чіих на торгу заповедати и грабити, ани тым собе справедливости на них доводити; але о тые долги с тыми виноватыми у панов их, а з нашими поддаными у врядников наших, будуть повинни справедливости доходити, а нашы врядники и панскіе мають им справедливости чинити. А естли бы хто пограбил не доводечи права; тогды маеть дати вины нам Господарю три рубли грошей, а стороне три рубли грошей, а грабеж совито навезати и шкоду также совито оправити.
АРТЫКУЛ 29
О слуги и о люди шляхецскіе челяд неволную, которіе до мест входят.Уставуем, которіе бы слуги и люде отчизные або челядь невольная втекли от княжат панов або от которого шляхтича, и пришли до столечного места нашого Виленского, або до иных мест наших князских панских и духовных, в землях панства нашого Великого Князства Литовского; иж тых людей слуг мають войтове бурмистрове радцы наши з мест наших выслухавшы слушного доводу от панов их [28] судечи земским правом, кромей которое бы слуги шляхецскіе до мест наших, а принемши право в котором з мест наших[29] войтове и врядники наши выдати не мають. А што се дотысечь челяди неволное, которые бы пришли до мест наших; тым ани права Майдеборского принятье аии оселость ани теж заседене десети лет ку помочы быти не маеть, и повинны будуть войтове и державцы и врядники наши им выдати[30]. Так теж старостам и державцам и врядником нашим, где права Майдеборского нет, на врядех наших тым же обычаем противко таковым збегом заховатися мають.
АРТЫКУЛ 30
О мерах, абы были ровны.Уставуем, абы в месте нашом столечном Виленском и в кождым месте нашом панства нашого Великого Князства Литовского, так теж в местех князских, панских, духовных и свецских, в торгох збожье всякое продавати мера была однакова ровна: то ест, абы была бочка, в которой бочце маеть быти чотыри корцы меры нашое дворное ровных без верху и тресенья, але под стрых; которая мера маеть быти чотыри корцы вымерена у Вильни от вряду пана воеводы Виленского, а при собе мають мети уряд местскій, где в которых местех право Майдеборское есть. А по иншых, воеводствах и староствах и державствах и тивунствах наших, также воеводове старостове и державцы и тивунове наши тые ж меры постановити мають, абы не тресены и без верхов были и кглейта на тых мерах положыти. Абы бочка была в чотыри корцы, а чверть бочки один корец, в той мере всякое збоже мерено быти маеть под стрых; таяж мера збожя маеть быти по местом и торгом князским панским и земянским, а по стодолах и в корчмах в дорозех. А хто бы кольвек смел ся того важыти, а иншіе меры уставлял и их уживал, таковый маеть заплатити нам Господарю вины три рубли грошей. Тым же обычаем панове воеводове старостове на врядех своих с таковыми уряды месткими, около мери и цены шынкованья питья привозного мушкетлы малмазеи и меду пива, также около ваги и локтя, через врядников своих постановенье чинити мають.
АРТЫКУЛ 31
Кнегинь, паней, девок, вдов не маем ни за кого кгвалтом давати.Теж обецуем и приказуем кнегин, паней вдов, княжон, панен девок шляхтянок и всякого иного стану рожаю земского, яко людей вольных под вольным панованьем нашим господарским, заховати их при вольностех их, а кгвалтом ни за кого их давати не маем без воли их, за кого хотя, за того волно пойти.
АРТЫКУЛ 32
Отец за жывота своего змушенья не повинен именья детем поступовати, леч по доброй воли части его.Уставуем теж, иж отец детем за жывота своего змушенья не повинен именья жадного поступовати, нижли по доброй воли своей, што воля его будеть. Также невеста, которая будеть именья свои отчызные або материстые мети, змушенья не повинна за живота своего детем поступовати, але што будеть добрая воля ее, то может поступити. А што се до тычеть материстых именей, не будуть ли мети на то слушного права и описов, повинен то сыну дорослому и девце замуж ее выдавши поступити; а сын и дочка на отцу жадных шкод и личбы с тых именей поискивати не мають.
АРТЫКУЛ 33
Всим станом народу шляхецского, як хотя, волно именьями шафовати.Теж уставуем, иж всим станом шляхецского народу яко и людем вольным вольно ест и будет именьями своими отчизными материстыми и яким ж кольвек обычаем набытыми шафавати, подле потребы воли и подобанья своего отдати, продати, доровати, записати, заставити в долгу и в сумах завести, заменяти; ведже водле того, яко о том шырей у розделе о записех ест описано.
АРТЫКУЛ 34
О вольности шафовати выслугою своею.Теж хто кому дати хотел даровати записывати або продати именье выслугу свою на нас Господарю; тот не можеть того никому перед жадным урядом записати, только пришедшы и постановившы се перед нами Господарем и з ведомом нашим, а мы того боронити не будем. Ведже которые бы мели привилья наши, а в них то доложоно, иж волно ему отдати даровати и записати; таковые могут оное именье записовати перед кождым врядом, яко отчызну свою або куплю. А звлаща тые которые бы собе и потомком своим на вечность описаную мели, а тые привилья мають на врядех оказываны быти; а которые бы ленным правом або дожывотьем або до воли и ласки нашое господарское мели, тых маем заховати водле привильев их и ласки нашое господарское.
АРТЫКУЛ 35
О вольности шляхтеимгьнья лежачые и иные маетности свои нам Господарю записовати.Теж хтобы хотел што нам Господарю записати так именей лежачых яко и иных маетностей; тогды вольно будеть кождому так перед судом земским яко и замковым, и теж сознаньем своим очевистым до книг наших канцлярейских и за листы нашими водле права записовати, а форіе (хорые) могуть то нам Господарю описовати тестаменты своими.
АРТЫКУЛ 36
Хто чого за Короля Казимера и за Александра и за отца нашого Короля его милости Жикгимонта был в держанью, тот вечнетаеть держати.Хочем теж мети и уставуем, абы вси подданые наши, так духовные так и свецкіе, княжата и панове и вси шляхта, которые именья свои отчызные выслужоные и купленые и якіе кольвек набытые, за продков наших славное памяти Короля Казимера або дядка нашого Короля Александра, так теж и за отца нашого Короля его милости Жикгимонта и за нашого щастливого панованья, спокойне держали; тые мають таковые именья вечне с покоем держати, от сих часов и на потомные часы вжывати они сами и потомки их, бы добре и листов ни которых на то не мели.
АРТЫКУЛ 37
Хто бы именье от нас в кого отыймовал.Теж уставуем, кому быхмо мы Господар именье або люди и земли дали, а хто иншый по той данине нашой тое именье отнял; тогды тот, у кого отнято, можеть того доходити и правом поискивати, нижли большей искати не можеть одно, яко ему дано и як на нас Господаря то держано, толко бы давности земское от того часу, яко ему дали, не омешкал.
АРТЫКУЛ 38
Што бы кому через лист дано або упрошоно, а он бы того не ужывал и в молчани был через давность земскую, и теж о лета детиные, которые бы в чужой земли были.Теж уставуем, естли бы што кому дано або продано за записом слушным, будь теж и перед нами Господарем, або и перед судом земским было обявлено, а оный бы што ему дано продано або записано в держанью и в пожыванью десеть леть не был, и о то се врядовне не упоминал; таковый по выйстю лет десети того доходить не можеть, але держачый то вечне маеть мети. А ведже тот, хто се впоминаеть маеть его впоминати через листы наши господарскіе и земскіе позвы, припозываючы его ку праву и становечыся за позвы; а хто бы позвы взявшы у себе держал, а сторону ку праву не припозвал, таковое упоминанье за упоминанье у права не маеть быти пріимовано. Леч естли бы было написано детем лет дорослых не маючым; тогды им в молодости лет их давность земская не шкодить, хотя бы того в держанью и в поминанью не были и не припоминалисе, то есть лета дорослые мужчызне осмнадцать легь а девце петнадцать лет. Хтобы теж в чужой земли был, тогды томуж также давность земская не шкодить; нижли толко дети лет своих доросшы, так теж и тот, хто в чужой земли был, с чужое земли пріехавшы давности земское десети лет не омешкал.
АРТЫКУЛ 39
Мы Господар шлюбуем однакую справедливость всим чинить, а перед судом[31] мы и панове рады наши брати не маем.Обецуем теж з ласки и добрости и милости нашой господарской ку подданным нашим, всему рицерству Великого Князства Литовского, под сумненьем нашим, иж мы Господар и панове рада наши иаем кождому стану всим заровно однакую справедливость чинить без отволоки, а от права не маем ничого брати; потомуж и панове рада наша, а не маем теж стати и зычностью быти одной стороне, але просто кождому справедливость делати будем повинни, так теж и панове рада наши под присегою, которую до рады вчинили, справедливость чинити будуть повинни. А што се дотычеть почтивостей шляхецских, о то жаден с панов рад ани суд замковый ани теж суд земскій поветовый не маеть судити, толко мы сами Господар с порадою панов рад наших Великого Князства Литовского судити маем обычаем вышейписаным. Ведже што здавна и тепер в сем статуте суду замковому належыть, то суд замковый судити и отправовати маеть.
АРТЫКУЛ 40
О тых, которыеедучи в дорогу на полях се становять, а збожью шкоду чинять.Уставуем, хтобы едучи дорогою брал албо жал жито и иное жито збоже, або выпаствил и вытоптал конми, и за ишпаш грабити се не дал; таковый будеть повинен стороне жалобливой три рубли грошей платити, а шкоду, што люди сторонніе на испаши ошацують, также платити и оправовати маеть.
АРТЫКУЛ 41
О невывоженью приправ военных до земли непріятельское.Уставуем и вечными то часы мети хочем, постерегаючи того, абы зо всих земль панства нашого Великого Князства Литовского яко жидове татарове купцы и вси подданые наши, которого кольвек стану, явне и таемне всяких броней железа ручниц нажов стрел и всякого иншого наряду военного не выпущали и не вывозили, послом не продавали, с чого бы непріятель силитись мог. А хто бы се того смел важыти над тое росказанье и уставу нашу; тот ничим иным одно горлом каран быти маеть, а товари и вся маетность его маеть быти до скарбу нашого взята, а того с пильностью на всех замкох украинных сторожове и вси врядники наши постерегати мають, а то се розумети будеть в покою и под не впокоем.
РОЗДЕЛ 4-Й О СУДЬЯХ И О СУДеХ[32]
АРТЫКУЛ 1
О выбиранью судей в повете.Уставуем, иж в тых поветех, которые суть нижей росписаны, и в кождом таковом повете, где еще до сих часов не обраны, зособна мають быти судья подсудок и писар, которые так и тым обычаем мають быть выбираны и на таковые уряды установлены. На первей маем мы Господар час певный зложити и то листы нашими по всих таковых поветех ознаймити, где в кождом повете княжата панове рада наша, также рицерство и шляхта вси, хто кольвек якого стану будет там именья свои мети, зехатися мають до двора, которій на посродку того повету будет, и тые которые ся зедут не ждучи никого, хтобы в повете именье маючи пріехати не хотел, ку тому року мають выбрати зо всее шляхты того повету братьи своее на кождый вряд таковый, на судейство чотырох людей добрих, на подсудство других чотырох, на писарство третих чотырох людей добрых, цнотливых, ростропных в праве у местных[33], роду шляхецского, в том повете добре оселых, не иное веры только Хрестіянское; и выбравшы их, тых выбраных через листы свои нам Господарю ознаймити мають, а мы с тых всих дванадцати особ выберем трех до того повету на вряд земскій, на суд судою и подсудка и писара.
Которіе от нас выбраные и потверженые на першых рокох судовых перед поветовым воеводою, або в небытности воеводиной перед кашталяны, а в земли Жомоитской перед старостою Жомоитским, при зобранью шляхты, што их там в том часе будеть, маеть судья подсудок и писар присегнути тыми словы:
Я присегаю Пану Богу во Троицы единому, иж в том повете водле Бога справедливе подле права и статуту сего писаного Великого Князства Литовского, водлуг жалобы и отпору, ничого не прикладаючи ани уймуючи, буду сознавати и записы пріимовати, не фолкгуючи высоким и подлым станом на достойностях и на врядех седячим, на богатого ани на вбогого, на пріятеля кровного заховалого, ани на непріятеля, на тутошнего, не на гостя не смотречи, не с пріязни не з вазни не з боязни не за посулы и дары, ани сподеваючися на потом дарованья и якого нагороженья, и не радечи стороне, а ни боячися казни помсты и погрозок, але самого Бога и его светую справедливость и право посполитое и сумненье свое перед, очима маючи, теж роков николи не омешкиваючи, кром великое правдивое и зложное хоробы; а як то справедливе присегаю Богу, так ми Боже помози; а естли несправедливе,— Боже ми не поможы.
А писар земскій маеть по Руску литерами и словы Рускими вси листы и позвы писати, а не иншым языком и словы, и так мает писар присегати.
Я, N, присегаю Пану Богу в Троицы единому на том, иж справедливе водле Бога и того права писаного и подлуг мовенья и споров сторон, ничего не прикладаючы ани уймуючы, у суду записовати и радити судьи и подсудку верне и справедливе, подле сознанья сторон и споров на судех и осведченья и оповеданья судового и сказанья судового, и в книги судовые вписовати буду а пилновати и догледовати, абы подле сее присеги моее справедливе были вписованы, не маючы баченья на высокіе а ни подлые станы на достойностях седячых, на богатого, ани на вбогого на пріятеля кровного заховалого, ани на непріятеля, на тутошнего, ани на гостя, не с пріязни не з вазни не за посулы и дары, а не боечыся вазни и помсты и погрозок, не ждучы нагороженья, але самого Бога и его светую справедливость и право посполитое перед очима маючы, и сумненье свое добре а побожне справуючы, так ми Боже поможы.
А потом, кгды бы который с тых на початку и знову от нас тепер выбраные умер, судья, подсудок, або писар, а трафило се бы то в небытности нашой; тогды тые, которые на тых урядех зостануть, мають о том дати знати воеводе своему, а в земли Жомоитской старосте Жомоитскому; а воевода маеть через листы свои старостам врадникам и шляхте того повету, а староста Жомоитскій тивуном шляхте и всякого стану оное Жимоитское земли обывателем час зложити, на который зехавшися вси станы оного повету и до такового двору нашого, яко вышей описано, мають на местце того умерлого чотырох особ таковых же, яко и первым выменено, обрати и нам через листы свои отворотные за печатью воеводиною ознаймить; а мы потом с тых чотырох одного, который се нам видети будеть, выбравшы на местце того умерлого судьи подсудка або писара, которого с тых в тот час потребовати будуть, не отволочне установити. А где бы на судство обрали подсудка або писара земского; тогды на тое местце там же за разом на тот вряд обобравшы к нам послати мають; а тот, кому тот вряд дамо, потом на першых рокох судовых будеть повинен первей на местцу там перед тым воеводою або кашталяном и перед старостою оного суду так, яко вышей описано, присегнути, тож потом врядом своим владнути и справавовати. И так мають вжо вечными часы в поветех около выбранья тых врядников справоватися и заховати.
АРТЫКУЛ 2
О моцы и владности судей, иж кождый и кождого стану повинен перед нами становитися, и о том, хтобы перед нас не стал.Теж уставуем и даем моц вечными часы, звирхностью владности нашое господарское с прозволеньем панов рад наших и всих станов всих земль того панства нашого Великого Князства Литовского, тым врядом поветовым в кождым повете судьи и подсудку на роки зложоные позывати перед себе, судити и справовати всих панов рад духовных и свецских, княжат, панов хоруговных, шляхту и бояр о земскіе речы з именей однако одностайно, хто одно кольве в том повете именья свои мети будеть, жадного не выймуючы ани з суду имене их не выпущаючы, кром нас Господара и врядников з именей наших, а не их именей, тых они судити не могуть, толко мы Господар, або тот кому то под часом воли нашое злецым. А хто бы кольвек маючи именье свое в том повете перед ними се становити не хотел на часы певные, яко то нижей на своем местцу постановлено, за позвы не хотел, або и ставшы с початку а до конца розсудку и сказанья их не слухаючы прочь от суду отышол, не хотечы быти права послушным; на таковые хто кольвек будеть, так высокого яко и низшого стану, даем моц зуполную оному вряду земскому судьи и подсудку, иж мають подле сего права и артыкулов нижей о том постановеных и написаных поступок и сказанье и отправу чинити против кождому, яко хто у во што упадет, аж до остатнего стопня права. Нижли тот суд земскій толко тых артыкулов судити не маеть и моцы мети не будеть, которіе нижей у артыкуле двадцатом суть описаны и замковому суду злецоны обычаем и способом о поступках описаным. А выписы и листы судовые маеть писар рукою своею подписывати а не выдавати стороне, аж перед судьею и подсудком вычтет первей нижли до книг уписавши.
АРТЫКУЛ 3
О пересудах судьи подсудку або писару.Теж уставуем, иж кгды бы суд земскій и которій же кольвек вряд наших кому што на ком присудил; тогды от презыску того, хто зыщет, судья и подсудок мають брати от копы одному грошу, и с того пересуду судьи два грошы а подсудку третій грош. Нижли што се дотчыеть, долгу хтобы платити не хотел, аж за позвы с права; тогды не тот пересуд платити маеть, хто зыщет свою суму, але тот, хто позычил а без права заплатити не хотел, таковый сам долги и пересуд платити повинен будет, окром долков по умерлой руце. А што се дотычеть того, хто се от кого оттяжет; тогды памятного яко от великое так и от малое речы не повинен дати большей только чотыри грошы. А писару земскому и кгродскому такій доход: от кождых позвов по грошу, за вписованье в книги грош, от выпису с книг грош, и оповеданья крывды писарю грош, а от судовых листов и выписов за кождый позов, кгды отсужон будеть, по два грошы; а через то яко вышей описано, бы теж наиболшей письма и працы было и реч наиважнейшая, писари не мають больше брати от листу паркгаминового, естли сторона потребуеть с привесистыми печатьми, за працу писару дванадцать грошей, а паркгамен шнуры и воск сторона будеть повинна дати.
АРТЫКУЛ 4
О возных присезеи врядеих.Уставуем, хотечи мети, абы в праве земском завжды порядок и справа обычайне шла, даем моц, абы воеводове в кождом повете судовом, где книги лежать, а староста Жемоитскій там в той земли Жомоитской возных выбирали пострыгали уставляли теж шляхту людей добрих веры годных цнотливых оселых в том же повете, так много яко бы их потреба указовала водле повету и шырокости его а потребы людской, а принявшы от его присегу в рейстра свои вписовати и листы свои таковым возным давати мають, и присега им маеть быти выдана тыми словы: Я, N, присегаю Пану Богу в Троицы Единому на том, иж будучи мне возным маю верне и цнотливе и побожне на том вряде заховатися, позвы справедливе относити и отдавати теж правдиве зозновати то, на што буду послан, кгвалты бо и огледавши и раны правдиве до книг врядовых сознавати, и все иншое справовати, што належыт врадови моему, не за посулами ани пріязнью ани за непріязнью ани за боязнью, одно водле Бога и светое справедливости, так ми Боже поможы.— А завжды возный посланый з уряду што кольвек справовати будеть, при кождой таковой справе мають мети при собе сторону двох шляхтичов, о которіе не возный але сторона старатися и их собе набывати маеть.
АРТЫКУЛ 5
Справа и врад возного.А то вряд возного: позвы носити и ими позывати, хотя без ведомости врядовое, и рок складати водлуг старого обычаю, а заповедити иж бы от права не уежджали, сведком водле сказанья у суду присегу выдавати, при осведченью всяком быти, увязывати з выроку и с првданья судьи и подсудка за листы их, а кгвалты розбои раны головщызны оглядывати и до книг врядовых, от которого вряду будеть послан, сознавати, и завжды маеть мети при собе при кождой таковой справе двух шляхтичов для подпору вызнанья и сведецства своего, а ведже бои грабежы и крывды раны и иншые шкоды тым подобные меншые а не крывавые, которые сам один и без стороны шляхты огледати и без посланья врядового на то ехати можеть, однакож без жадного омешканья то все до книг врядовых маеть сознати, а сознане возного в книгах так будеть моцно, яко бы сам возный очевисто стал. А где бы возный до книг не доехавшы и сознанья не вчынившы умер, а не было бы то в книгах; тогды оная шляхта сторона и по смерти оного возного маеть стати и подперети сознанья его. А где бы возный што кольвек такового непристойнаго справовал, албо иж бы неправдиве сознавал, альбо врядом своим ку шкоде которое стороны фальшовал, шафовал за якою ж кольвек причиною; тогды за доводом ничым только горлом маеть быти каран. А што се дотычеть доходу возному, от кого што маеть брати, то ест коли где на которую справу поедеть, тогды от мили по грошу у в одну сторону, а што назад поедеть, за то ничого брати не маеть; а если мили не поедеть, только на местцы позвы даст огледывати кгвалту ран або прислухиватисе чого будеть предсе, ему от того грош, а от сведченья грош; а где на увязованье поедеть з тых же людей, в которые се увязывати будеть, з службы по грошу брати маеть, а с пустовщызны таковое, которую пашуть, по пол-грошу, а от пол-службы а от сумы пенезей отправуючы се от копы по два пенези брати будеть.
АРТЫКУЛ 6
Хто бы возного за посланьем и за листы вряду замкового и земского на справт сбил, або листы в него отнемшы содрал.Уставуем теж, хто бы возного на справе за листы воевод вряду замкового або поветового збил, або листы от него отнемшы содрал, и тым вряд не учтил; тогды тот за доводом слушным маеть возного навезати совито водле стану его, а не замку албо у дворе поветовом шесть недель седети, а сторону которую бы при возном сбито маеть также за слушньш доводом навезати водле стану, якого будеть.
АРТЫКУЛ 7
Абы особы врядовые сами судили а нихто иншый на их местцу.Уставуем, абы судья и подсудок сами через себе ани через свои наместники суды и роки отправовали, окроме того еслибы который з них сам захорал, альбо бы теж свои власные потребы мел; тогды маеть человеком добрим, цнотливым, веры годным, и в праве уместных шляхтою так же в том повете оселом, местце свое засадити. А ведьже тот судья або подсудок, который се форым менил быть, на других рокох под тою ж присегою, которую на вряд свой присегал, маеть поведити, иж правдиве немоцон был, а не ку зволоце права а ни ку чыей шкоде тою се форобою вымовлял. А где бы судья або подсудок без правдивое и обложное немоцы роков судовых омешкивал, а то бы се колко кроть показывало, таковый вряд свой тратить. А писар можеть подписка, або одного або и двох або колко ему будеть потреба, при собе мети, а пилне сам завжды догледати, абы верне а правдиве не проволокаючы але за разом до книг записывано было, а где бы се што такового в праве от них мылило, неповинна будеть шляхта подписков смотрети, але на самом писару за оною помылкою шкоды своее доходити мають. А где быхмо з тых врядника земского судью подсудка або писара на справы земскіе або в посельстве послали; тогды до зверненья того маем злетити и засадити месце его человеком добрим, шляхтичом в том же повете оселым; а тот мает первей в том же повете на рокох першых перед урядом замковым на том присегнути, иж до зверненья оного врядника справедливость людскую правдиве отправовати будеть.
АРТЫКУЛ 8
О судьях, якіе мають быти обираны.Уставуем, иж на тые вряды яко на судейство на подсудковство и писарство не мають быти выбираны духовиые особы, а ни старостове державцы, а ни тивунове того повету, а ни хоружые и ни хто таковый, хтобы в том повете нашом врядником был; але таковые и так мають быти выбираны яко вышей описано.
АРТЫКУЛ 9
Яко и при ком позвы позыватися мають, и як и гдето осведчыти, и што возному за проезд давати.Теж хтобы на кого позвы взял и тыми позвы позывати его хотел, тогды позвы колько их будеть, маеть очевисто давати и позывати можеть очевисто при костеле у суду и на кождом местцу, где бы кольве его зостати и найти мог, через возного; а где бы их очевисто дати не мог, тогды на именью того, с которого се крывда дееть, маеть положыти в дворе том, або у ворота уткнути; а естьли в том именью, с которого кривда дееть, двора оного пана не было и ку жадному двору того пана оное именье не прислухало, яко то бывает села данники на Руси и инде в том панстве нашом, тогды тые позвы предсе што до наиблизшаго двора тое волости оного пана несены и в оном дворе, яко о том вышей описано, врядовне покладаны быти мають, и рок, который за тыми позвы зложыть, маеть на обоих позвех написати, абы и позваная и поводовая сторона року ведоми певны и пилны были. А кгды бы возный писати не вмел; тогды будеть повинен оного позванья сознанье на письме под печатью своею дати и на рокох судовых перед врядом земским сознати, которое сознане за слушное у права принято быти маеть.
АРТЫКУЛ 10
О печати нашой господарской земской и теж о печатех врядовых, которими што печатано маеть быти.Теж мы Господар даем под гербом того панства нашего Великого Князства Литовского, погонею, печать до кождого повету, тую печать писар земскій присяжный в себе сам а не хто иншый ховати маеть, которою печатью и под тытулом нашим позвы мають быти печатованы а выдаваны, а иншые никоторые листы выписы и сознанья кроме только самих позвов тою печатью не маеть быти печатовано; але будуть печатованы всякіе листы того вряду земского судовые выписы и сказанья печатьми судьиною подсудковою, а подписованы рукою того ж писара земского.
АРТЫКУЛ 11
О книгах земских, в кождом повете гдебудут хованы.Уставуем теж, хотечы то мети, и приказуем, абы в кождом таковом повете, где суд земскій будеть, в замку альбо у дворе нашом, судья подсудок и писар земскій поспол з шляхтою выбрали збудовали и патрыли таковое место, где бы завжды книги земскіе безпечне от всякое пригоды были захованы. А кгды роки их сужоны будуть, по выволанью роков мають книги еще не мней тры дни лежати, при которых быти мають не отеждаючы судья подсудок и писар для сознанья и выписов бранья и для иншых потреб шляхецских; а разежджаючися мають тые книги вложыти и заховати в скриню моцную за трема замками, от которых один ключ будеть у судьи другой у подсудка а третій у писара, а печатьми своими запечатовати мають. А перед роками тот уряд яко судья так подсудок и писар за три дни мають пріехати и списати в реестр позвы для того, хто кого первей позвал, абы теж тот а не иный был первей сужон. А кгды з реистру тры разы вызовуть, а не отзоветца тот кого волають; таковый маеть быти сказан, яко бы не стал. Тым же обычаем и поводовая сторона маеть розумено быти, иж волавшы сторон одного дня и другого, а третего дня волавшы, сторона не уставаючая року маеть быти сказана за нестанье свое.
АРТЫКУЛ 12
Хто бы за позваньем позвы на першые другіе и третіе роки не стал без причыны слушное.Уставуем теж, хто бы будучы позван на першых рокох не стал, и причины слушное нестанья своего у суду не оповедал; таковый маеть стороне на других рокох, первей нижли у суд уступит, заплатити нестаного копу грошей, а суду дванадцать грошей, то ест судьи осм грошей а подсудку чотыри грошы. А где бы о тое ж на другіе роки также будучи позван у права не стал; тогды стороне маеть заплатити три рубли грошей, а суду двадцать и чотыри гроши. А естли бы также на третих рокох судовых о тоеж будучы позван у права не стал; таковый вжо в речи своей упадываеть и тую реч, о которой был позван на тые три роки судовые, вечие тратит; а суд на таковом упорном тое о што позван будеть шкоды и наклады правные сказати маеть. А где бы сторона позваная ставшы на рокох третих упором своим тых вин за нестанье свое платити не хотела; тогды о што позвана будеть в речи своей упадываеть так, яко бы и на вси роки не стала, а суд маеть на таковом упорном тое, о што был позван, сказати.
АРТЫКУЛ 13
Хто бы за хоробою або за послугою нашою земскую за позвы стати не хотел.Теж уставуем, хто бы был позван на роки судовые першіе другіе и третіе, а зашла бы его хороба, або послуга наша земская и припалые потребы земскіе, або сейм вальный, або теж поветрее моровое, для которых бы на тых трех роках судовых стати не мог; тогды за таковым нестаньем яко нестаного платити так и речы тратити не мает, нижли особ суду и стороне маеть дати знати: если ж бы послуга наша земская або потреба теж припала земская, тогды через листы наши и панов рад наших, если бы хороба, тогды листом своим отвороным через у моцованого пріятеля або слугу своего, а сейм и поветрее моровое то само собою кром обсыланя вымовляеть. А ведже тот, который се форобою закрываеть, потом на першых рокох за припозванем стороны поводовое маеть се отприсегнути, яко правдиве был немоцон, а если бы присегнути не хотел, тогды в речы своей опадываеть. А если бы на третих рокох за форобою не стал, тогды на тых третих рокох маеть суд земскій послати до него вознаго и при нем двох шляхтичов, перед которыми тот форый на том маеть присегнути, иж по вси тые роки фор был и за тою форбою стати не могл; а кгды присягнеть, на он час от всих вин вышей описаных будеть волен, а кгды бы присегнути не хотел, таковый оный выны маеть платити. И хотя бы предсе фор был, вжо будеть повинен сам через себе або через умоцованого своего на четвертых рокох на конец усправедливитися не вымовлячисе форобою. Пакли ж бы и в четвертых рокох через умоцованого усправедливитися не хотел, тот вжо в речы той, о которую позван, упадывает и вечне то сказано быти маеть.
АРТЫКУЛ 14
Хто бы кого позвавшы на роки судовые, сам без слушное причины не стал.Уставуем теж, хто бы кого позвавшы ку праву, а будучы стороною поводовою, без слушных причин, яко вышей о позваном описано, и не даючы о собе причины слушное суду и стороне знати не дал, и сам с доводом своим не стал; тогды оному позваному, где бы хотел его о то другій раз позвати, маеть первей за нестанье свое справу и наклад его заплатити, тож потом о свое мовити. А пакли бы и другій раз позвал о тую ж реч, и сам же и повторе не стал; тогды тую реч, о што позвал, тратит, а позваный тот, хто року и права за позвы пилнуеть, вжо от того часу о што позван на вси пришлые часы будеть волен [34]. А если бы сторона поводовая ставшы и у право уступившы, маючы спор з стороною обжалованою на праве з яких припалых причын, о которых перед правом не ведала, а брала се еще на якій иный довод, которого на тот час ку праву на суде з собою мети не могла, або о нем не ведала, а просила бы на отложене на другіе роки судовые; тогды суд маеть того допустити, а тым речы своей не тратить, а на других рокох судовых естли бы сам не стал, або доводу не ставил, тогды реч свою тратит. Так теж и сторона позваная если бы на тых рокох и за так коротким часом ему за позвы зложоным не могла правдиве за якою слушною причиною пристойною и ведомою листов або заводцы мети, и брала бы се в таковых рокох и артыкулех на другіе роки; тогды суд маеть ей того допустити, а ведьже на тых других рокох будеть повинна зо всим готова быти, и то перед судом ясне показати, иж тот рок собе одержала и впросила не на проволоку якую стороне поводовой, але иж без того быти не могло. А где бы се то у суда показало, иж неслушне ку кривде и проволоце стороне противной таковый рок хто собе одержал, маючы то мети на першых рокох; таковый повинен стороне шкоды, которые за отволокою его принела, на чом присягнеть, платити будеть.
АРТЫКУЛ 15
Хто бы кого через суд або еднане ку праву позвал.Уставуем, хто бы с ким мевшы право и утратившы которую реч на праве або еднаньи, а по суде зеднавшы о тоза се его до права позвал, и по праве тое ж речы за се знову искал и того доходил; таковый будеть повинен заплатити стороне семь коп грошей, судьи две копе грошей, а подсудку копу грошей, а тот суд и единанье предсе при моцы зостати маеть.
АРТЫКУЛ 16
Иж в позвех нихто не маеть ни на кого речей неучтивых писати и образливых доброй славе.Уставуем теж, иж в позвех наших земских тые, которые их беруть, не мають писати речей доткливых ку почтивости; а где бы позвал так, тогды на такіе позвы сторона позваная ставшы не повинна отповедати, аж се он на других рокох на позвех своих поправить, нижли што се дотычеть наездов домовых, кгвалтов белым головам, выжоги, разбоев и иных злочынств, которые артыкулы на вряд наш замковый суд а не земскій належать, о то каждый подле учынку такового можеть в позвех меновите написати.
АРТЫКУЛ 17
Хто именья свои в розных поветех маеть, а доколка судов розных з именей розных на одны роки за разом будет позван.Уставуем, естли бы хто с подданых наших в розных поветех именья свои мел и до розных судов был позван, а роки бы на один час в тых поветех, до которых ест до суду позван, притрафили; тогда маеть в том повете стати, до которого ест о большую реч припозван. А ведже сутяжым своим маеть через лист свой и через возного и шляхту людей добрих сторонних и суду поветовому, у которого се не становит, о собе дати ведати, иж для лепшое и большое речы, о которую ест позван до иншого повету, там не становится; а однакож с тых книг, у которого се суду становил, взявшы выпис на других рокох маеть показати перед судом, у которого се не становил, иже се правдиве болшою справою вымовлял, тогды нестанного неповинен 6удеть платити. А ведже на третих рокох не маеть се болшою справою вымовляти, але се повинен становити и в отказе быти яко на завитом року, естли не сам через себе, тогды через умоцованого своего под утратою тое речи, о которую позван; а предсе оного суду, где первей и повторе се становил, маеть выпис перед урядом показати.
АРТЫКУЛ 18
Што бы се стало пры бытности нашой и при дворенашом, которим обычаем то маеть сужоно, а хто бы через заказ [35] утхал; о гостях чюжоземцах.Уставуем теж, где бы при бытности нашой господарской в том панстве нашом Великом Князстве Литовском, где кольвек будучи нам двором нашим, учинил хто кому кгвалт бой раны або якую шкоду; тогды тот обвиненый учинившы то при дворе нашом не маеть се поветом вымовляти, ани позвы брати и ими се закрывати. Але заразом через дворенина нашого будеть повинен перед нами або перед тым урядом нашим дворным Великого Князства Литовского родичом, кому то от нас злецоно будеть, заповедаиый, ставшы усправедливитися перед урядом нашим кождому тут же и тутошним правом без року, только за заказом, не вымовляючи ани закриваючисе правом своим. А пакли бы которому чужоземцу при нас Господары, або хотя и в небытности нашой, в котором месте або под которым урядом у котораго тубылца сталсе кгвалт бой разбой зраненье отнятье кгвалтовное маетности его, што кольвек с тых поменных речей; тогды обвиненый в тых речах без позву, а мещанин и простый человек без року, не проволокаючы ничым повинен усправедливити за заказом перед нами и перед воеводами врядники нашими замковыми и дворными, а мещанин мешкаючы под правом Майдеборским перед меским урядом. А естли бы хто с подданых нашых на жалобу гостиную был заповедан, а проч уехал; тогды на именье его з листом нашим дворенин наш маеть быть послан, або вряд замковый маеть послати з листом своим, хотя бы его на именью не было, предсе тот лист на именью его маеть быти положон и рок зложон, ку праву за две недели стати, а он наконец не вымовляючисе будеть повинен на тот час стати и усправедливити, а где бы предсе на тот день ему зложоный не стал, тогды маеть быти то на нем, о што жалоба ест, водле доводу сказано и отправа дана.
АРТЫКУЛ 19
О тых, которые не маючы в том поветеабо вряденашом оселости и там, пріехавшы з стороны або з иного повету, збыток учинил.Теж уставуем, иж хто кольвек з иное земли чужоземец або хтож кольвек неоселый в том панстве нашом Великом Князстве Литовском, пріехавшы в который кольвек повет, где оселости не маеть, або под вряд и до местечка нашого, учынил там кому кгвалт бой раны шкоду и якій же кольвек збыток; тогды там же а негде индей на вряде нашом замковом, або где бы замку не было, в дворе нашом сужон и сказован быти маеть и оправа на нем чынена. А ведже естли бы в другом повете по недалеку оселость свою мел або пана, кому служыть, поведил; такового з оселости его або перед его паном, кому служыть, правом ужывати маеть; а однакож слуга панскій неоселый, вчынившы кгвалт и зраненье, маеть задержан быти на замку або на вряде двора нашого, а оный о собе маеть дати знати пану своему, а где бы пан справедливости не вчынил, о то сам до вряду позваный отповедати повинен, а позывати о то до вряду замкового.
АРТЫКУЛ 20
Што мають судити воеводове старостове державцы, и о их позвех.Уставуем теж, хотечы мети и даючы моц, абы воеводове, старостове и державцы нашы, кождый в повете и вряде своем, судили и справовали и позвы свои давали о тые артыкулы меновите тут описаные: то ест о наезд кгвалтовный на домы шляхецскіе, кгалт в местех наших, о пожогу и разбои по дорогах, о квалтоване панен и невест, о злодейство, о фалш, о голову шляхецкую, яко вышей написано о них. А в не бытности их намесники их з судьею замковым присяглым оселым мають судити и моц мети будуть справовати и кончыти подле права и сего статуту всему панству нашому Великому Князству Литовскому от нас даного. А где бы хто на горячом учынку тых выш мененых артыкул которого ж кольвек стану был пойман, тогды тот без позву маеть быть сужон; а пакли бы заразом на горячом таковом учынку не был пойман, тогды вжо позвы ку праву маеть быти припозван, а позву таковому не маеть быти рок дальшый от поданя только за две недели. А если бы за тыми позвы на рок стати не хотел, тогды вряд тот о том нам маеть дати знати через лист свой, а мы тому не фолькгуючы, без всякое проволоки, и откладанья на иншый час, але заразом взявшы о том от того вряду нашого ведомость, такового обвиненного и вряду нашого непослушного маем з земли панств наших Великого Князства Литовского казати выволати, и не маем ему на тое выволане поднесенья чынити и давати, аж бы се первей з стороною жалобливою росправил.
АРТЫКУЛ 21
О суди замковом.Уставуем, иж воеводове, старостове и вси державцы замковые и дворов наших поветовых мають зособна кождый з них на вряде своем выбрати человека доброго шляхтича в том же повете оселого прысяглого, который уставичне повинен будеть посполу з урядом замковым судити и справовати вси речы судовые, которые замку або вряду нашому приналежати будуть. А если бы што недойзреньем их на том уряде в справе их поблудило; тогды за отозваньем стороны на таковых врядников, яко наместника своего и судью замкового и писара, воеводове старостове и державцы поветовые с тым вышейописаными врядниками своими замковыми справедливости учынити не хотел, або сами суду своего справедливости его на праве уближенье чынили; тогды таковый вряд наш маеть перед нас листом нашим позван быти, на который рок тот вряд наш маеть перед нами за листом нашим сам албо через умоцованого своего стати, а мы на том року таковому укривжоному без отволочную справедливость учынити маем. А рок таковому позванью, естли будем в здешнем панстве нашом Великом Князстве Литовском, чотыри недели, а если в Коруне Польской, тогды осмь недел складан быти маеть.
АРТЫКУЛ 22
Роки завитые в которых речах мають быти складаны.На первей хто кого позоветь о заставу ку бранью пенезей, хотя сторона позваная не станеть, предсе суд не маеть откладати на дальшые другіе роки, але на першом року яко на завитом, первей выслухавшы доводы стороны поводовое, маеть сказанье и ввязане стороне поводовой дати, а взявшы от него пензи при вряде и при книгах судовых мають быти положоны до того часу, аж сторона позваная их возметь. Другое о отнятье именей и выбитье спокойного мешканья. Третее о слугу якогож кольвек стану, або человека невольника, который бы, пану своему шкоду учынившы, втек проч до кого и найден был в него и припоручен ему або враднику его, а он бы з ним справедливости не чынил, а если он на том року не станеть; тогды суд за доводом слушным стороны поводовое маеть сказанье вчынити, и того збега ему присудити, не откладаючы на другіе роки и дальшый час. Четвертое о мыто мостовое и гробелное и перевозы шляхецскіе всяких станов, кгды хто на ком або подданом чіем неслушне возметь, маеть позваный на першом року яко на завитом стати; а естли же не нестанеть, тогды стороне жалобливой нестаньем у вину впадываеть, яко около мыт мостовых и гребленых неслушных вышей описано ест; а если бы то врядники або мытники наши вчынили, тогды з мытников подскарбій земскій з урядников наших мы Господар справедливость чынити маем. Пятое хто бы езами або млынами, гатьми, мостами реки портовые гамовал, проходу або дороги слушные не вчынившы, а то тым бы се кому шкода стала; таковый будучы позван на першом же року яко на завитом маеть се становити; а пакли бы не стал, тогды суд земскій маеть сказанье вчынити и с заплаченьем шкод, а средсе суду в таковых млынах або езох и мостах з уряду дороги и пропусты направены и волно вчынены будуть. Шостое если бы хто добровольне записал и рок в листе своем ознаймил, а не вчынил бы тому досыть; тогды за позвы на першом року яко на завитом естьли не станеть, во все упадываеть водле листу або запису своего, асуд вжо (маеть) отправу вчынити подлуг листу жадных роков не складаючы. Семое о раздел именей и маетности всякое межы братьею и сестрами и близкими, также через позвы маеть быть рок завитый тым обычаем и на поручники, а поручнику з истцом, по ком ручыли, маеть быти завитый рок.
АРТЫКУЛ 23
О сбиванью позвов.Уставуем, теж хто кого позвы позовет, а сторона бы позваная ку тому се року не знала; тогды сторона поводовая позву и року маеть доводити выписом с книгь сознанья возного, а естли бы не довела, тогды позваная сторона не повинна отповедати. К тому теж и на таковые не повинна отповедати, если бы хто значне и меновите чого у позве не написал и не доложыл; а еще теж неповинна отповедати на таковый позов, который бы был скробан, и не мають таковые позвы местца мети, которые бы были скробаны, а звлаща естли бы се один с другим не згожал в дате або в чом кольвек, албо иж в нем не было даты написано. Над то постерегаючы того, абы хитростью якою для збитья позву, проволокаючы кому право сам позваный, маючы позвы в руках своих, скробал и даты направовал, уставуем, иж кгды бы таковый позов от обжалованого на праве был положон; тогды сторона поводовая маеть возным на него довести, иж ему дал позов целый и не скробаный в дате и во всем згодливый, а по таковом доводе позваный повинен ему отповедати. А иными никоторыми прычинами позвы не могуть быть сбиты, а вины заплатити поводовой стороне копу грошей а судови дванадцать грошей. Ведже в позве, где бы один артыкул был збить причинами вышей описаными; тогды предсе на другіе артыкулы правные сторона повинна отповедати.
АРТЫКУЛ 24
О позвех, як долго трывати мають.Уставуем теж, иж кождые позвы вряду земского трывати далей и в моцы своей быти не мають, только на одны роки судовые, перед которыми их взято, и для того тые речи, на которые се тыми позвы позывати будеть, у в оных позвех меновите мають быти описаны.
АРТЫКУЛ 25
Хто бы кого от суду земского с повету своего до иного права вызвал.Уставуем хотечы мети, абы нихто никого о реч суду земскому належачую до иного права замкового и ни до которого иншого от своего поветового земского суду не смел вызывати, а хто бы кого до суду замкового або комисарского и до которого кольвек иного вряду и суду, кром артыкулов вышей мененых суду замковому або дворному належачых, вызвал; тогды позваный не повинен ни перед ким се становити и таковых позвов послушным быти, але еще тот, хто позвы взял и ими позывал, за то иж мимо суд свой смел то учынити, маеть заплатити судьи копу грошей, подсудку полкопы грошей, а стороне тры рубли грошей, окром того хто бы записом своим отступуючы повету своего в якій иншый суд доброволне подал.
АРТЫКУЛ 26
О таковых, которые не маючы в поветеоселости кого бы там оселого позвал.Теж уставуем, кгды бы хто не маючы в котором повете оселости, другого кого там оселого позвал, а шло бы им обудвум об одну реч, тоть позваный оселый може заразом не отповедати и в право се не вдавати, аж бы се оный противник его неоселый там поддалсе и обовязалсе, теж ему в той речы, кгды ж об одну речь идет, там жо в его повете отповедати и всправедливити не беручы се до своего повету; а кгды се под то поддаст и на то обовяжет, тогды предсе оный позваный за тыми ж позвы на он же час наперед будегь повинен ему се усправедливитися.
АРТЫКУЛ 27
О рокох, на которых судья подсудок и писар зежджатися мають и позваные перед ними повинни се становити.Теж уставуем, иж суд земскій маеть быти три кроть до году, то ест три роки судовые, на котором се будуть повинни судья подсудок и писар на одно местце до замку або двора нашого, которые местца вышей суть описаны, зежджатися, а там мешкати две недели, если много справ, а если менш справ, тогды поки росправять и розсудять, а позваные и поводовые будуть повинни перед ними се становити, а обычаем и способом нижей в особливых листцах и артыкулех описаным. Роки мають быти сужоны: первые от святое Троицы Рымского свята, и на завтрей се в понеделок почнуть; другіе в осень на день Светого Михайла Рымского ж свята, и также на завтрее почнуть; третіе зиме по Божем Нароженью, о трех кролех святе Рымском, которые на завтрее теж судитисе на завтрее зачнуть; червертые в другом году также на день Святое Троицы Рымского свята и на завтрее се почнуть. А судья подсудок писар маеть суды справовати и на судех седети кождого дня от поранку до не испорное годины, а позвы судити порядне з реестру не гледечы на особу и нефолкгуючы в том никому, але который первей позвал, тот на первей сужон быти маеть, а которые се на тые роки позвали, тых всих на початку роков писар повинен в реестр вписати и з реестру до права волати будеть. А ведже под тым часом роки сужоны быти не мають, наипервей естли бы сойм вальный Великого Князства Литовского был зложон, тогды перед соймом за чотыри недели роки судом устати мають; другое естлибы теж листы военные зашли, ино для готованья на войну за шесть недель не мають быти роки сужоны, а ведже естли бы в том часе на войну не выехали, тогды на потом предсе мають роки за тыми ж позвы и под таковою ж моцю сужоны быти; третее естли бы, чого Боже уховай, в том повете поветрее моровое было, а то бы значне показовало, под таким часом также роки не мають быти сужоны, а по том часе, яко поветрее моровое оминеть, маеть вряд в том повете, где суд есть, роки выволати, а тые, которым бы была потреба, мають се справовати за тыми ж позвы своими на других рокох, которіе по том поветрею выволаные близко припадати будуть.
АРТЫКУЛ 28
О позвех и о року, якій за позвы будеть складан, а кождый жалобу свою меновите маеть на позвт описати, и о збиванью позвов.Теж уставуем, иж хтобы до кого мел якое дело о крывду албо о якую кольвек реч, тот маеть от писара земского того повету позвы взяти под печатью нашою, от нас тому повету даною, и в тых же позвех жалобу свою достаточне и меновите выписати, а чого в позве не доложыть, на то сторона позваная отказывати неповинна. Ведже где бы сторона сама хотела собе позвы написати; тогды кгды принесеть готовые написаные водле права, писар, от него взявшы доход свой грош, записовати их будеть повинен, и тыми позвы перед кождыми роками судовыми мають се позывати, даючы их очевисто и кладучы на именьях их, с которых се кривда дееть. А кого очевисто позовуть, рок чотыри недели, а кому на именью положать, шесть недель маеть быти складан, не от даты позву в нем описаное, але от того часу и дня яко на именью положоны будуть, а меншые и близкіе роки не мають быти за позвы складаны. А пакли бы хто на першых рокох судовых не стал; тогды на других и на третих рокох позвов и артыкулов в нем описаных ничым сбивати не можеть, ани будеть мочи, але повинен будеть отказовати, естли бы теж хто кому грабеж могуть вчынил, ино о грабеж позывати перед роки за две недели.
АРТЫКУЛ 29
Которые бы се деели якіе кривды от врядников слуг и подданных чыих кольвек.Уставуем, естли бы теж княжатом панятом радом духовным и свецким, шляхте и кому кольве с подданых нашых, им самым бояром слугам людем от врядников, слугь бояр и подданых также князских, панов рад, панов хоруговных, шляхты кривды якіе кольвек в чом деели; тогды маеть сторона жалобливая (взявшы) листь наш господарскій або от суду земского поветового, в котором оный и именья их будеть, ехати з возным до того пана, от чыего врядника и бояр слугь и людей кривды кому се деяти будеть, справедливости просечы и жалобы своее реестр маеть дати. А где бы самых панов в тых именьях их не было, ино врядников их, абы они на слугь бояр люДей пана своего справедливость чынили. А рок праву не маеть быти далшый от них покладан одно две недели. Если бы панове сами так и врядники их права дати и справедливость вчынити не хотели; тогды сторона жалобливая маеть позвы от суду земского взяти по того пана, с чыего будуть именья кривды деяти, и позвы на роки судовые его позвати, абы сам стал и тых, от кого се кому кривда будеть деяти, поставил. А ведже в небытности того пана в том меньи не маеть его сторона жалобливая нигде индей шукати, але на том ж именью позвы положыти маеть; а суд земскій поветовый будеть повинен межы ними того досмотрети и справедливость вчынити. А где бы позваный сам або через умоцованого своего стати и тых врядников бояр и слуг людей своих, кому вина дана, поставити не хотел; тогды суд повинен ку таковым непослушным заховатисе водлугь сего статуту, яко о том в том же судейном розделе у артыкуле двадцатом ест описано. А если бы тот пан и хтож кольвек сам або врядники их комуж кольвек у кривдах их рок справедливости зложыл, а на року зложоном справедливости вчынити не хотел без слушное правное причыны; тогды такового пана и слугь суд земскій в том судити маеть, а он тому, кому обецавшы справедливость учынити, а не вчынил, за разом у суда стороне рубль грошей заплатити маеть. А ведже если бы се то показало на праве, иж тот пан чынил оному справедливость слушную, але он ее упором своим не принял и на ней не переставал, и от того суду земскому притягнул; тогды тот того рубля грошей платити не повинен будеть, але еще тот упорный сам оному тот рубль грошей тут же заразом у суда заплатити маеть. От того часу пан шляхтич яко листов наших або врядников их о учынене справедливости обнесен будеть, и такового урядника слуг и подданных его в тот час там застато очевисто и припоручоно было и то доведено; тогды тот оного врядника и слуг и подданых своих маеть у ведомости мети, и за позвы повинен будеть их в суду земского на року зложоном становити. А ведже если пан при прошеню права врядника слуги и подданого своего у везде имати и до вряду близшого притягнувшы, если бы неоселый был, правом з ним обыходити, а пан его в том боронити не маеть.
АРТЫКУЛ 30
Яко стороны у суду заховатися мають за позвы.Теж уставуем, хотечы то мети, абы у суду жалобы отпор порядне без сваров и непотребного забавенья и проволоки шли, так уставуем, иж наперед сторона поводовая не чынечы жалобы, але вместо жалобы маеть дать на праве позов чести и позву своего слушным доводом подпирати, а сторона позваная маеть на тот позов яко на жалобы отказывати и справоватися. В котором споре если бы сторона поводовая што против него услышала, на што бы размышленье потребовала; тогды судья отступленье и пораду з ее пріятяли маеть допустати, а будеть ли повторей таяж сторона взычанья часу на порадку просити, и того судьи повторе боронити не мають, также теж и обжалованой стороне по два-кроть одного дня толко яко и поводовой стороне размышленя на час не маеть суд боронити, а болш того свару и споров и отволок суд не маеть допущати. А кгды вжо на обе стороне справу свою перед судом выповедять, а судья с подсудком потребовали сами собе в том розмышленья; тогды мають первей сторонам поменути, абы все, што бы на праве покладати и отказовати мели, мовити и учинити. А кгды вжо то все учинят и писар то спишеть тогды; вжо над то стороны ничого большей прикладати не будуть мочы, ани суд того пріймовати и писати казати не мають, але судья и подсудок мають ся намышляти. Если бы того дня або завтрей розмыслитися не могли, и до третего дня то все взяти на поряду и розмышленье могуть, а третего дня вжо суд конечное сказанье будеть повинен чинити водлугь жалобы и отпору сторон, ничого не прикладати ани выймовати. А в том часе кгды судья и подсудок намышляютца, стороны естли бы хотели взяти собе на вгоду и еднанье, тогды того они им допустити мають. А мы, Господар воеводове и врядники наши судья и подсудок и суд замковый або дворный и нихто иный ничого с головы и з умыслу своего судити и сказовати не мають и не будугь мочы, только водле статуту сего, яко в нем стоить выображоно.
АРТЫКУЛ 31
О заступованью в суду одному за другого.Теж уставуем, хотечы мети абы так было на вси потомные часы, иж коли бы хто кого другого о которую колвек реч в суду заступил; тогды тот вжо будет повинен сам без жадных позвов, на тот час за тою ж жалобою з суда не сходечы, за него отказовати и усправедливитися. А заступованье инакшое не маеть быти только очевистое, у права ставшы заступити, не через листы и прокураторы. А где вжо очевисто у права ставшы заступить; тогды позваный або обжалованый от того волен, а поводовая сторона будеть о том с тым заступцею мовить, и речи свое на нем доводить листы и выписы и оповеданье, и все тое право и довод, которіе поводовая сторона против обжалованое стороны в том праве мела, маеть противко тому заступцы ити и у права местце мети так яко против обжалованому; и мы заступцу за имя обжалованого будем розумети, и заступца не маеть собе до повету ани до суду своего належачого откладати и брати, але повинен будеть сам або при собе маючы прокуратора того ж часу, скоро заступит, отказывати и до конца усправедливитися.
АРТЫКУЛ 32
О злеценью речы и отдаванью моцы иным за себе у права мовити.Уставуем теж, иж кгды бы хто за позвы або на котором року припалом не мог на праве быти, так за хоробою яко и за иными некоторыми прычынами и потребами своимы; тогды прокуратора або умоцованого своего можеть у место себе у права мети. А ведже умоцованый або прокуратор инакшый иначей установлен и у права пріймован быти маеть, абы ему очевисто злецыл реч свою перед врядом которым кольвек, тым земским або замковым, и с того вряду выпис с книг маеть взяти. А княжата панове рада и панове хоруговные врядники наши шляхты, которіи суть печатей значных, могуть в речах потребах своих прокураторов и умоцованых до права слати з листы своими отвороными, припечатовавши их печатью своею и рукою своею власною подписавшы, хто писати умееть; за таковыми листы умоцоваными и выписы врядовыми суд прокуратору маеть допустити у права мовити и справовати, а который бы сам писати не умел, тогды перед врядом маеть до книг сознанье вчынити. А где бы теж хто з шляхты вряду близкости або за хоробою своею до вряду ехати и порученья прокуратору очевисто перед врядом сознаньем своим дати не мог; тогды теж таковый может листом отвороным до вряду прокуратора умоцованого послати и ему реч свою злецити, в котором листе при печати своей маеть о приложенье печатей шляхтича веры годного просити, тогды таковый лист, в котором поменившы реч, о што идет, остаток на позов указати зыск и трату доложити, и так вжо за ним прокуратор моцный у права быти маеть.
АРТЫКУЛ 33
Хтобы сам не мог, або не умел у права мовити.Уставуем теж, хто бы очевисто у права стоечы не могь або не умел сам мовити або речы своее справовати, поручыл устне кому иному реч свою мовити; тогды таковому злеценья инакшого листовного не будеть потреба, але судья злеценем устным маеть его за моцного приняти, хотя и неоселого. К тому кгды бы хто, не могучы сам справовати речы своее у суда и не вмеючы мовити, прокуратора потребовал; тогды суд повинен ему з уряду прокуратора дати, и казати прокуратору от него мовити, а реч его справовати. А в вображенью маестату нашого господарского обецуем прокуратора обвиненой стороне дати. За се будеть повинен суд з ураду дати прокуратора, и дармо казати ему мовити от убогих сирот и вдов немаетных и тым теж, которыи бы або за пріязнью або теж убозтвом своим прокуратора мети и сами речы своее за недостатком своим в суду справовати не могли.
АРТЫКУЛ 34
О прокураторох, якіе мають быти и яких теж суд маеть пріймовати.Уставуем теж, иж о именья и всякіе иные речы лежачые рухомые не маеть быти прокуратором жаден чужоземец и неоселый у Великом Князстве Литовском; а ведже кому идет о горло о честь, в таковой речы можеть собе прокуратора чужоземца и неоселого мети и от себе установити. А судья подсудок и писар так теж и тые, которые только духовные именья держать, прокураторовать не мають; а однакож и тые вси выш помененые в речах своих властных сами через себе и чрез прокураторов своих справовати могуть.
АРТЫКУЛ 35
О каранье фальшывых и подступных прокураторов, и к тому иж волно сторонепрокуратора своего у права подперети, и самому мовити, и другого прокуратора на его местце установити.Уставуем теж, иж кгды бы который прокуратор поднявшысе кому реч его мовити и справовати, а выведывшисе на нем тое справы и листов его огледавшы, выдал его в том стороне противной, або до тое стороны его противное пристал, и от него за се напротивко тому, кому се первей обецал и поднял речы мовити, а то бы на него яким явным и слушным доводом доведено было; тогды таковый, естли есть шляхтич, честь тратить, а не шляхтич горло тратит. А хтобы теж у права стоечы хотел отставити прокуратора, а сам свою реч мовити, або другому прокуратору реч свою злецити; то ему вольно будеть.
АРТЫКУЛ 36
Причыны нестанья прокураторов, иж то им и сторонам их шкодити не маеть.Теж уставуем, иж кгды бы прокуратор перед роком права не могучы стороне своей о форобе своей дати знати, иж бы иншого на его местце послала, або едучы вжо на дорозе рознемогсе форобою обложною, так же бы сам на рок до суду быти не могь; тогды то яко стороне той, чыю справу на себе взял в речах тых, так теж и прокуратору ничого шкодити не маеть, а хотя бы третіе роки остатніе або рок завитый был, предсе ничого тратити не будеть. А ведже прокуратор в той форобе скоро се рознехожеть, маеть до вряду близшого о собе дати знати, и потом врядовне тое форобы довести, а обмогшысе потом на першых рокох будеть повинен присегнути, иж правдиво за обложною форобою на тот час становитисе не мог. Так теж слуги посланые от панов, которых бы на роки до суду пославых в дорозе фороба великая и обложная зашла, по тому ж будуть повинни заховатисе яко вышей описано. А ведьже естли бы прокуратор або посланец и слуга таковый о форобе своей дати ведати и присегчы на других рокох учинити не хотели; тогды суд не дбаючы о таковых вымовках их, сказанье маеть чынити ведле сего статуту. Так теж если бы хто кольвек хотечы кому шкоду учынити, а прокуратор се учинил и листы от него под печатью его справил, а тогды бы ему сторона не поручыла, а за тым што кому утратил; таковый суд не маеть быти держан, а тот прокуратор, хто бы то учынил, ничим иньш только горлом маеть быти каран.
АРТЫКУЛ 37
Чого прокуратор без стороны своее справовати не можеть.Теж уставуем, иж прокуратор за моцю жадных записов и никоторого вызнанья ни от кого не маеть у суду чынити и пенезей записаных брати и с них квитовати, не маючы при собе стороны своее. А ведже естли бы хто не иогучы або не поспеючы до вряду по пенези ехати, а хотел через кого иного тые пенези брати и квитовати; тогды иначей не можеть и не маеть только через такового прокуратора або слугу своего, кому особливою на то моц и порученье листом своим подписаным рукою своею дасть, або перед врядом близшым поручыть, и выписом того вряду моцным его на та меновите учынить, таковый моцный можеть пенези брати и моц мети будеть квитовати.
АРТЫКУЛ 38
Иж нихто с бронями перед суд приходити не маеть.Уставуем теж грозно приказуючы, абы нихто с подданых наших княжат панов рад, почоншы от вышшого аж до нижшого стану, яко сами панове так и слуги их при панах своих и без панов пріятель за пріятелем, не смел в зброях кафтанах и с такими бронями, то ест с древом зо щепом з ручницою з луком и с кушою и з иными всякими, до суду замкового земского приходити и при собе мети; а ведже корд и меч то при собе мети можеть и носити. А который бы через сее росказанье наше важылсе с таковыми бронями перед суд прійти, таковый (в подл. пробел) и ознайменем вряду нашого маеть нам Господару заплатити дванадцать рублей грошей, а предсе суд его справы не маеть до того часу, поки будеть с таковою бронею до суду приходити. А если бы предсе упором своим не хотел от себе таковое заказаное брони отложити и там з нею у суду был; тогды суд заховуючы сторону жалобливую послушную, а другая бы сторона противная чынила сему росказанью нашому, досыть маеть подле права поступок сказанье напротивко упорному учынити, так яко бы теж и в праве не стоял.
АРТЫКУЛ 39
Хто бы кого перед правом словом або рукою сегнул, попхнул, або ранил.Теж уставуем, коли хто будучы стану шляхецскаго, стоечы перед судом уступившы речы своее, один на другого словами се неучтивыми торгнул; тогды за то маеть з сказанья того суду вместо вины седети не замку близшом шесть недель. А естли бы пхнул або рукою ударил, а хотя бы и не вдарил; тогды маеть заплатити стороне вместо навезки дванадцать рублей грошей, а за вину седети шесть недель. Пакли бы корда меча або шабли и якое кольвек брони без слушное причыны добыл, хотя бы и не ранил; таковый руку тратит, кгды бы ранил, тогды ничым иншым только горлом маеть быти каран. А ведже хто бы свовольне дал причину кому словы и рукою початок учынил, а тот бы у в обороне примушоный початком его брони своее добыл, ранил и забил; такій таковое покуты и каранья не повинен терпети. А хто бы теж кольве ранившы кого перед судом утек, таковый маеть быти з земли выволан.
АРТЫКУЛ 40
Хто бы на судесудью подсудка и писара так вряду земского яко и замкового зсоромотил, збил, ранил, або забил.Уставуем теж, если бы хто кольвек пришедшы до суду замкового або земского словы доткливыми славе и почтивости его зсоромотил; таковый за то винен будет на замку близшом шесть недель у везенью седети. А если бы ранил або забил; таковый маеть горлом каран быти, а головщына близким з именья его маеть быти плачона, ведже обвиненый в таких речах позван быти маеть перед нас Господара, а коли з суда так найдетсе, тож в том по суде з выроку нашого так каран быти маеть.
АРТЫКУЛ 41
О том, гдебы судья подсудок и писар так замковый яко и земскій седечы кого на судезсоромотил, або се на него рукою торгнул.Теж уставуем, иж кгды бы хто с того вряду нашого так замкового яко и земского, седечы на суде, кого словы неучтивыми зсоромотил; тогды маеть о то позвы нашими перед нас позван быти, и будеть ли то на него слушным доводом переведено, тогды маеть на замку нашом шесть недель седети. А естли бы судья подсудок и писар сам квалт местцу нашому и суду учынил, а кого ранил або забил, тогды маеть быти каран горлом, а близким з именья его головщызна плачона быти маеть.
АРТЫКУЛ 42
Если бы хто, на роки пріехавшы до суду земского або замкового, кого другого часу роков зранил, кгвалт або шкоду якую кому учынил.Уставуем теж, естли бы хто, на роки пріехавшы до суду земского або замкового, и часу того поколь роки будуть, кому заступившы на господу кгвалт або находку вчынившы, кого зранил и притом якую кольвек шкоду учынил, а шкодный того ж часу утек се до суду и то обжаловал; тогды суд замковый и земскій або дворный наш господарскій тамошній обжалованого будеть повинен вознымы обослати, абы он не зежджаючы проч перед судом стал и обжалованой стороне се справил, который без позву винен будеть стати и того ж часу на тых же рокох справитисе. А пакли бы не росправившысе зехал; тогды за непослушенство маеть до суду заплатити три копе грошей, а стороне жалобливой другую три копе грошей, а заплатившы маеть стати яко на завитом року и стороне се усправедливити. А пакли бы на першых рокох яко на завитом не стал, або и ставшы в отказе быти не хотел; тогды суд замковый або дворный, не чынечы жадное проволоки стороне жалобливой, так о зраненье яко и о вси шкоды сказанье на тых перших рокох учынити маеть.
АРТЫКУЛ 43
Иж позваный не мает розрывати права речми непотребными.Уставуем, если бы позваная сторона, будучы у права, а отступившы от позву, стороне поводовой што такового нового задала, або теж з стороны до того се правом своим приповедала, хотечы право розорвати а проволоку вчынити; таковой стороне то у суда ити не можеть, маеть суд отложыти то на сторону, а предсе стороне поводовой справовати чынити водле позву, о то о што позвано, и то кончыти и сказанье чынити водле права. А в таковых новоприпалых речах, естли будуть суду земскому приналежати, суд маеть им казати, абы се о то знову на иншые роки позвали. А естли бы се што такового межы ними о почтивость дотыкало; суд маеть им обема сторонам рок перед нами Господарем станью зложыти, которого будеть сторона обжалованая потребовати, и через выпис с книг рок нам Господару ознаймити, на который рок зложный обе две стороне без жадных позвов мають се перед нами Господарем становити.
АРТЫКУЛ 44
Яко братью неделную або вчастников, то есть себров, позывати.Уставуем, если бы колко братьи або вчастников держали адно именье себреное, люди тяглые або подданые, а кому бы се кольвек от того именья людей кривда деела в рухомых речах, а они бы яко з себе так и с таковых людей справедливость чынити не хотели; тогды жалобливая сторона лист врядовый через вознаго также врядовне посланого на том именью положыти маеть, абы се той жалобной стороне справедливость стала. А если бы се той жалобной стороне справедливость не стала; тогды усих учасников о то перед суд позвы позвати маеть ни на том же именью позвы положыти, а хотя бы се оные учасники не зехали, тогды суд на роках судовых будеть сказанье подле права на именью чынити подлуг того, яко о том о рокох судовых написано.
АРТЫКУЛ 45
Иж врядников наших з их врядов нихто судити немаеть одно мы сами Господар.Теж уставуем, иж врядников наших, то ест воевод старост державец замков и дворов наших и тивунов з их врядов, которые от нас держать, кому бы кодьвек кривда се деяла або видела, не маеть их нихто судити одно за позвы нашими мы сами Господар. Але з именей своих я если бы кому якую кривду учынили; тогды перед судом земским будуть повинни становитися и отповедати.
АРТЫКУЛ 46
О мещанех и о людех наших и кривдах их от шляхты.Уставуем, если бы хто с княжат панов шляхты всякого стану ак и с подданых их учынил кривду якую кольвек мещаном нашим мест наших, где права Майдеборскаго не мають, так теж и людем именей наших господарских; таковых о учыненье справедливости воеводове старостове и державцы наши мають сами або врадники их, раз обослати листом своим, а где бы его на именью не было, тогды возный маеть лист на именью его положити, абы сам з себе и с подданых своих справедливость учынил. А если за тым першым обосланьем справедливости не вчынил, вряд наш маеть у суду земского позвы взяти и таковых позвати на роки судовые, которые в том повете будуть, который на первшых рокох яко на завитом року под страченьем права маеть стати и подданых своих поставити; а суд маеть, яко с тым самим паном, так и с поддаными его, от которых бы ся мещаном або людем нашим кривда деела, яко на завитом року справедливость учынити, и справа в чом бы против мещан и людем нашым стали винни, кождый грабеж, на чом довод слушный учынять, з навезкою казати заплатити.
АРТЫКУЛ 47
О мещанех права Майдеборскаго.Теж уставуем, если бы которому з мещан наших права Майдеборскаго которая кривда деела от князей панов земян, а они бы сами доброволне усправедливити не хотели; тогды такового кождого мещанин маеть до суду земского поветового позвати, и далей поступовати противко ему подле поступку права и статуту земского.
АРТЫКУЛ 48
О учасникох, яко мають близкости именья доходити лежачого.Теж о реч сполечную, которую ж кольвек вси учасники веспол у права мовити и се доходити мають, а один без другого сам чынить а ни ку кривде иншых учасникох своих никоторое речы сполечное притягивати не можеть. А ведже естли бы иншые участники вси посполу которое речы сполечное у права доходити а ни о ней мовити не хотели; тогды тот, который доходить всхочет, маеть о то припозвати оных участников своих на роки судовые перед вряд поветовый, в котором оные участники его оселостями своими будуть, а в небытности их самых, тогды позвы на именьях их положыти, складаючы рок очевисто чотыры недели, а заочне шесть недель. А хто бы с таковых участников за першыми позвы не стал, тогды того другими позвы о тое ж на другіе роки позвати; а естли бы и за другими позвы на других рокох не стал, тогды и в третее яко на завитый рок позвати; а где бы за третими позвы и на третих рокох судовых яко на завитом року хто не стал, тогды вжо оный вчастник, который речи сполечное доходити усхочеть, сам один можеть доходити и без иных вчастников, а позваный будеть повинен вжо ему самому, хотя бы иншых учасников не було при нем, отказовати. И иншые вчастники, которые бы и за третими позвы перед урядом становити не хотели; тые позваного, если прав зостал, о теж напотом у право поволокати а ни на нем того доходити не мають, а ни теж учасника своего, которій бы того дошол, частей своих у права доходити не могуть, и кгды ж вже от того за непослушенством и нестаньем своим через трои роки отпали, выймучы таковых учасников, до которых бы за троими позвы для далекого отеханья яко по чужых сторонах по рыцерству и науках их, а ведомость о таковом позванью их подле доводу слушного их и узнанья судового прійти не могла. А ведже абы небытностью таковых учасников тот участник, который бы того доходити хотел, для продлуженья напотом не шкодовал, а если бы добре оселый иожеть самодин того доходити, описавшысь позваному на оселости своей; а естли бы того права отсужон был, ино вжо оные учасники его повторе на нем того ж права поискивати а ни доходити не мають, и естли бы поискивали и хотели, тогды он сам от них у права заступовати боронити своим накладом маеть и повинен будеть.
АРТЫКУЛ 49
О заповеди и о заруки о реч сужоную.Теж уставуем, хто бы на ком правом што презыскал, то ест именье люди або земли якіе ж кольвек кгрунты лежачые; тогды маеть ему в то увязанье справа дано быти, а зарука з уряду заеть быти положона, абы тот, хто на праве упустил в то се через тое не вступовал и увязыванья не боронил. А пакли бы увязыванья не допустил албо се по ввязыванью в то вступовал; тогды тую заруку з уряду положоную маеть платити половицу на нас Господара а половицу стороне жалобливой, а ведже зарука болшая не маеть быти только водле важности тое речы, о што идеть, а тот, кому што присужоно, предсе то маеть держати.
АРТЫКУЛ 50
Хто бы послеправа и присяги того ж искал, што перед правом утратил.Теж уставуем, если бы хто чого искал, а пустил бы его на присегу, або теж с права была бы ему всказана присяга, а он бы присегнул а потом бы он што его обжаловал, хто бы колвек тое ж речы на нем и чого ж кольве, што правом утратившы, у другое того искал, менуючы иж бы несправедливе присегнул, и хотел на того, который присягнул, доводити; тогды таковый довод водле права не маеть ему быти допущон, але иж по присезе тоеж речы искал, которую у права утратил, маеть чотыри недели на замку нашом седети, а шкоду оправити, на чом слушный довод стороне укажет и учинит. А где бы ничого такового не примовляючы словы не соромотечы только речы сужоное у другій раз искал; тогды седенья не будеть повинен, только маеть шкоду платити, на што слушный довод учинит.
АРТЫКУЛ 51
О сведкох, якіе мають быти у права пріймованы.Уставуем теж, иж на всякую реч в кождого суда сведки мають быти веры хрестіянское и таковые, которые привильями нашими до того припущоны суть, люди добрые веры годные и неподойзреные. Ведже судья первей, нижли сторон або сведков ку свядецству припустит, маеть их розважыти, абы паметали на Пана Бога и на справедливость его и почтивость свою.
АРТЫКУЛ 52
О доводех и отводех.Уставуем, иж кгды бы судья, выслухавшы жалобы и отпору сторон, скажет которой кольвек стороне повод або отвод, а оная сторона на оный час, которій мела доводити або отводити, не доводила або ся не отведет, таковая реч свою тратить. А ведже если бы сторона заразом которого светка ставити не могла, тогды суд до завтрея отложити может и маеть, а то вже будеть под страченьем права рок завитый. А довод и отвод на всякую речь маеть быти наипервей через письмо, через сведки, а то суть наипевнейшые и накгрунтовнейшые доводы будуть, теды довод и отвод через присегу кому письма або сведков не достанет, так теж через певные знаки, яко о кождом доводе таковом зособна ест нижей описано.
АРТЫКУЛ 53
Которые ку сведецству мають быти припущоны.Уставуем теж, иж ку сведецству не мають быти прыпущоны тые, которые суть правом переконаны, што там же перед правом тот, хто ему наганит, доводити маеть, а если не доведеть, тогды ку доводу припущон быти маеть. Ку тому не мають сведчыти невольники слуги за панов ани теж против панов, шаленые, то ест которые розуму не мають, потомуж сведками быти не мають один другому, которим сполне вину дадут, або помочниками их будуть.
АРТЫКУЛ 54
О сведкох, которым бы хто што ку ним хотел мовити.Если бы сторона противная хотела ку сведком што мовити и ганити им, тогды тут же заразом перед правом и первей нижли их ку сведецству або ку присязе припустять, ку ним мовити и на их доводити не уступуючы с права то учынити. А где бы на которого сведка што вел, а не довел; тогды маеть того сведка навезати водлуг стану его; а переведет ли, тогды тот сведком светок быти не можеть, а сторона поводовая на того местце иншого сведка маеть поставити; а пустившы сведков ку свядецству, тогды вже по свядецстве к ним правне ничого мовити не можеть.
АРТЫКУЛ 55
На своих сведкох по правгь ни хто ничого искати не можеть.Уставуем, хто бы в якой кольвек речы перед правом выдал сведков, а тые сведки против ему самому посведчыли; тогды он на тых сведкох по праве и свядецстве того поискивати и до права их позывати не маеть.
АРТЫКУЛ 56
Сведецством двох або трех сведков маеть сторона реч свою одержати, и хто бы теж оставившы довод, пустил стороне на присегу.Теж уставуем, иж сторона поводовая речы своее маеть доводити трема або двома сведкома людьми веры годными а неподойзреными, бо если бы сведков не мел, тогды и з двома сведками веры годными и неподойзреными, при которых двох сведкох в недостатку третего сам маеть присегнути, и тым реч свою одержати, а ведже не о честь не о кгвалт а ни о наезд домовый, и теж где бы не шло стороне обжалованой о горло, так теж и о землю, на што особливе на местцах своих доводы суть написаны. А хто бы оставляючы довод добровольне, сведков пустил стороне на присегу о которую кольвек реч; тогды тая сторона, кгды се добровольне за присегу возмет и присягнет, маеть реч свою одержати, а если присягнути не хочеть, реч свою тратит.
АРТЫКУЛ 57
О доводех листовных.Могут теж быти доводы листовные, то ест записы на именья и иные выписы, або оповеданья с книг канцляреи нашое, с книг судовых земских замковых, и через церокграфы под печатьми и с подписаньем руки власное, яко о том шырей нижей на местцы своем ест написано, бывають теж доводы через певные и не отменные знаки, яко о том о кгвалтех и границах меновите и значне нижей написано.
АРТЫКУЛ 58
О коліисыях наших господарских, в которих речах мають быти даваны.Уставуем теж, иж листы наши комисейные ко вчынком справедливости только в тых речых мають быти даваны, одно о границах межы именьями нашими шляхецскими и выкупованье именей наших господарских; а иншые речи вси яко шляхта межы собою, так и вси панове духовные и свецкіе мають ся справовати перед судом нашим земским.
АРТЫКУЛ 59
О роки заплатт пенежной.Теж уставуем, иж кождой заплате пенежной с права сказаной мають быти роки заплате судовне положоны: петма и десятма копам грошей чотыри недели, а петмадесят копам грошей шесть недель, а сту копам грошей дванадцать недель, а тисечы копам роки зложыти на кождую чверть лета по сту коп грошей, поколь тую тисечу коп грошей заплатит; а если бы на тые роки не заплатил, тогды в той суме маеть быти во именье его увязованье дано, нижли если бы се хто листом своим записал, на который рок заплатит, тогды тот винен водлуг листу своего на рок в листе описаный платити, а суд таковому жадных роков складати не маеть.
АРТЫКУЛ 60
О полюбовном суду.Уставуем теж, кгды судьи полюбовные кому презыск судовне взыскали и листы того взысканья сполу обе две стороне под печатьми своими дали, а тот бы водле суда их того держати и тому досыть вчынити не хотел; тогды тот лист маеть быть положон перед судом земским, а судья вгленувшы в оный лист маеть его заховати при моцы и отправу дати. А где бы се суд полюбовный показал розный; а таковый суд мають се припозвати перед вряд земскій, а там на конец собе справедливости доходити.
АРТЫКУЛ 61
О отзыванью из суда до нас Господара.Уставуем теж, коли бы ся кому с подданных наших сказанье у суду земского або замкового або подкоморого не водле права видело, так поводовой як и отпорной стороне; тогды будет кождыи тых сторон так поводовой яко и отпорной волно по сказанью судовом отозвати до нас Господара. А ведже тот, хто отзываеть, не маеть суду слов суровых мовити при отозве, одно тым словы: пане судья! тое сказанье твое видит ми се не водле права, одзывамсе с тым до Господара его милости. А по одзыванью поки ся перед нами стороны правом розопруть, суд отправы чинити не будеть; а иы Господар отозвы судити маем и будем с паны рады нашими здешними Литовскими и в границах того ж панства нашого Великого Князства Литовского и в землях того панства будучы. А за границою яко нихто ни кого позывати не маеть так и апелевати не мають быти вольно; а хотя бы се и вызвали и апелевали за границы Литовскіе из земли того панства; тогды и мы Господар таких речей судити не маем и на вряде нашом не допустим отправовати, а тот, который вызовет сторону за границу заплатити маеть вызваному дванадцать рублей грошей.
АРТЫКУЛ 62
О отозвех, гдебы колько братьи або вчастников позвали кому ку праву, а потом отозвавшысе от суду по сказаньи естли бы один з них зедналсе, а другіе, которіе се не еднали, могуть отозву пильновати.Теж уставуем, если бы колько вчастников стороною поводовою або отпорною будучы мели с ним право о якую кольвек реч, а сказанье бы против них вышло, в чом бы они видечы собе кривду и до нас Господара отозвавшысе, один з них або два з стороною зедналисе кром участников, а потом бы другая сторона от позву хотела тым быти права, отбиваючы тых, с которыми се не еднала, для того иж иншые вчастники их зедналися и з апеляцыи выступили; тогды таковый упор у права не маеть быти пріймован, одно тые, которые ся нееднали, могут отозву пильновати, и сказанье маеть быти чынено, бо тые, которые се зеднали, зуполную моц от участников ку тому праву ку еднанью мели.
АРТЫКУЛ 63
О чом отозву суд допустити не маеть.Наперед хтобы кому описался и обвезал в чом листом своим або на вряде вызнал, а таковый запис найден бы слушный и врядовный, а тот, хто ся опишеть, не пріймуючы сказанья апелевати хотел, проволоку чынечы, тому отзов ити не маеть. А также теж нихто не маеть отзывати збиваючы позов скаженьем року и иными припалыми речами причынами, але по сказанью головное речы о што позвано маеть апелевати. Так теж и таковому не маеть быти допущоны отзов, хтобы ся ку чому сам доброволне знал.
АРТЫКУЛ 64
За апеляцыями рок завитый маеть быти складан, и о том хто бы неслушнеапеловал.Уставуем, иж отозвов або апеляцылм от уряду рок завитый маеть быти покладан, пры бытности нашой в тутошнем панстве нашом Великом Князстве Литовском чотыры недели, а в небытности нашой в здешнем панстве, ино по пріеханью с Коруны Польское а по веханью в границы Великого Князства из земль ему належачых, также чотыри недели, а кгды нам будучы в Коруне Польской отзов быти не маеть. А хто не слушне против прав отзоветца, а мы Господар сказанье судовое потвредим, тогды тот оному, против которому ся отозвал, маеть шесть коп вины грошей заплатити, а платы пожытки або доходы, которые брал по отозве, з навезкою маеть за слушным доводом, в том часе держачы тое, што право идет чинил и брал, маеть ускаржоному вернути для тое прычыны, абы ся нихто упорне и в чужом корыстечы над право ку проволоце стороне своей противной не отзывал.
АРТЫКУЛ 65
Которого часу от суду земского и замкового отзов до нас Господара маеть быти.Уставуем, естли бы ся кому сказанья от суду земского и замкового видела кривда; таковый маеть того ж часу от суду не отходечы отозватися обычаем вышейменованым, нижли большей ку помоцы собе не брати ничого и прикладати не маеть, только тые што было перед судом першым, от которого апеловал, а если бы того дня в праве стоечы не отзывал, а хотел бы на завтрее в том ся отозвати, такову апеляцыя не маеть быти допущона.
АРТЫКУЛ 66
О давностях земских.Хто бы о имене лежачое давность земскую десеть лет у молчанью был не позывал ани листов упоминальных не брал, уставуем, иж таковый о то вечне молчати маеть; а хотя ж бы се и поминал и ку праву позывал и в року стоял, а речы до конца не довел, а потом также от даты листов або позвов давность земскую десеть лет промолчал и не впоминался, таковый вжо о таковое именье вечне молчати маеть.
АРТЫКУЛ 67
О отправах речей сужоных.Уставуем, иж кождоя отправа речы сужоное маеть быти плачона на роки земскіе, яко вышей описано, а по выйстью роков где бы ся заплата не стала; тогды суд земскій маеть возного послати и при нем двух шляхтичов земян, которые отправу вчинити мають на именью его водле статуту и шацунку нижей описаного, и положыти заклад на листе увяжчом так великій, яко о самую реч идет. А естлибы о тот уряд дбалости мети увязанья поступити не хотел; тогды уряд земскій маеть отослати до уряду замкового або дворного, а сторона поводовая маеть оного противного припозвати до уряду замкового на две недели яко на завитой рок. И кгды доведет сторона поводовая такового впору и не послушенства его; тогды вряд замковый, где воевода будеть, ино воевода, або стороста, або державца сами особами своими, а в небытности их, ино наместники их з рамени нашого господарского винни будуть всю шляхту того повету обослати, и день зложывшы с ними ся рушыти, и моцно яко што первей у суду земского сказано так и в закладех у во именья того непослушного увезати, которое заруки половица стороне поводовой быти маеть, а другая половица на нас Господара. А где бы еще повторе тот же за позваньем до кгроду а рамени и звирхности вряду нашого господарского спротивилсе; тогды вряд замковый, того се всего достаточне выведавши, нам Господару листом своим маеть ознаймити, а мы Господар с канцляреи нашое листы роскажем выдати по всему панству нашому Великому Князству Литовскому, и за горло его поймавшы, с права где ся в том винен покажет, ничым иншым только горлом карати роскажем. О реч сужоную о заруки тые ж воеводове старостове и державцы судовые и их врядники тым обычаем, яко вышей описано, на именьях таковых упорных взрушеньем повету отправовати моцно мають; а шляхта за обосланьем старостинским будуть повинни збройно яко на войну на таковое увязанье и за се на поиманье такового противника нашого ехати, выймуючы с того панов рад и врядников наших дворных. А который бы шляхтич, будучи в дому своем, а на таковую потребу нашу за старостою рушитися и ехати не хотел; тогды таковый за доводом слушным старостиным винен будеть нам Господару двадцать и чотыри рубли грошей заплатити, а за отправу возному, колько кроть поедет, от копы по пол-гроша яко вышей описано, а замковому увяжчому потому ж, яко и перед тым бывало, от кождое копы по шести грошей, которые увяжчое маеть быти взято на виноватом. А который бы вряд так земскій яко и замковый по выстю року заплате зложоного стороне жалобливой отправы дати не хотел и зволок то до чотырох недель; тогды тот суд будеть повинен стороне жалобливой вси шкоды и наклады, што по выйстью року зложоном в том шкодовати будеть, на што слушный довод учынить, подлуг права сам платити и отправовати.
АРТЫКУЛ 68
На именью лежачом отправа сумы пензей.Уставуем теж, кгды бы от суду нашого господарского або теж от суду замкового земского было послано увязати за якую суму присужоную; тогды возный з уряду приданый, маючы при собе шляхту и людей добрых сторонних, маеть увезати за кождою двадцать коп службу людей потому ж и уволоку оселую, а за десеть коп грошей в пол-службы або в пол-волоки, потомуж и в землю пустовскую, а за копу грош в моркг земли погною, а простого поля тот же моркг за петдесят грош, а сеножати моркг, пол-копы грош [36], а земли лесное, которая бы се годила на пашню, за сорок грош моркг, а бобровое земли моркг за двадцать грошей, а пожытки пущы озера и реки водле важности их.
АРТЫКУЛ 69
О кгвалтовное выбитье спокойного держанья.Теж уставуем, хтобы кого выбил с спокойного держанья так из именя яко и отнятьем людей кгрунтов; тогды оный выбитый того ж часу, а надалей в чотырох неделях от выбитью, маеть припозвати того, хто выбил его, до вряду замкового на рок завитый на две недели. А кгды доведет держанья своего оного кгвалтовного и упорного а безправного выбитья стороны своее противное; тогды вряд замковый або дворный судовый маеть всказати ему кгвалт и шкоду з навезкою, и через возного положывшы заклад на листе своем, яко тая реч, с которою выбит, стоит, маеть за се выбитому пустить в держанье. И пакли бы сьпротивил и не поступил возному увязанья и боронил сам через себе або через врядников и через кого ж кольвек; тогды вряд против тому повинен сам ехати, повет рушывшы, и далей поступовать, яко о том ширей у артыкуле шестдесят осмом вышей сего розделу есть описано. Потомуж хто бы се кому листом своим перед врядом описал и обовезалсе, што колвек выполняти, а тому досыть не вчинил, увязанья моцно боронил, а было бы в листе записе доложоно моцного увязанья за листы нашими або врядовыми; тогды такжо вряд замковый з рамени нашого против таковому заховатися маеть.
АРТЫКУЛ 70
О подкоморых и о их вряде.Уставуем, иж в кождом повете подкоморый присяглый и оселый в повете том, которого мы Господар дамо, и маеть быти подкоморый на том уряде до живота своего, яко и иные врядники земскіе. А напервей нижли тым рядом справовати будеть, маеть присегу на тот врад свой учинити тыми словы: Я. Н. присегаю Пану Богу всемогущему в Троицы Единому, иж на вряде том земском подкоморском, который з ласки из рук его королевское милости беру, его Королевской милости Господару своему милостивому верен буду, справуючи тот вряд верне и справедливе, так суд моем подкоморском, яко теж и при сыпованью границ ничого большей на том вряде не постерегаючы одно справедливости светое, и не даючыся ни в чем уводити а ни приязьнею ани даром, также справы мои подкоморскіе на всем верне справуючы, и споры з обудву сторон з усказаньем через мене учиненым пильне до книг своих судовых уписуючы, так ми Боже помози.
Вряд подкоморого.
По всяких розницах земленых и граничных за одосланьем от суду земского маеть подкоморый моцю звирхности нашое а владзы уряду своего давати позвы по стороны под именем и печатью своею, и рок завитый складати на выезд на кгрунт за чотыри недели на всякіе розници земленые або граничные, и выехавшы и огледавшы выводов права листов и знаков граничных и сведков, чіе листы лепшые и знаки граничные явнейшые и сведки слушнейшые будуть, тую сторону ку доводу маеть припустити, и выслухавшы доводу подле статуту маеть кгрунт певный сказати, и границы копцы знаки граничные учинити, и на то листы суду своего под печатью и с подписом руки своее дати. А где бы з обеюх сторон вывода правного на письме або теж и знаков граничных явных и слушных не было; тогды поводовая сторона при жалобе своей маеть быти ку доводу припущона. Теж, абы право ведучы о кгрунт певный або о розницы граничные з одным, не мел от кого иного з стороны переказы в том праве, яко се то придавати звыкло от околичных суседов границами и межами прилеглых ку тоиу кгрунту, о который право идет, для того сторона поводовая або жалобная маеть околичных суседов на тот же выезд позвы подкоморого притягнути ку пригледанью выводу при постановенью границ, ку тому ж ач кождый рок выезду подкоморого на кгрунт маеть быти завжды завитый. А ведже где бы которая сторона тот же час и рок або форобою правдивою зложона была, або иншую справу перед иным врядом мела; тогды с тых прычин маеть быти вольна от того року, а ведже о форобе своей естли се перед роком придеть, маеть в час урадови подкоморого и стороне ознаймити, абы того року не пильновано; а подкоморій повинен будеть на иншый час переложыти, за которым переложенем на другом року сторона, которая на першом року не стала, повинна будеть наипервей водле статуту сумненьем и присегою своею правдивое форобы довести, и потом з стороною противною росправу судовную наконец приняти, а около большое справы, которую бы перед иным врядом мели, маеть довести сведецством.
Справа Урядовая.
По суду подкоморого естли бы за присуженьем кгрунту и границ шло о якіе колвек шкоды; тогды о то маеть быти отосланье за се до того ж суду земского, от которого справа на суд подкоморого пришла. А апеляцыя або отзов от подкоморого маеть быти до нас Господара. А ведже аж по сконченью справы судовое за которым отозвом мають быти властные от нас Господара на кгрунт комисаре в оном же повете оселые, а звлаща кашталян оного повету, а где бы оного повету каштеляна не было, тогды маршалок поветовый и з иными комисари, перед которыми будеть повинен подкоморій справы суда своего оказати; а они моцни будуть суд подкоморого и границы, естли бы в чом выкрочил, поправити, або теж, если добре судил, при моцы зоставати. А хто бы теж без причыны слушное от суду подкоморого отзов учынил, тот потом за высланьем комисаров наших в том дознаных повинен заплатити вины на вряд подкоморого две копе грошей и шкоды стороне нагородити подле слушного доводу. Где бы теж розницы в кгрунтах придалися на границы сполной дву поветов; тогды не один который подкоморій але оба два з обудву поветов на такій кгрунт певный выехати мають. Заплата подкоморому маеть быти от кождого нарожного копца по двадцати и чотыри грошій Литовских, а от посредних копцов от кождого по дванадцати грошей. А ведже копцы один от другого не мають близшіе чинены одно через три шнури волочные, окром того где бы се граница закривеная придала и частых копцов потребовала, а где бы теж копцов потреба не была, одно прогоненье межи было, тогды от таковое межи от кождых трох шнуров волочных дванадцать грошей.
О коморникох.
А иж бы отправа всяких справ, вряду подкоморого належачых, омешканья и затрудненья никоторого не пріймуючи, але тым снадней кром вшелякое проволоки и продолженья скуток, а конец свой пріймовала. Про то в кождом повете подкоморый ку помочи своей маеть обрати одного або теж и двох коморников, шляхтичов в повете оселых людей годных и статечных, которые на рокох судовых перед кашталяном або маршалком поветовым и перед врядом земским або дворным мають присегу таковую ж, якую сам подкоморій, на вряд свой коморницкій учынити; а потом кождый з них по особну за сланьем подкоморого, где бы сам подкоморый на которой справе быти не мог, тую всю моц и владность зуполную мети мають и будуть яко сам подкоморый.
РОЗДЕЛ ПЯТЫЙ. О ОПРАВе ПОСАГОУ
АРТЫКУЛ 1
Которым обычаем отец выдаючы девку свою замуж маеть обваровати и впевнити записанья вена от зятя.Теж уставуем, иж кождый обыватель того панства которого кольвек будучы стану, выдаючы дочку свою замуж и даючи за нею посаг або выправу подле доброе воли своее, наипервей нижли девку выдаст, маеть от зятя взяти запис под печатью его и под печатьми людей добрих, которым он на третей части именья своего лежачого оный посаг або выправу совито описати маеть потомуж яко нижей описано; а потом оный запис тот же зять на первых рокох земских перед судом земским оного повету, в котором оселости маеть, оповедати и в книги земскіе записати мает, таковая отправа маеть быти в кождого права задержана. А пакли бы отец выдаючы девку замуж перед выданьем ее вена и отправы от зятя своего не одержал; таковая девка по смерти мужа своего внесенье тратит, хотя бы и великую суму за собою внесла. А ведже предсе яко шляхтянце дети або близкіе повинни будуть за венец дати тридцать коп грошей, если бы замуж пошла; а где бы замуж пойти не хотела, тогды межы детьми и близкими в именьях мужжних будеть равную часть именья держати аж до смерти своей; естли же бы оного шляхтича именье тридцати коп грошей не стояло, тогды теж водлуг того з оного именья маеть выделена быти четвертая часть, которую будет держати только до живота своего, хотя за другого мужа пойдет.
АРТЫКУЛ 2
Як маеть муж жоневено записати.Теж уставуем, хто бы хотел записати вено жоне своей, тогды маеть, ошацовавшы вси именья свои, на третей части, чого стоит, маеть совито противко того внесенья записати вено жоне своей, так яко бы сума описаная тое третье части. И коли будет тая жона его на третей части именей мужних вено описаное от него мети, а он бы потом умер, а дети по собе зоставил, а тая жона пойдет за другого мужа, а если дети всхочуть або близкіе ее с тое третее части именья за живота ее вывеновати; тогды мають всю суму пенезей, яко будеть в листе описано, заплатити, тож тое именье к рукам своим взяти. А естли же будут дети ждати смерти матки своее, не всхочуть выкупити; тогды повинни будуть одно внесенье, што в дом их внесла, по смерти ее заплатити тому, кому она отпишеть, а привенку, што будеть записал отец их на противко внесенья, совито платити не повинни, а она теж не маеть никому того привенку записовати, кроме только вольна будеть отписати внесенье свое, а естли бы никому не отписала а детей не мела, тогды маеть тое внесенье вернено быти в дом той, с которого вышла. Вольно теж кождому жоне своей отписати речы свое рухомые так яко и кождому обчому, то ест: золото, серебро, шаты и иншые речы, кром зброи стада и челеди неволное быдла дворного; а ведже и того всего яко именья лежачого третюю часть жоне отписати вольно, абы седечы на именью мела чим службу нашу господарскую и земскую с третее части именья заслуговати. А дети и близкіе кгды будуть с тое третее части скуповати; тогды тые вси речы яко зброя челядь стадо и быдло мають при именью зоставити, а где бы тые речи утратила, тогды з вена ее мають за то ошацовавшы вытрутити часу откладанья пенязей. А так подле уставы нашое мають ся заховати вси подданые наши и на потомные часы, а хто бы над звышей тое уставы нашое учинил, а што неслушне жоне своей записал; таковых записов не хочем мети моцных мы сами и потомки наши Великіе Князи Литовскіе. А для того ж отец еще не выдавши девки своей замуж маеть первей того смотрити, естли бы того зятя своего третяя именья совито стояти могла противко внесенья дочки его, на чом бы ее против того веновати мел. А где бы тая часть не стояла противко внесенья; тогды маеть отец за тую суму пенезей, што бы по ней мел дати, купити именье и дочце своей за то дати; а зять предсе жоне своей за то, што бы особно взял суму якую, маеть отправу вчинити на третей части именья своего властивого, а того именья, которое отец купивши дочце своей даст, мають сполу уживати аж до живота своего мужнего, а по животе мужнем она яко свое властное маеть одержати весполок з веном своим.
АРТЫКУЛ 3
По смерти отцовской девки як мають з именья выправованы быти.Уставуем, если бы отец за жывота своего выдал одну девку свою замуж, а в том умер, а по собе зоставившы еще колко девок; тогды и тые девки водле опису або тестаменту его мають быти выправованы, яко им будеть описано, або з готовизны заставленое. А где бы сумы описаное а ни назначоное не было готовизны, и не мог бы брат так великое сумы по них дати яко за першою дано; тогды ошацовавшы четвертую часть именья своего отчызного, ничого с того именья не втратившы; и тым сестрам своим выправу равно всим дати, иле их будеть, окром если бы брат их розумел, иж четвертая часть именья их отчызного болшое важности, нижли бы им на ровные части так много яко першой сестре выправы пришло, то будеть на воли его. А пакли бы брат або стрыеве суму им зоставленую утратили; тогды водле опису будуть повинни яко властный долгь отдати и заплатити.
АРТЫКУЛ 4
0 вдовевенованой, як се мають противко ее дети лета маючые обходити.Вдова которая седить на вдовьем столцы, а будеть ли венована от мужа своего, а сынове мають зуполные лета; тогды она маеть оселость только на вене своем, а сынове мають припущоны быти ко всим именьям и скарбом отцовским, которые мають службу земскую заступовати; а естли бы была не венована, тогды маеть быти захована, яко вышей есть описано.
АРТЫКУЛ 5
Вдовы безплодные, которые детей не мають.Обачившы есьмо то, иж которые вдовы безплодные седят навдовьем столцы, многіе се шкоды от них делають Речи Посполитой, а то тым обычаем иж службы земскіе от их не бывають служоны, так яко бы мели быти, и теж ближним много именья утрачають; уставуем так, иж которая вдова безплодная, а будет ли венована от мужа своего, тогды маеть осести только на вене своем, а именья мають на ближним спасти; а естли бы небыла венована от мужа своего, тогды маеть на третей части именья седети, поки за муж пойдеть, тогды близшіе мають венец ее платити, яко ест вышей, если будеть не вдовою замуж пришла.
АРТЫКУЛ 6
Который бы кольвек оселый и неоселый оженился в Литве.Теж уставуем, иж бы который кольвек оселый и неоселый оженился в Литве и побрал по жоне именья; тогды часу войны и каждое потребы Великого Князства Литовского против кождому непріятелю того панства з именей жоны своее, и з якого ж кольвек набытья достал бы именья в том панстве, повинен будеть сам с того службу военную земскую служити и заступовати, и тым се не вымовляючы, же ему жона не записала. И хто бы с таковых яким же кольвек обычаем набывшы и маючи именье у Великом Князстве Литовском и в землях ему належачих, а войны которіе бы кольвек не служил, яко вышей описано; тогды он и жона тые именья тратят на Реч Посполитую.
АРТЫКУЛ 7
О девках, которые бы без воли родичов замуж идуть, або бы мели пойти.Где бы которая девка без воли отцовское и матчины ишла за иуж; таковая отпадываеть от посагу и от именья отчизного и материстого, а естли бы одна была у отца, тогды отчызна на близких спадываеть мимо таковую девку.
АРТЫКУЛ 8
О девках, которые по смерти родичов своих без воли братьи або стріев за муж идуть.Уставуем, естли бы девка остала отца и матки, по смерти их родичов своих, не доросши лет своих, або теж и доросши лет замуж пошла без воли братьи або стріев своих, а не будеть ли братьи рожоное мети або стріев, або близких своих; таковая отпадываеть от посагу именья своего отчызного и материстого и спадков, што бы напотом на нее спасти мело. А естли бы она мела лета свои, а братья або стріеве ее задерживаючи ее не хотели бы замуж выдати; тогды однакож своволне не маеть ни за кого ити, леч маеть дати знати до вряду через кровных ведомость, а вряд ей маеть дозволити замуж пойти; а она естли з волею вряду або близких замуж пойдет за ровного собе шляхтича, тогды таковая именья не маеть тратити, а ведь же девка маеть мети лета зуполные петнадцать лет, а тот хто ее поиметь вольно ему будеть доходити маетности жоны своее. А братья або стріеве и которіи кольвек близкіе маючи сестри в опеце своей, поколь их замуж выдадуть, мають их учтиве на всем ховати, держечы при них невесту старую статечную; а естли бы учтиве ховати не хотели, тогды таковые девки могуть на части своей, с которое им выправа маеть быти, сами седети под справою опекуна от вряду им приданаго до того часу, поколь замуж пойдуть, а идучи замуж выправа им с того дому маеть быти водле поступку вышей описаного.
АРТЫКУЛ 9
Хто бы з двема або с трема жонами дети мел.Уставуем, естьли бы которая вдова замуж пошла, и дети в мужа першое жоны нашла и с тым мужем других детей набыла, тогды по смерти мужней з обоима детьми того мужа своего во именью ровную часть и в скарбе маеть мети; а естли бы детей не мела, тогды з детьми мужа своего першое жоны его ровную часть только во именьях лежачих будеть мети, але в скарбех и в рухомых речах мети не маеть, окром внесенья своего, и теж естли бы што з ласки ей муж записал некоторую часть именья лежачого, на той она маеть седети только до жывота своего, если замуж не пойдет, а если бы замуж пошла, тогды тую ровную часть именья маеть детем первое жоны его зоставити, а тые дети венца ей не повинни будут дати.
АРТЫКУЛ 10
О вдове, которая зостанет з детьми недорослыми мет.Уставуем, которая вдова зостанеть по мужу своем з детьми недорослыми, а хотела бы на вдовьем столцы седети и дети в опеце своей мети, а будеть ли оселость добрую мети або вено от мужа своего оправеное; тогды таковая вдова маеть на вдовьем столцы на всих именьях з детьми седети, если бы опекуны уставленые от мужа ее не были. А естли бы оселости добрые або вена отписаного не мела, тогды маеть дати по собе рукоемство доброе люсей оселых, таковая ку опеце маеть быти припущона. А где бы она и потом будучи на вдовьем столцы детем именья скарбы утрачала; тогды стріеве або близкіе мають ее притегнути перед уряд земскій на рок певный, яко на завитый, и доведуть ли того, же утрачала, маеть опеку и именья и дети пустити кревным, а сама зостати на оправе своей; а не будеть ли мети оправы, тогды мають ей выделити ровную часть межи детьми, которую маеть держати и ее вживати до живота своего, або покуль замуж пойдеть, а по жывоте ее тая часть ее маеть спасти на дети. А ведьже утрата от нее на именьях иншая не может се показовати: одно естли бы непобожными податками винами серебщизнами людей у в оных именьях обтяжала, гумна и иные статки домовые нерядне роспрашала, або частые и непотребные калацеи мевала, и слуги непотребные ховала, а ничого в дом детиный не прибавляла. А где бы стріев и инших кревных не было, тогды мы Господар, а в небытности нашой у Великом Князстве Литовском ино панове рада наша каждый у своем воеводстве для таковое утраты мають з рамени нашого господарскаго опекунов оселых на тое местце уставити, которіе дети именья скарбы и ее самую у в опеце своей мети будуть а не допущати большей утраты чинити. А в том часе нам тую утрату по ней обачат, она бы што детем утратила; тогды будеть винна тую всю шкоду детем своим платити з вена або з властного именья своего, а не будеть ли мети именья або вена, тогды оные рукоимцы будуть повинни шкоду детем платити.
АРТЫКУЛ 11
О девках и вдовах, которіе за простых людей замуж идут.Уставуем, которая бы девка або вдова, будучы стану шляхецского, маючы именья отчызные або материстые, пошла замуж за простого стану человека не шляхтича; таковая от всих именей своих як отчызных так материстых вечности отпадываеть, але тые именья на близких мають прійти, а по вдове на дети и теж на близких ее, которые дети яко близкіе предсе будуть повинни таковой девце або вдове за тые именья ее отложыти суму пенезей подле шацунку статутового, але по половицы, то ест даючы за кождую службу людей пять коп грошей, а иншые кгрунты сумы по половицы, яко в том статуте о том шырей написано, а вено описаное все тратят, и не повинни будуть дети и близкіе таковой вена откладати.
АРТЫКУЛ 12
О вдове, которая бы по смерти мужа своего за другого хотела пойти.Хочем мети, абы малженство в почтивости было заховано и для ведомости плоду, абы кождая вдова шляхтянка по смерти иужа своего до шести месецей за другого мужа не смела пойти; а которая пойдеть, тогды вено от мужа своего описаное тратит, а пакли бы вена описанаго не мела, тогды заплату до скарбу нашого дванадцать рублей грошей заплатити маеть.
АРТЫКУЛ 13
О спадки, которые заровно на сына и на дочки приходять, и о внесенью матчином, если бы кому не записала.Теж уставуем, иж всякіе материстые так лежачіе и иншые речи рухомые, теж внесенье матчино, которое бы никому не было записовано, то все маеть в ровный дел пойти межи всих детей як сынов так и сестр, нижли спадки отчизные на сынов на близких по мечу приходять так, яко на иншом местцу шырей о том написано.
АРТЫКУЛ 14
О поровнанья внесенья розных жон перед разделом детиного именья.Теж уставуем, кгды бы один шляхтич мел колко жон, а оные жоны мели бы ровное внесенье свое в сумах пенежных; тогды сынове, колько их будеть з оных жон, вси именья отчизные мають на себе на ровные части поделити. А естли бы которое жоны внесенья большей нижли иншых жон; напервей перед розделом именей своих выровнати оное болшое внесенье матки братьи своей, ровное внесенье поделивши, заплатити, тогды ж именья отчизные на ровные части межи себе поделити.
АРТЫКУЛ 15
Если бы которая вдова замуж пошла.Уставуем, если бы которая вдова замуж пошла, а первей будучи за первым мужем своим вено оправленое от мужа своего мела; тогды от другого мужа вена записаного мети не може, нижли бы тот муж ее другій вмер, а дети по собе зоставил, тогды она межи детьми своими ровную часть у в именью взяти маеть, а на том до жывота мешкати[37]. Тогды от близких маеть на вдовьем столцу на третей части зостати, а по животе ее и тая третяя часть маеть спасти на близких [38], заховатися водле того, яко вышей о том написано.
АРТЫКУЛ 16
О именью, на котором муж жонеотправу чынить.Уставуем теж, иж хто кольвек описавшы отправу жоне своей на котором именью своем учинившы, того именья своего никому иншому никоторим правом а ни способом записовати а ни в чужіе руки задавати не можеть, хотя и призволенье от жоны показовал, без очевистого перед врядом сознанья ее; а и вряд теж кождый на таковом венованом именью никому отправы никоторое чинити не маеть, окром добровольного и очевистого перед врядом самое панее венованое призволенья.
АРТЫКУЛ 17
О безплодной жоне.Кгды бы которая жона будучы замужем безплодне умерла, маючы певное внесенье за выправою от родичов своих, а того бы именья никому не записала, таковое внесенье зась в тот же дом, с которого вышло, вернутися маеть родичом ее. А которая бы жона незплодне умершы мела внесенье и выправу певную от братьи с четвертое части, а никому бы того не записала, а еще бы сестра ее была невыпосажона и за муж не выдана; тогды таковое внесенье не приходит засе на братью, але на сестру которая бы еще замуж не выдана была; або если бы оное внесенье от сестры своее братья собе взяти хотели, тогды вместо того сестре невыданой зо всее четвертое части, чого стояти будеть посаг и выправу дати повинни. Кгды ж четвертаячасть водлуг давных прав особливе на выправе девок замуж отложона без всякое розности, хотя бы их было и на болей або теж и одна [39].
АРТЫКУЛ 18
О розводех малженских перед судом духовным.Теж уставуем, иж розвод малженскій маеть быти перед судом духовным обоего стану водле прав наших хрестіянских: если муж зостанеть винен з розсудку права духовного, тогды жона останеть на оправе от него описаной; а пакли бы жона винна найдена, тогды внесенье и оправу свою тратить. А ведьже если бы розвод слушный доводом для кревности, иж ся малженство в неведомости кревности стало, або для иншых причын, которые бы се перед правом духовным показали, иж бы слушный розвод мел быти; тогды при розводе венок при мужу и внесенье при жоне зостати маеть.
РОЗДЕЛ ШЕСТОЙ. О ОПЕКАХ
АРТЫКУЛ 1
О дети недорослые лет.Уставуем, абы по смерти родичов детем лет недорослым шкоды и роспрошенья маетностей их як лежачих так и рухомых не было; с тое причыны таковые дети лет недорослые мають быти под справою и опатрностью опекунов от родичов назначоных, або теж приданых до лет зуполных, а лета мужчизне мають быти зуполные осмнадцать лет, а девка петнадцать лет.
АРТЫКУЛ 2
О опецеотцовской.Теж уставуем, если бы отец мел дети недорослые лет, которые бы мели именье материстое обоим записаное; тогды як детьми самыми отец, так и таковым именьем их материстым и яким кольвек их властным, опекун маеть быти до лет их дорослых, а кгды лет доростут, маеть им тые именья з опеки своее пустити, и личбы ни которое им чинити не повинен. Одно ж часу опеки своее не мають моцы ничого оных именей в руки чужіе а ни вечным а ни заставным правом и обычаем впущати; а хотя ж бы и впустил, тогды то детем шкодити не маеть, але мають того на держачом доходити, толко бы давности, вышедши з опеки, не омешкали. А теж кгды бы которого сына его власного именье набытое в готовых пенезей або яких кольвек речах отец за живота своего на свои потребы выдал, а потом сам умер и колько бы сынов зоставил; тогды наипервей нижли дел ровный во именью отчизны межи сынми будеть, мають они долгь отца своего вси сынове с тым посполу братом своим, чіи речи будуть, межи себе на ровные части розняти, и так кождый части своее оный долгь брату своему отложившы, тож мають именья отчизные в ровный дел поделити.
АРТЫКУЛ 3
Которыи опекунами мають быти.Наипервей тые опекунами мають быти, кого бы отец на тестаменте детем своим описал, а если бы не описал, тогды брат старшый лет дорослый маеть молодшую братью и сестрами опекатися. А не будеть ли брата дорослого; ино стрыеве по мечу мають опекунами быти, а если бы стрыев рожоных не было, ино близкіе также по мечу ку опеце мають быти припущоны. А кгды бы опекунов прирожоных никого не было, ино по матце иншые кревные мають быти опекунами; а не станет ли покудели кревных, тогды от нас Господара або от панов воевод або теж и от суду земского мають быти опекуны приданы, не чужоземцы але добре оселые в том же повете, где опекатисе будеть, абы оселость такового опекуна значна была ровна с тым именьем, которое у в опеце мети будеть. И кождый опекун хотяж бы и кровный также добре оселый маеть быти, кром тых опекунов которих отеу тестаментом назначит. А ведже если бы тот опекун от отца назначоный неслушне се на той опеце справовал з шкодою оных детей; тогды мы Господар або панове воеводове або теж вряд земскій в поветех своих мають тую опеку от того опекуна отнемши, кому с прирожоных або близких або кому кольвек обчому, только цнотливому и добре оселому, тую опеку злецити, и што бы ся шкод от оного першого в именью оным детем стало, то все на оном опекуне с права сказано быти маеть. А если бы детиные именья в розных поветех были, тогды вряд, в котором повете головнейшое именье тых детей будеть, маеть опекуна придати; а тот сам один при головнейшом именью и иные вси именья, хто бы по розных поветех мел, будеть с одного держати и ими се опекати. Теж опекун маеть быти не вельми зешлых лет, не форый, ростропный, розумный, тот который бы собою добре владнул и дом свой ростропне и опатрне справовал.
АРТЫКУЛ 4
Наука опекунам як мають на себе опеку брати.Уставуем, иж кождый опекун пріймаючи в опеку наипервей маеть перед возным от вряду на то приданым перед двома шляхтичами списати достаточне людей и всю маетность детиную, так лежачую яко и рухомую, и тот реестр под печатью возного и шляхты маеть увести до книг земских, и собе того уписанья выпис с книг взяти; а потом опекун взявшы дети маеть их в добром и цнотливом выхованью и науках мети и в достатку, водле можности именей и водле большого старанья своего, яко ему самому почтивость мела, ховати, и маетность их як лежачую так и рухомую в целости мети, а с чого бы за долгим хованьем детем шкода быти мела, то тые речи на пенези оборочати маеть, и все ку пожитку детиному справовати. А кгды дети к розумным и дорослым летом прійдуть; пекунови повинни будуть оные вси маетности детиные, як лежачіе так и рухомые и всякіе доходы з именья их, дани пенежныя и медовое и иныя всякія, которіе ж кольвек через весь час опеки своее зберуть, их отдати мають, и личбу достаточную вчинивши зо всего усправедливитися. А за працу свою опекунове з гумна з млынов и пересудов и з озер маеть мети пожитки и не будуть повинни с того личбы чынити; ведже предсе из тых пожитков як з гумен так и з млынов мають накладати на выхованье и пріодеванье детем, и службу земскую заступовати. А которим житом и всяким збожьем злжоным и засеяным опекун озмет, з тым всим опеку здати маеть. Теж серебщизны а ни винна себе опекун брати а ни ставов спускати не маеть, только риб из ставов ку потребе своей и к живности можеть ловити. А которій бы кольвек опекун, так тестаментом зоставленый, як и прирожоный, або теж з уряду приданый, не заховуючися водле науки не врядовне без возного на то приданого и без стороны, несписавшы напрод всих маетностей детиных так лежачих яко и рухомых, в опеку вшол и што шкоды детем опекою своею починил; против таковому дети лет доросшы близшіе будуть ку доводу, што по тым оным детем дорослым лет справа на оном опекуне всказано и отправлено быти маеть. А если бы такій опекун што опекою своею вшкодившы вмер, тогды предся тая шкода на именью его всказана и отправлена быти маеть.
АРТЫКУЛ 5
Если бы опекун што несправою або недбалостю своею детем упустил.Кгды бы теж опекун, так прирожоный яко и встановленый от отца, або теж з уряду приданый, яким омешканьем або недбалостью своею детем в молодости лет их што впустил; тогды дети, доросшы лет своих зуполных, могуть своего правом поискивати на том, хто бы именье держал, абы одно доросши лет своих зуполных давности земское не омешкали.
АРТЫКУЛ 6
Опекун можеть детиное кривды доходити у права, але немоцон ничого утратити.Кгды бы хто сиротам або детем лет немаючым якую кольвек кривду учинил; тогды опекун их моцон того правом доискиватися. А кгды бы опекун з детьми о што был позван, на то опекун не повинен у права отповедати, окром тых причын, которые нижей описаны; бо опекун неповинен детем ничого утратити, и што бы опекун в летех их недорослых им упустил, в чом бы се им кривда видела, тогды они доросши лет своих, могуть о тых кривдах своих мовити и правом того доходити, только бы давности земское не омешкали.
АРТЫКУЛ 7
Хто бы дети недорослые до права позвал.Уставуем теж, иж о именья так отчизные яко и материстые купленые и выслужоные дети а ни опекун не будуть повинни у права отповедати, але мають тую справу до лет детиных зуполных отложыти; а они кгды лета зуполные будуть мети, тогды на он час сторона жалобливая маеть их припозвати, а они вжо будуть повинни на жалобу отповедати не вымовляючися давностью земскую, только бы теж сторона жалобливая от зуполных леть их давности земское не премешкала.
АРТЫКУЛ 8
Иж дети недорослые не мають у права отповедати в одно чотырох причынах.Теж дети не маючы лет, будучы до права позвани, одно в чотырох речах повинни будуть отповедати. Первей, кгды отец их або матка за доброго здоровья которое именье лежачое в пенязех заставным обычаем держали, або як кольвек суму на том именью было им описано, а близкіе бы тое именье от тых детей выкупити хотели, и для того бы были позвани ку обранью пенезей; тогды будуть повинни пенези взяти через опекуна або теж через пріятелей кровных, а именье пустити. Другое, кгды бы отец их кому ручыл о якую кольвек реч, а о тую бы поруку еще отец их за жывота своего был позван до права; тогды по смерти отцовской дети, будуть ли от кого позвани, отповедати повинни, и с права найдеть ли се, то мають его с поруки вызволити. Третее, кгды бы отец за жывота своего о якое дедицство мел право и не доконавшы умер; тогды дети через опекуна повинни будуть отказовати, а если бы одно позван был, а у права не стоял, тогды тая реч маеть отложона быти до лет детиных. Четвертое долг отца своего повинни дети платити не вымовляючися молодостью.
АРТЫКУЛ 9
О братьи недельной.Уставуем, кгды бы братья недельная маючы лета дорослые одного в именью зоставили, а он яко старшый местцу зоставленый был бы ку праву позван, а сполную реч свою и братьи своее утратил; тогды иншая братья его рожоная не маючы моцы такового судовного выроку у права отменити ани поправляти, але што через брата своего утратили, о то на веки мають молчати. А кгды бы одному брату лета зуполные маючому именье его от братьи молодшое от опекунов в руки пришло, а был бы позван о которую кольвек реч о именье, або о што кольвек, повинен отповедати у праве ни ждучи лет братьи своее молодшое; ачкольвек правом дойдеть, то с братьею, кгды лет доростут, ровно делити будуть повинни; а если теж што правом утратит, того братьи нагорожати не будет повинен, а ни братья будуть мочи того на брате своем ани на том, хто зыщеть правом, поискати; а ведьже если бы брат которую хитростыо або недбалостью своею што ку шкоде братьи своее пустил, а то бы братья на него у права довели, тогды тот брат, который што не слушне упустил, маеть братьи с части своее нагородити.
АРТЫКУЛ 10
Старшій опекун не можеть именья детиного продавати, утратити и граничити.Уставуем, иж опекун не можеть именья детиного, которим ся опекаеть, продати або яким же кольвек обычаем утратити и теж граничити; а если бы опекун иначей учинил, тогды дети дошедши лет зуполных будуть мети моц именье свое от того, хто его уживаеть, правом доходити, одно б дошедши лет зуполных давности земское не омешкали.
АРТЫКУЛ 11
Старшый сын дорослый не можеть братьи недорослое именья отдаляти або завести, окром части своее, леч бы для долгов родичов своих.Уставуем, иж старшый брат держачы сполное именье з братьею своею нероздельное не будеть мети моцы яким же кольвек мененым обычаем того сполного именья заставляти продавати отдаляти або утрачати, вынемшы часть свою, которая на него приходить, можеть зоставити до вечного делу. А где бы теж долги того родичов их записаные або правом належачые потребовали, в которой же потребе тот брат старшый, з ведомостью а порадою старших пріятелей дому своего, будеть маючи именье сполное братьи зоставити, о такіи долги платити, а ведьже так яко бы пенези на именье братьи своее взятые не превышали сумы долгов отцовских. А если бы долги або заплата якая судовне сказаная при меньшым была; тогды старшый брат, первей огледавшы живностей и иные потребы домовые, маеть с цыншов доходов именей сполных долги оные малые плати, а останок, што бы збывало, маеть верне братьи заховати; а если бы иначей чинил, тогды такового заставованье або записованье именей у права пріймовано быти не маеть; а братья, которих именья тым або яким иным неслушным способом будуть заставлены, кгды лет своих доростут и давности не замолчать, будуть мочы его правом доходити; а той, которій бы против уставы нашое пенези на именье братское без их зуполного дозволенья так неопатрне дал, тогды своих пенезей на оном старшом брате доходити искати будеть. А кгды бы которій дорослый был на службе у чужих краинах або на науцех або у везанью непріятельском, тому давность не шкодить, естли ее от пріеханья своего не замолчит. А ведьже и на свою часть будеть ли хотети брат старшый якую суму пенезей взяти, тогды маеть так брати, яко бы сума не превышала, а на вечность, не розделившы именья с братьею своею, части своее продавати не можеть.
АРТЫКУЛ 12
В опеце, тое именье держечи, не мает ничого з него за свою вину платити.Коли бы хто чужое именье в опеце або заставе держал, а были бы якіе кривды суседскіе або долги або якіе иные справы покананье; таковый кождый, если бы не был на своей властности оселый, в таковых своих речах в сужоных на рухомом именью его або в недостатку заплаты на самом истцу [40] маеть быти отправлена[41].
АРТЫКУЛ 13
Коли бы ся трафило екзекуторови оборонцы, почавшы которіе справы тестаментов справовати, и недоконавши умерли.Уставуем, иж кгды бы ся опекунове почавши тестаментом справовати што кольвек, а в том не докончившы померли; тогды близкіе оных детей мають быти припущоны ку екзекуціи, а естли близких не будеть, ино вряд опекунов, хотя бы обчих, до того тестаменту под тою ж моцю все справовати, як и тые, которые померли.
РОЗДеЛ СЁМЫЙ. О ЗАПІСЕХ И ПРОДАЖАХ
АРТЫКУЛ 1
О записех на именья свои отчызные и материстые.О записех на именья свои отчызные материстые и всяким обычаем набытые, которій ся уфалил на сойме вальном Берестейском, в року тисеча пять сот шестдесят шостого, месяца Іюня. Кгдыж в старом статуте и в поправах статуту нового бачили панове рада обоего стану, также и вси станы, на першом вальном сойме Берестейском от нас Господаря зложоном отменити четыри артыкулы в розделе том семом о записех: первый, другій, третій и четвертый и праве их на сторону отложити и на тое местце тот нижей описаный установити и в статут вложыти, якож на то сполне и одностайне вси зезволившыся и уфалившы, до нас Господара донесли и утверженье того нас просили. Мы Господар, приставуючы тому зволенью и уфалы их, утвержаем место оных чотырох артыкулов выш помененых, откладаючы их на сторону, на перед нижей описаный ку уживанью и справованью в том панстве Великом Князстве Литовском и во всих землях ему належачих, межи всими станы и особами праву земскому и сему статуту прислухаючих. Што вси от сего часу и дня волно и моцно кождому именья свои отчызные и земскіе материстые и выслужоные купленые и яким кольвек обычаем набытые и названые, не смотречы третее и двох частей, яко перед тым бывало в статуте обычаем стародавным, але все с домом, хто их што маеть, будь теж половицу або и которую их часть, и по собе и у одно або люди земли, што хотя от них водле доброе воли своее и мысли, отдати продати даровати и записати заставити, от детей и близких отдалити, подле баченья своего тым шафовати. И хотя бы перво которую часть албо половицу именья своего альбо што кольвек люди земли кому продал записал; тогды остаточных именей своих потому ж волен шафовати вечностью заставою, як воля его будеть, отдаляючи то от детей близких своих. А ведьже кождый таковый, або продаеть альбо даруеть, сам очивисте перед нами Господарем обявити маеть, або перед урядом земским, где в котором повете тое именье лежит, або до которого суду земского прислухаеть. А пакли бы до которого повету было далеко, в котором именье тое лежит, алимьбо до которого суду прислухаеть, тогды будеть еиу вольно запис свой оповедати и до книг записати; а тот кому, продано або яким кольвек обычаем записано будет, с тым листом записом сво и теж записом врядовым маеть ехати або послати до того вряду земского поветового, где в котором повете именье лежати будеть, а то оповедавши маеть до книг земских тот запис свой увести, а уряд урядови верити маеть.
АРТЫКУЛ 2
Если будет кому потреба запис чинити кромероков земских от лежачих книг.Теж хто бы хотел што записати оселость кому вечностью межи роки судовыми, без которых суд не звык заседывати на суде, и книги подлуг статуту лежати не будуть; тогды маеть прійти перед вряд замковый дворный, где суд от нас Господара засажоны, и там же запис справеный перед воеводою або старостою альбо державцою, где такіе суды суть, оказати вызнати и дати его до книгь записати замковых слово от слова, и выпис взяти, который выпис замковый будеть тривати до году а не далей. А в том году маеть быти оный запис пренесеный до кних земских и при врядникох земских в тые ж книги земскіе дати записати, тым обычаем таковый запис маеть быти при моцы захован, и тот, што им кому будеть записано, маеть то одержати. А где бы так доводу не вчинил; тогды таковый запис жадное моцы мети и за оным тую реч, што кому записано, одержати не маеть. А в небытности воевод старост и державец судовых на таковых урядех и местцах их; такіе записи за листы вызнаными предся очевисто особы будучи сами, хто што записуеть, вызнавшы и такіе записы сами ж оказавши вряду тому, то ест перед подстаростим наместниками и при судьи, от таковых особ урядовых могуть быти и выписы даваны под их печатьми и с подписаньем рук их, а при намней двух, если бы вси три писати не вмели.
АРТЫКУЛ 3
Хто бы хотел именье свое отчизное продати або зоставити.Хочем теж мети и уставуем, абы кождый таковый, хто бы хотел именье свое отчизное продати або заставити; тогды маеть прійти перед нас Господара або перед вряд земскій, в котором повете тое именье лежит, обявити перед судом земским, которая продажа за таковым обычаем будеть моцна и вечне держана, хотя бы на то и потверженья нашого господарскаго не было. А ведьже тот, кому будеть записано, того ж часу маеть, взявшы возного з уряду поветового, увойти в держанье и того именья; пакли бы по оном записе в держанье того именья не пришол, а давность земскую десеть лет промолчал, тогды таковая продажа и застава потом моцы ни которое мети не будеть.
АРТЫКУЛ 4
О вольности продати третюю часть на вечность.Уставуем, хто бы хотел именье свое отчизное продати на вечность; тогды только третюю часть именья отчизного вольно ему на вечность продати, а две части того ж именья в суме зоставити. А ведьже не маеть большей на тые две части именья отчизного брати, только так яко бы сума не превышала на уфалу и постановене наше, яко вышей в розделе о судьях ест написано; а где бы больш на тые две части пенезей дано, тогды дети яко близкіе не будуть повинни больш платити, только шацунком потому яко вышей описано, а што будеть превышати, то оному, хто вышей дал, маеть згинути.
АРТЫКУЛ 5
О записех именей купных.Уставуем теж, иж кождому будеть вольно именье свое куплю и выслугу отдати и продати и кому хотечы записати, бы теж кому и обчому, от детей и близких своих все не менуючи третее части; а ведь же тые тым же обычаем, пришедши перед нас Господаря або перед вряд земскій часу роков судовых, маеть обявити и сознати и до книг земских тую продажу свою записати, за которым оповеданьем тая продажа маеть вечне держана быти. А хто бы хотел записати нам не обявивши перед нами Господарем, або перед паны рады нашими, або теж перед врядом земским, бы теж и печати людей сторонних у того листу были; тогды таковый лист або запис у права моцы никоторое мети не будеть. А естли бы хто продал именье на рокох судовых, таковый маеть перед врядом замковым сознати; и тот, хто купил, взявши выпис з уряду замкового, маеть потом на перших рокох судовых земских перенести и дати записати [42].
АРТЫКУЛ 7
Не маеть нихто никому жадного спадку записовати, чого в руках немаеть.Теж естли бы хто хотел кому записати которим спадком, который бы мел на него прійти веновье або материстое або которою кольвек близкостью, которій бы кольвек по ближнем по пустой руце мело спасти, а тот бы еще был жив; тогды такового спадку нихто не можеть записовати ни продати а ни отдати а ни сумы никоторое на том записовати, оли ж бы в руках своих мел. А если бы хто кому таковый спадок записал або продал теж записал на том которую суму пенезей, таковый запис перед правом не маеть быти держан, бо нихто никому не можеть дати, чого в руках своих не маеть. А пакли бы хто кому што записал от своих близких, не маючи того в руках, сам на перед умер, однакож запис ни в вошто маеть обернень быти предсе, то маеть прійти на прирожоных близких.
АРТЫКУЛ 8
Хто бы кому записал именье або землю по своем животе, а тот, кому записано, того смерти не дождал и наперед умер.Теж уставуем, если бы хто кому записал именье або люди по своем животе, а тот, которому будеть тая реч записана, того смерти не дождал, которій то будеть ему записал, и сам наперед умер; тогды тот тую реч можеть иному записати, кому воля его будеть. Нижли еслибы тот жив был, а он ему записавши, и потом иншому Другим записом хотел записати; тогды от першый запис маеть при моцы зостати, а последній ни во што маеть обернен быти. Так теж хто бы кому именье або люди або земли продал; тогды тот, хто первей купил, маеть то одержати, а тот, которій опосле купил, маеть пенезей своих на истцу смотрети.
АРТЫКУЛ 9
Хто бы на которую кольве реч добровольнедал запис, тот маеть при моцы зостати.Теж уставуем, если бы ся хто кому записал на которую кольвек реч рухомую або суму позычоную добровольне запис, под печатью своею и под печатьми людей добрих подле обычаю права учиненый; таковый кождый маеть у таковом записе зостати, а тот запис кождый маеть управа мети иоц.
АРТЫКУЛ 10
О именье должное и давность земскую.Теж уставуем, коли хто купил якое дедицство и держал с покоем заплатившы, а на том же бы именью хто иншый долг мел первей врядовне записаный, поки еще было не продано, и в молчанью был о тоть долгь десеть лет, через давность земскую, и правом его не доходил; таковый хотя и листы упоминальные мел, то не маеть на том именьи долгу смотрети, але истца у своих пенязях искати. А естьли бы тот истец на мел чим платити; тогды в том долгу маеть его суд за шлюб выдати, нижли если бы от того [43] долг также врядовне записаный до права позывал того, который именье держит тое, давности земское не омешкавшы, тому подлуг запису его першого тот долг на том же першом именью маеть быти держан, а тот, который в держанью того дедицства, оный долг маеть заплатити тому, хто первшый запис маеть, а сам маеть тых пенезей и кождого оного накладу на истцу доискивати.
АРТЫКУЛ 11
Хтобы под ким искал близкости, а тот держал именье записом слушным.Хто бы под ким именья искал близкости своей, а тот бы, под ким ищет, держал тое именье записом слушным, а поведил бы, иж то не одному ему але иншим тым же записом тое именье записано, и рек бы : про то я без них о тое именье не хочу отповедати; тогды тот, хто именья ищет, маеть оных всих учасников припозвати, которим тот запис служит.
АРТЫКУЛ 12
О долги двох або колко на одном именью.Коли бы хто именье закупное у которой суме держал, а другій бы ся долгом своим ку тому ж именью приповедал, менечи иж тем ему на том же именью сума есть описана, и с права бы тую ему перевел, и давность бы земская не замолчана, а тое бы именье обои сумы стояло; тогды тот который маеть большую суму повинен заплатити, або обадва тое именье иншому в обоей суме зоставити, а тые пенези межи себе водле записов розделити. А пакли бы колько должников ровными долги до одного именья збеглося, а именье бы вже за тые долги не стояло; тогды хто бедеть мети первшій запис, або бы в держанью именья был, а именье теж большое сумы не стоить, тогды (тот при таковом именью зостати маеть, а тые з) остатными записы мають тых пенязей своих на истцу доходити.
АТЫКУЛ 13
О реч заставную, хто в большой сумезаведеть.Теж коли бы хто реч заставную у большой суме зоставил, а тот чыя реч у кого ль бы свое застал, и ку бранью пенезей, которые пенези або предок его будеть на тую реч взял, и ку праву его позвал, а перед правом суму пенезей водле запису своего положил; таковые пенези отдавши реч свою маеть взяти, а тот, которій на чужую реч большую суму даеть, на истцы нехай того собе смотрит, што бедеть на звыш первое сумы дал.
АРТЫКУЛ 14
Кождая застава давности мети не можеть.Хочем теж мети и уставуем, абы кождая застава давности земское не мела; и вольно будеть всякому дедичу, отложивши перед правом пенези, дедицтва своего дойти, так за правом своим прирожоным яко кольвек и набытым.
АРТЫКУЛ 15
О одкладанью пенезей на заставу,Коли бы хто ииенье або иншую реч которую у пенезех заставил на рок мененый, и хотел бы пенези ёго на року ему отдати, а заставу к собе взяти, а не будеть ли хотел пенязей в его своих брати ани заставы еиу попустити, а позван бы был ку праву, абы пенязи свои взял, а он бы на року завитом не хотел стати; тогды жалобник перед правом пенязи маеть положыти, а вряд ему маеть дати увязанье во именье, и кождый заставу свою з уряду одержати маеть водле опису своего. Пакли бы оный, которій именье або которые оные речы заставным обычаем закупил, а на року позваном стал; тогды взявшые тые пенязи свое заставы, то есть именья лежачаго або рухомых речей, жалобнику маеть поступити водлуг запису своего и умовы, жадною давностью не отбываючи. Пакли бы такому заставил на рок; тогды естьли тот жыв, а рок пришол, а он на рок не выкупил; тогды он тую заставу маеть держати, аж до другого року не можеть окуповати водле запису на то даного. Нижли бы тот, хто заставил, умер свое заставы не выкупившы; а сын заставцы, або близкіе тогды того року не мають смотрети, але кгды будеть припозван, без року маеть тот пенези взяти а заставы поступити.
АРТЫКУЛ 16
Рок праву о заставную реч мает быти положон завитый.Хочем теж мети и уставуем то, иж кождый первый рок за позвы зложоный о кождую реч заставную маеть быти завитый под страченьем права; от которого часу позван будеть тот, который заставу держит, и от того часу не маеть большей за именей казати жадных доходов и пожитков брати, а што бы кольвек после положенья позву через возного з именья того взял, то все маеть при выкупанью именья ему вернути.
АРТЫКУЛ 17
Хто бы што запродал на рок.Теж если бы хто кому заставил рухомую реч на рок под страченьем, а коли бы рок пришол, а тот, хто заставил, не выкупил; тогды тот, хто закупил, оповедавшися вряду можеть тые речи обернути, кгды хочеть, ку своей потребе на вечность.
АРТЫКУЛ 18
О именье заставное, без року не окупати.Так теж именье если бы хто кому заставил на рок под страченьем на упад; тогды если бы рок пришол, а тот, хто заставил именье, на тот рок не мог выкупити; тогды тот, хто закупил, и по оном року врядовне обослати маеть ближних, а ближніе не могли бы по оном обосланью до году того именья окупити, тогды тот, хто закупил, по оном году, естьли такій не выкупить, маеть вечне держати.
АРТЫКУЛ 19
О отнятье именья заставного.Теж уставуем, естьли бы хто заставил кому именье або люди в которой суме пенезей на рок, и засе пенезей не заплатившы тое именье або люди, што будеть заставил, в него отнял до року; тогды тому маеть кгвалту платити дванадцать рублей грошей и заруки в листе описаные, а колько будеть до року тые люди, колко их заставит, не робили, за кождый тыж день маеть навезки платити за службу суполную по шести грошей, а люди предся маеть пустити. А если бы один другого заставил люди або землю, а стороны пришедшы бы хто третій тые люди отнял; тогды кому то отнято будеть, ли не всхочеть ли позвати от кого ему кривда, тогды маеть позвати оного, хто заставил, а он с права будеть повинен ему, хто заставил, очищати, а не чищит ли, ино так можными людьми землями маеть то нагородити, або и самого истца не будеть, ли тогды только с тое заставы маеть доходити на том, хто заставу в него отыймуеть.
АРТЫКУЛ 20
О реч рухомую в заставе.Уставуем, коли бы хто кому заставил в суме пенезей якую колвек реч рухомую, кром дедицства лежачого, на рок, а тот бы маючы заставу припозвал того, абы заставу свою выкупил, а он бы с тое заставы окупити не хотел; тогды вряд маеть ему дозволити и допустити тые речы рухомые продати, и што бы звышей на той заставе на одну суму его превышало, тогды тое, што будеть назвыш, маеть оному, чія то застава была, вернути. А где бы без року тая застава запроДана; тогды вряд маеть рок положити чотыри недели, и на которій маеть выкупити заставу свою, а не выкупить ли на оный рок, тогды по оному року под тым же способом, яко вышей описано, мають о тую ся заставу росправити.
АРТЫКУЛ 21
Хто бы кому заставил коня або вола без року.Уставуем, если бы хто кому заставил коня або вола без року або и на рок, а в том часе оное заставы конь альбо вол здохнет без причины ображеня, иж робечы им не порвал, або голодом не вморил; тогды такового коня або вола платити не повинен, тому скуру показати, и тые пенези в чом был закупил, тратит.
АРТЫКУЛ 22
О речах заставных, што вы згинуло в чіем схованью.Уставуем, хто бы мел речи в себе якіе кольвек рухомые в заставе або у схованью, а тые бы речи были сполу у в одном кгмаху з речьми домоваго господаря, и с пригоды огнем погорело або покрадены, а он бы то вряду, под которым седить, тогды ж оповедал, и к тому будеть ли еще при тых и властивое маетности его што выкрадено або сгорело; тогды маеть на том сам присегнути, иж оных речей не користил, и ничого ку пожитку своему не обернул, за таковым отприсяженьем маеть быти волен. А пакли бы поведал, же толко того речы, хто дал ховати, сгорели або покрадены, а его самого господаря домового целы; таковый тые речы вси повинен будеть оному вернути або заплатити, а естли в суме пенезей заставлено, ино пенези взяти, а тые речи предсе вернути, на што слушный довод учинит. Так теж если бы хто у кого зложил в склепе або у яком схованью речы своее и замкнул, а домовый господарь тые речи в небытности его рушыл, або и на иншое местце перенес, а в том бы се шкода стала; тогды тот, хто рушил, маеть тую всю шкоду платити за слушным доводом або присегою оного шкодного.
АРТЫКУЛ 23
О заповеданью речей рухомых чужих.Уставуем, кгды бы хто свое речы дал в схованье кому, а иншій з стороны доведавшися о тых речах в захованью приповедался, иж тот и тые, хто тые речы зложил, винен ему албо должен; тогды господар маеть тые речы у себе мети, а их не выдавати до росправы. А естли бы их хто заповедал, хотел отехать проч, тот маеть на местце свое перед судом прокуратора встановити, который в небытности его будеть оного долгу доходити; пакли бы сам ехал, а прокуратора не зоставил, ино тые речы, которые заповедал, мають оному выданы быти, чіи суть, а в том господар домовый никоторое трудности ани шкоды меть не маеть.
АРТЫКУЛ 24
О листы на долги на именья и на заставы згинулые.Теж уставуем, кому бы листы на долги и на заставы на именья згинулые где кольвек на дорозе от огню або от воды и яким кольвек обычаем стороны, а тот, кому листы тые належали, которого ж часу по оной згубе перед нами Господарем або перед врядом оповедал и записати дал, а потом пришло бы ку праву; тогды тот, хто листы стратил або кому тые листы прислухають и належать, маеть довести людьми добрыми веры годными, которые листы видели и их сведомы, а потом сам и з сведками, колько их можеть мети, на том прысегнути маеть, иж таковые листы страчоны, а кгды того доведет людьми добрыми и присегою своею, маеть оную реч, на што листы згинули одержати.
АРТЫКУЛ 25
Як много без листу вызнаного маеть позычити.Уставуем, иж кождый шляхтич мещанин нихто иншій не маеть без листу вызнаного болш позычити десети коп грошей; а если дал большую суму, а листу вызнаного на то не мел, тогды тот, хто больш дал без листу вызнаного, пенези тратитит, а тот, который позычил, не повинен больш платити только десеть коп грошей и то за присегою оного, хто на нем тых пенезей доходит.
АРТЫКУЛ 26
О позычках купецских.Теж купцы мещане жидове не шляхта реистрами, окром записанья до книг або церокграфов, долгов никоторых доходити не могуть. А ведьже хто бы хотел до листов печати прикладати, тогды до всяких листов на заочную просьбу ани теж написанье листов на заочную просьбу печати прикладаны быти не мають, кром устное и очевистое прозбы, маючи певную ведомость, што на тых листех записных будеть написано.
РОЗДЕЛ ОСМЫЙ О ТЕСТАМЕНЬТЕХ
АРТЫКУЛ 1
Хто можеть и не можеть о речах своих рухомых тестамент чинити.Уставуем, иж кождый маеть мети моц о речах своих рухомых тестамент чинити, кром тых парсун нижей описаных, которые парсуны иж подле права не мають ничого вольного, для того тестаментом никому ничого отдати не могуть: наипервей дети лет зуполных не маючіе, законники будучи в законе не привильеваном, принемши и потвердившися в законе, сынове з отцем недельные окром речей набытья своего властного або выслуг, бо теж в чужую моц поданые, то ест тот кого бы кому выдано з его статки, шаленые, кацеры, невольники, от розуму отходячіе, а ведьже тые, коли к собе прійдуть, моцны тестамент свой чинити, так теж и чти отсужоные не могуть тестаментов чинити.
АРТЫКУЛ 2
О тестаментех на речи рухомые на именя набытые, як мают чинены быти.Коли бы хто на речы рухомые або на именье набытое хотел тестамент чинити; тогды таковый будь здоров або фор, коли бы только был при доброй памети, моцом будеть речы свое и именье набытое таковое отказовати, кому хочеть так духовным парсунам яко и свецким, призвавшы к тому вряд земскій судью подсудка писара каплана, а где бы вряду иети не мог, ино перед трема сведками веры годными можеть тестамент чинити. А коли сам потом умрет, а тую волю свою остатнюю смертью потвердить, хотя бы и печати не приложил; таковый тестамент маеть при моцы зостати, только бы по смерти его не омешкали тестаменту перед нами Господарем або перед врядом земским оповедати на рокох першых судовых. Пакли бы хто учиненью тестаменту жив зостал, вольно таковому тестамент свой колько кроть хочеть отменити, а остаточный тых двох тестаментов смертью потвержоный врядовне учиненый в кождого права при моцы зостати маеть. А именье набытое тестаментом яко рухомую реч кождый можеть записати, коли хочеть, нижли хтобы хотел именье набытое на церковь записати маеть тым обычаем: которые кольвек духовные будуть тое именье держати, мають с того именья службу земскую служити конно збройно водле уставы и уфалы земское. И вже от того часу уставуем, хто записал именье на костел, тогды с того именья потомуж маеть быть служба, яко и первей бывало. А а ведже тые сведки, которые при справованью тестаментов бывають, мають в собе слова, которые слышать от того, хто тестамент чинить, правдиве до тестаменту казати вписовати и выразити значне без кождого охиленья, теж и тот, хто тестамент чинить, маеть меновите кождую реч у тестаменте докладати.
АРТЫКУЛ 3
О сведках, которые мають быти при справованью тестаментов.Теж уставуем, при тестаменте мають быти три сведки веры годных и неподойзреных, про то тые сведки нижей менованые быти не мають: наипервей тые, которые тестаментов своих чынити не годни, теж невесты и екзекуторове або опекунове того тестаменту, так теж и тые, которым в том тестаменте што будеть описано. А ведже если бы ся приходило кому тестамент на войне и в дорозе и в дому а у пригоде, або не могли бы трех сведков мети; тогды колко можеть быти, только бы веры годни, а при таковых можеть тестамент чынен быти, нижли скоро по вчыненью маеть тот тестамент обявлен быти перед нами Господарем або перед судом земским на первых рокох судовых, а на войне перед гетманом альбо хоружым поветовым, а тые сведки присегою своею мають тот тестамент потвердити. А трафит ли ся таковый тестамент чынити в чужія земли; тогды тестамент маеть быти обявен перед тым врядом, где ся пригодить, а пріехавшы до того панства и вказавшы от оного вряду выпис, предсе маеть перед врядом земским оповедати, яко вышей описано.
АРТЫКУЛ 4
Ни хто не можеть невольнику своему ничого записати, вольным не вчынившы.Уставуем, иж кождый якого кольвек стану невольнику своему, не вчинившы его на перед вольным, ничого тестаментом записати не может, абы его первей вольным учинил. А ведьже тестаментом иж каждым листом явным может невольника своего вольным учынити, а учинившы, тым же тестаментом можеть ему што рухомого водле воли своее записати.
АРТЫКУЛ 5
Кождый слуга путный и мещанин мгст неупривилеваных, и теж человек простый як мает тестамент чынити.Уставуем, иж кождый с таковых людей волен тестамент чынити о речы свое рухомые и описати третюю часть маетности своее всее кому хочеть, а две части тых же рухомых речей маетьзоставити дитяти в дому своем, для отслугованя с тое земли свое, на которой седить; а не будеть ли мети детей ино предсе тые две части маетности его маеть зостати в дому его ку службе оного пана, на чыей земли седить. А естли бы дети будучи вольные, а хотели проч пойти, тогды тую две части маетности вземшы мають пойти проч, только землю мають пану своему подати и с жытом засеяным и с хоромами с тым всим, с чым будеть тую землю пана своего на службу взял.
АРТЫКУЛ 6
Если бы тестамент в чом не был достаточнесправован.Коли бы в котором тестаменте яким незначным або яким закрытым письмом который артыкул в нем был написан, або теж на местцу значном або на дате было скробано, тогды таковый тестамент маеть быти никчемный; а где бы на местцу мало потребном было скробано не ку шкоде стороне, тогды шкодить не можеть. Так теж хто бы хотел бурить тестамент, а если бы в в одном або в кольку артыкулех был нарушон, а иные вси порядне водле статуту справлены; тогды одным або колько артыкулов всего тестаменту касовать не можеть. Так теж о записех всяких на кождую реч розумено и сужено быти маеть.
АРТЫКУЛ 7
Причыны для которое отец сына можеть от именей выделити або отдалити.Уставуем иж с причин тых, где сын кгвалтовну руку поднесет на родичов, альбо именье за жывота з рук отцовских кгвалтовне отыйметь. Другая кгды значную кривду вчынить родичу, альбо которым обычаем на горло стоит. Третяя кгды сын або девка правне не для Речы Посполитое а зе злостью або з ненависти стоит на горло родичу або матце. Четвертая кгды час потребы рукоемства, або взятья з везенья, ку постановенью своей руки на рок в речы, кгды идет о горло отцу або которому кольвек, реч отмовял або зборонялсе взяти. Пятая кгды девка нерядные учынки чынить, чыстость свою ображаючы, а родичы малженства и вена ее не забороняли, а в той нерядности перед леты двадцатма и петма в малженство не пошла, а нерядности своее уживати хотела; тогды родичове могут от именья выдедичыть, а то для того, аж их послушна быть и в малженство пойти не хотела. Шестая кгды родичов опущают взешстью розумов их. Семая коли бы родичов в непріятельских руках будучых окупити або чым иншым вызволити не хотели, маючы именье и маетность в руках своих. Осмая кгды упорне кацерства не следують, або ку вере Хрестіянской пристать не хотят. А ведже и за тыми причынами первей жадных записом а ни тестаментом выдедичити не можеть, иж бы тые причыны або которою з них перед врядом оповедал и до книг записал.
АРТЫКУЛ 8
О человеку слепом.Если бы се теж пригодило человеку слепому тестамент чынити, таковый при тестаменте своем маеть мет осм сведков а не мней, при таковых сведкох тестамент подле права справованый маеть быти и за слушный принят.
РОЗДЕЛ ДЕВЯТЫЙ О ПРАВАХ ЗЕМСКИХ
АРТЫКУЛ 1
О отнятье именей в границах.Уставуем, еслибы которые княжата, панове бискупове закону Рымского так и Греческого, и кнегини панни, вдовы, и земяне мели именья люди и земли ловы и лесы озера и бобровые гоны у границах або иежах; а хотел бы один другого перешедши границу або межу в землю уступоватися, або люди и земли ловы и лесы озера и сеножати и бобровые гоны отнимати, хотечы его с того именья вытиснути; тогды мають з обу сторон по осмнадцати сведков перед правом поставити на кгрунте земляном, и кого найдуть судьи близшого ку доводу, тогды кождого стану вышеймененых маеть и з шестма сведками сам семый на своем кгрунте присегнуть.
АРТЫКУЛ 2
О рок завитый на землю выехат.Теж уставуем, иж рок ку граниченью и всякой копе судом положоный маеть быти завитыи, а про то через жадную причыну не маеть далей отложон быти, толко с тых причын, которые особливыми артыкулами суть описаны: мором, соймом вальным, службою нашою господарскою, то есть посельством або войною, и немоцю правдивою. И коли бы которая сторона кром тых причын не стала; тогды сторона за своим слушным врядовым доводом перед судом земским маеть речь свою одержати подле заведенья сведков присяглых, на местцу граничном постановеных, и присяги своей, и тым же реч свою маеть не вечность одержати. А естли бы перед тым роком был немоцон, маеть дати ведомост судьям и сутяжому, а суд маеть отложыти, поки он выздоровееть, а коли выздоровееть, мають его судьи листом обослати и рок зложыти; а он на другом року перед судом первей маеть присегнути на на том, иж справедливе был немоцон и для тое форобы на том року стати не мог. Также судья перед тым роком естли бы ся рознемог; тогды мають подсудок и писар на тот рок предся выехати и то судити и отправовати, а тот суд их маеть моцон быти яко бы и всих трех. Так теж кгды бы ся трафило о граниченье о реч важную вышей двадцати бочок земли; тогды судья або подсудок с писарем у повете, маючы при собе людей добрых, а тую землю обехавшы, справовати кончыти и ограничити мають.
АРТЫКУЛ 3
В сведецствежадного закону не мает быти кром Хрестіянского Рымского, Греческого закону.Теж уставуем, иж сведки о реч земскую и довод держаня земли, а так теж и о кождую реч, не мають у сведецтва припущоны быти жыдове а ни Татарове, одно Хрестіянского Рымского або Гречоского закону. И вшак же може с тыми Хрестіяны, которые бы патер умели и верою во единого Бога, на кождый год у плебанов або у попов своих на споведи бывали, тело Божое пріймовали, а в жадном подойзренью не бывали, а ни в поволаню у воколицы а ни фальшерстве, тые мають допущоны быти сведецства; а хотя бы и хрестіяне будь Рымского або Греческого закону, которые божего тела не пріймують, сведецства перед не мають допущоны быти.
АРТЫКУЛ 4
Хто бы кому сведки ганил.Коли бы хто своволне стороне поводовой сведки ганил, а он если бы подлуг права поставил осмнадцать сведков, а тот бы межы тыми осмнадцатма сведками не обрал шести веры годных, а оставлял хотечы им тым право конченя переказити, а тот яко поводовая сторона другими ся сведками не опатрил, мел бы тым на одном року завитом реч свою упустити; тогды таковый моцен маеть быти о тое наганенье сведков своих там же перед судьями первей очыщати. А коли судьи вызнають, иж ему тых сведков свовольне ганил и оставил, а они се выведут; тогды таковый оставуючы тых сведков, кождого зганеного водле стану повинен будеть навезати водле роду их, шляхтича яко шляхтича, холопа яко холопа, так яко бы его ранил.
АРТЫКУЛ 5
Коли бы хто сведков наганеных перед судом не очыстил.Коли бы хто тых же сведков перед тым судом своим зганеных всих не очыстил; тогды хто сведков наганить, а оные сведки зганеные не очыстилися, ино тые сведки которые не приганеные мають присегнути. А если бы з обудву сторон межы собою сведки одны другим наганили; тогды сведки тые на обедве стороны мають оставлены быти, а знову иншых сведков з обох сторон поставити мають неподойзреных, и межы тыми которые будуть годнейшіе, тые мають быти пріймованы, и сами з сведками присегати.
АРТЫКУЛ 6
О землю обрубную.Теж уставуем, естли которой стороне о землю обрубную довод права был сказан, тот сведков своих маеть подле обычаю права осмнадцати перед правом постановити, и як тот пан або земянин поколе с тыми сведками заведшы присягу вчынить, по толь маеть граница вделана быти. Нижли естли бы право мели о землю сумесную, а не в одном местце порозну, одна земля от другое в пол-мили або и далей; тогды на кождой таковой далекой межы маеть сведков особных мети, и на кождой межи сам и з шестма сведки повонин будеть присегнути, а тые сведки, которые на первой межи присегнуть, на другой межи того ж часу сведчыти и присегати не могут, окром тых земль которые туж понедалеку от себе, на таковые межи тых же сведков поставити и довод подле права чынити можеть.
АРТЫКУЛ 7
О рок завитый шест недел.Уставуем, абы на кождый кгрунт земляный от суду земского заочне рок не быд зложон, леч первей сторона жалобливая маеть перед суд земскій припозвати, а суд з очевистого мовенья маеть им обоим сторонам рок зложыти завитый за шесть недель, на который судья с подсудком и писарем мають выехавши, яко на року завитом мають справедливость чынити, а стороны обе две будуть повинни перед ими права достояти и сказанье пріймовати. А по сказанью будеть ли ся которой стороне видети з уближенем, тогды по сказанью мають выпис от суду земского вземшы до панов рад наших апелевать.
АРТЫКУЛ 8
Хто бы будучи урядником господарским, маючы именье в том повете, мел з штяхтичом право о землю.Тым теж обычаем если бы который урядник наш, маючы именье в том же повете державы своей, мел з которым шляхтичом копу вести; теды маеть справоватьсе о кгрунт земный, яко вышей описано, и маеть ставить осмнадцать сведков шляхту и иншых людей добрых веры годных, а не того уряаду присуду своего, але иншых посторонних, и так теж судьи мають гледеть листов границ знаков, а чыи будуть листы лепшые и границы, тая сторона маеть быти припущона ку доводу.
АРТЫКУЛ 9
Хто бы кому граниу або межу сказил.Коли бы шляхтич шляхтичу границу сказил, або огнем выжог, або вырубал кгвалтовне, або яко кольвек инак выказил, або копцы роскопал, або межу сказил, а было бы то на него переведено правом; тогды таковый маеть заплатити ображоному дванадцать рублев грошей, а суду земскому копу грошей, а за кождый копец скажоный три копе грошей. А естли бы шлихтич шляхтичу межу переорал; тогды за переоранье межи три рубли грошей и на суд земскій пол-копы грошей, а границу або межу через него скажоную маеть за се перед урядом направити по старому. А если бы холоп простый холопу то учынил; тогды за скаженье холопское межы рубль грошей. А пакли бы граница або межа здаласе ему ку кривде, ино маеть правом спирати а не кгвалтом.
АРТЫКУЛ 10
О лес сумесный и о проробки.Уставуем, если бы хто лес сумесный мел; тогды маеть кождый поля своего гледети и против себе проробки чинити, а от леса один другого не маеть заходити, и як зоткнутьсе топоры, тут маеть быти граница. А ведже естли бы один дуб был и большей проробил нижли другій, а оному се видела бы кривда, и потегнул его о то до права; тогды маеть быти выслано и осмотрено, и естьли будеть большей проробил, таковый маеть на тое местце лесу дати против проробков, хто больш проробил, хотя не так доброго як тот выробленый. А кгды оный сяберен его лесу только приробить яко оный, тогды иаеть у меру лихое и доброе поделити на полы; если бы оны с того лесу ему отвести, который большей приробил, ино маеть тые проробки свое, што будеть больш выробил, на полы або на ровные части, иле их будеть, розделити.
АРТЫКУЛ 11
О реки, где граничать.Теж где бы река граничыла, тогды кождый с берега своего маеть до половицы вжывати. А кгды бы река которая граничная на чый берег песок незначне сыплючы прибавок чынила, тот прибавок маеть быть того пана, чый берег ест; а естли бы река кгвалтом идучи инуды пошла, тогды старое речыще маеть быти предсе границою, а того речыща будеть ли в ней пожыток, так кождый с берега своего на половицы уживати маеть. А тая река граничная, которая инуды се обернеть, оба два береги того мають, чыим кгрунтом пойдеть. А естли хто реку прокопал умыслне ку шкоде суседу своему, и о то бы его ку праву позвал, и то бы на него перевел ведле права, тогды маеть оному право сказати; абы зась реку по старому загаиовал, и за то будеть повинен жалобливой стороне кгвалт дванадцать рублей платити, яко бы границу сказил, и вси шкоды, што в пожыткох тое речы шкодовал, з розсудку оправити маеть.
АРТЫКУЛ 12
Коли бы хто своим ставом иншый став або сеножати затопил.Теж уставуем, коли бы хто в дедизне сполную реку мел, то есть оба два бы береги мел и его были, а на ней став и млыны поставил, а суседній выше млын затопил своим ставом, хотя бы опосле збудовал был, а он поднемшы греблю затопил; тогды маеть возного з уряду взяти, а возным и сторонами маеть спустити воду, и што будеть шкоду учинил, тую шкоду затопленому оправити водлуг слушного доводу маеть. А естли бы сеножати затопил без воли того пана, чыя сеножать ест; тогды будеть ли его воля отмену взяти, а он маеть ему отмену дати, а пакли бы на то воли его не было, тогды он нехай воду потому держить, яко бы его сеножати шкоды не было и верхнего млына не затопил. Естли бы теж половицу реки мел, а присыпал греблю к чужому берегу або сеножать затопил без его дозволенья; тот тую греблю роскопати маеть и за то не повинен будеть кгвалту платити, бы нихто не маеть без дозволенья к чужому берегу греблю засыпати а ни ставу займовати.
АРТЫКУЛ 13
Хто бы на чыей земли посеял збоже, теж коли бы хотел сено косити альбо бы и покосил, як мает заповедати возным, абы не звозил до права.Уставуем, хто на чыей земли жыто посеет; тогды тот, хто свою землю менует, маеть взяти возного з уряду, в чыем повете се дееть, маеть запозвати под закладом на нас Господаря и на суд земскій, штобы он жыта не звозил и пожавшы поставил на той же земли до права, и рок положившы, маеть з обу сторон суд земскій вывести. А естли бы тот, хто заповедал, правом перевел, штож он тое жыто будеть сеял на его власной земли; тогды маеть быти ему так земли яко и оное жыто; а где бы тот через заповедь або заклад пожавшы оное жыто и звез проч, тогды маеть заклад заплатити и жыто з навезкою отдати. А если бы хто будеть на своей власной земли сеял, а он ему то заповедал, а тот правом не переведет, иж бы то земля его была; таковый заклад тот сам платит до скарбу нашого господарского и шкоды оному оправити маеть, то ест, если бы чые жыто за заповедью погнило. Або теж хто суд земкій вывел и на него наложыл, а то што жаловал не довел, тогды тое жыто маеть тому платити и тую шкоду оправити. А хто бы хотел через границу кому шкоду вчынити; тогды в таковых речах заклад маеть быти на нас Господара сто рублев грошей, а на державцу двадцать рублев грошей; а если бы о межах была заповедь, тогды заклад маеть быти на нас Господара дванадцать рублев грошей, а на державцу три рубли грошей, нижли заповедь жыту и сеножатем маеть трывати до Божьего нароженья.
АРТЫКУЛ 14
Хто бы земли в держанью был три годы, а другій правом не переконавшы жыто пожал, або жатое побрал, або бой учынил, або соху зрубал барону и колеса.Теж уставуем, иж коли бы хто которую землю держал в упокою три годы, а с покоем ее сеял або орал, а другій пришедшы на тое поле жыто пожал, або жатое побрал и вдарил самого або человека его, або которого кольвек стану, або соху колеса борону зрубал и сошники взял; таковый маеть платити кгвалт дванадцать рублей грошей, а если возмет без бою, то маеть шкоду платити з навезкою, коня конем вола волом навезати, а за соху десеть грошей, а за нароги дванадцать грошей, за колеса дванадцать грошей, за борону шесть грошей заплатити, а потом, кгды похочеть, держачого о тую землю маеть правом урядовне спирати. А если бы хто в кого отнимал, а другій того боронил, и в держанье не дал; тому маеть быть право, и хто в земли будеть винен, тот маеть шкоды и кгвалт оправити.
АРТЫКУЛ 15
О увезанье в именье за долги, або за иншую причыну, як се мають справовати.Уставуем, если бы от нас Господара был послан дворенин наш увезатисе в чые именье за суму пенезей, которая бы прислушала до скарбу нашого господарского, тогды тот посланец маеть пріехати до того именья, и вземшы з уряду земского або замкового возного и людей добрых шляхту, и оного именья людей всих маетности списати, один реестр дати до скарбу нашого, а другій до замку або до суду земского, а третій у себе маеть зоставити, для того абы в час помовки мел ся чим выправовати. Нижли естли бы што на ком было присужоно з выроку нашого або панов рад наших; тогды в таковой речи зи листы нашими маеть суд земскій увязанье дати, а где бы ся спротивлено суду земскому, ино замок ино повет маеть моцно увезати, пестерегаючи и заховываючися ведле того, яко о том вышей в розделе о судях ест написано.
АРТЫКУЛ 16
О именье, которое зволившыся дадут до рук наших господарских.Теж уставуем, иж коли бы обе две стороне зволившися и дали именье до рук наших господарских до росправы, а мы быхмо которому вряднику нашому господарскому або через листы наши або через увяжчого оное именье до води и науки нашое в держанье дали; тогды врядник волен будеть в том именью слушную жывность собе мети, а з двора индей ничого не маеть возити, але будеть повинен оное именье со всими речами рухомыми, так теж и з росходы часу держанья собраными, оной стороне, которой прислушаеть, верне а зуполне за листом нашим господарским отдати, и дозрети того, же в оном именью за держанья его жадная шкода и спустошенье не сталося. А естли бы тот врядник иначей чинил; повинен будеть оной стороне шкодной всю шкоду и згубу платити, а мы и потомки наши винни будем з ним той стороне справедливост учинити на первом року яко на завитом, а в небытности нашой ино панове рада наши.
АРТЫКУЛ 17
О именье нероздельное межи братьею.Теж уставуем, иж коли бы братья рожоная, альбо и и дальшая в роду нижли братья рожоная, лета зуполные маючи, мели которое именье суместное нероздельное, а потом перед правом собе зровнали и роспишавши поделили, або и поделившы и перед вряд пришедши сознали, або листы и реестры межи себе дали; тогды тот вжо дел промежку себе вечне держати мають, а хотя бы и не перед правом але перед сполными пріятельми своими также во именью собе дел учинили, а тот дел промежку себе давность земскую десеть год держали, таковый дел вжо за таковою давностью земскою мають промежку себе деражати. А если бы братья або кровные якій дел промежку себе хотя и мели, а перед врядом того делу своего сполечне не сознали, а листов або реестров делчих межи себе так и листов прислучаючих на то не розобрали; таковый дел за вечный держан быти не маеть, и никоторая давность шкодити не можеть, а то для того, же бы один на другого большей собе не привлащал части.
АРТЫКУЛ 18
У чужого человека не маеть нихто земли закуповати без воли пана его.Теж уставуем, иж не маеть жаден боярин а ни человек в чужого человека земли закуповати без воли пана своего; а естли бы хто в чужого человека без воли пана его закупив и што на ней посеял, тогды тое сеенье и пенези тратит. А тот человек, чія земля маеть без откладанья пенезей всю землю к своим рукам взяти; а он на том его, в которого будет землю закупил, и на поручнику, через чіи руки давал будеть, пенезей искати не маеть, для того иж он то учинил над тую уставу нашу. Также и чужого человека не маеть нихто закуповати без воли пана.
АРТЫКУЛ 19
Которые люди приходят на волю и заседевши волю втекають проч.Уставуем, коли бы человек вольный пришол за которого князя або пана и земенина, а сел на воли, а выседевши волю хотел проч засе пойти; тогды первей маеть заслужити тому пану своему только, колько на воли седел, тож пойти проч. А естли бы не хотел заслужити толькож; тогды маеть пенези заплатити на кождую неделю по шести грошей. А естли ж бы он, заседевши волю, втек за кого кольвек иного; тот за кого втечеть, маеть его ему выдати не мней яко отчича, пакли ж бы на обсыланье его того человека выдати не хотел, а тот человек потом от него втек проч, а то бы на него правом переведено, тогды за него маеть платити за кождую неделю, колко на воли седел а не робил, по шести грошей.
АРТЫКУЛ 20
О найденью скарбу захованого в земли або у яком поклаженю.Уставуем, коли бы ся трафило кому налезти в земли якій скарб, гроши, золото, серебро, або иншое яко се трафляеть находити; тогды естьли найдеть на своем кгрунте, маеть тому быти чій кгрунт, а естли бы на чіем иншом нашол, тогды половицу маеть тому дати, на чіей земли нашол, а половицу собе взяти, так теж и на заставной земли на полы розделити мають. Нижли хто бы умыслне на чужой земли кладу искал и нашол; тогды маеть што будеть найдено все тое отдати, чій кгрунт ест. А ведьже таковому найденью хтобы се знати не хотел, тогды ку праву притягивати ани ку присязе его примушати не маеть.
АРТЫКУЛ 21
О портех водных и о товарех стонулых на водах.Кгды бы ся трафило, водным путем везучи якіе товары с прыгоды судно се розбило, або стонуло при чіем кольвек берегу; тогды оный товар стонулый купец або хто кольвек маеть добровольне з воды выбирати и на берег выносити, а врядники наши князи и панове и их врядники земяне и люди простые, и чій кольвек берег есть, не мають от того ничого брати. А хто бы хотел в том оным стонулым трудность задавати; тогды тот будеть повинен всю шкоду, што будеть на том шкодовати, совито оправити.
АРТЫКУЛ 22
О дорогах старовечных.Уставуем, иж дороги звечные мають быти водле стародавного обычаю так широки, абы два воз форманских розминулися, а воз порожній маеть уступити возу наложоному, пешій ездному, возовому ездный, естли бы тесна дорога была яко у местех, або естьли бы хто перед непріятелем утекал, тогды воз застановеный маеть быти, аж обминуеть. А часу зимнего кгды снег бывает велкиій, мають поткавшися дорогою половицы делити, а один другого спихати не маеть с дороги. А ведьже на том сойме з росправы господарское его милость придати рачил уряд подкоморого ку тым справам судов земляных, а то для большое и поспешнейшое отправы в справедливости людской, про то што суд земскій мел отправовати ведле артыкулов урядовных вышей описаных в том статуте.
РОЗДЕЛ ДЕСЯТЫЙ. О ЛОВЫ О ПУЩУ И О ДЕРЕВО БОРТНОЕ
АРТЫКУЛ 1
О ловы о пущу, хто бы их половил.Уставуем, хто бы чіе ловы кгвалтом половил; тогды тому, у чіей пущи будеть половил, мает кгвалт заплатити дванадцать рублев грошей, а зверу, колко будеть половил, ценою яко нижей описано маеть платити. А естли бы хто стрельцов послал в чужую пущу, або сам украдом зверь побил; тогды, если будеть то на него слушным доводом переведено, колко зверу убито, таковый маеть за кождого звера платити потомуж, яко нижей написано. А естли бы стрельца поймано над зверем убитым; таковый маеть быти веден до вряду нашого до замку альбо двора того повету, и перед врядом за доводом слушньш або присегою пана оного стрельца або его врядника, обославши и рок слушный ознаймивши, маеть сказан быти на смерть яко иншій злодей. А естли бы хто застрелил або ранил звера у своей земли, а тот звер ушол бы в чужую землю, а там его дошедши вольно будеть взяти. А ведь же кгды бы зверь пришол вь лес панскій земянскій, где перед тым ловы не бывали, тогды кождому вольно на своей земли зверь ловити.
АРТЫКУЛ 2
Цена зверем диким.Уставуем цену зверем диким: за зубра дванадцать рублев грошей, за лося шесть рублев грошей, за оленя або за ланю шесть рублев грошей, за медведя три рубли грошей, за вепря або за свинью рубль грошей, за сарну копу грошей, за рись три рубли грошей.
АРТЫКУЛ 3
О борти и озера и сеножати, хто маеть в чіей пущи.Теж уставуем, которые мають борти свои в пущи нашой господарской, або теж князской, панской земянской, которим обычаем мають бортей своих уживати, а то тым же обычаем: хто маеть борти свои або озера сеножати альбо при сеножатех лазни в чіей пущи, тогды к озеру з неводом ехати вольно, а собаки ему не брати ани рогатины ани жадное стрельбы, чим бы мел зверу шкоду чинити; а хто маеть сеножати в чіей пущи, тот маеть сеножатей своих старих уживати, а новых не маеть приробливати, а естли бы старые сеножати заросли, то можеть их собе засе ростеребити; а хто теж маеть борти в чіей пущи, бортники, которые мають уходити к их бортям, не мають з собою псов брати ани рогатин ани жадное стрельбы, чим бы мел зверу шкоду вчинити, але бортники только мають мети секиру а пешню, чим борти робити; а к сеножатем ити только мають мети секиру, чим ростеребливати заросли, а косу чим косити ее. А ведьже тым которые озера мають в чіей пущи, кгды пріедут зиме озера волочити, вольно им дров с тое пущи к лазням своим взяти и корита на рибу выделати; а тым, которые сеножати мають, вольно на стырту або на стог або одрину вчинити альбо огородити; а бортником вольно на лезиво лык або лубя на лазамен и на иншіе потребы бортницкіе, што бортником на потребы бортницкіе прислушаеть, иле им потреба будеть взяти, што можеть на собе знести а не возом вывести. А кгды дерево, в котором борть их будеть, обвалится, со пчолами або без пчол, вольно им з бортью улей выпустити и вывезти, а верховье и корень оставити в пущи тому пану, чія пуща будеть, а дерево на будонанье и дров за тыми их входы нихто з чужое пущи брати не маеть. Нижли хто маеть здавна озера сеножати и борти в чіей пущи; тогды озер сеножатьми в чужой пущи взяти не может; а тот, в чіей пущи озера сеножати и борти будуть, также тых чужих входов у своей пущи отняти не может, а кгды пущу свою ростеребливати всхочеть, не маеть бортям и жадному дереву бортному жадное шкоды чинити. А естли хто ниву розробливаючы, чіе дерево бортное на борть уделаное скримленое або со псолами або и без пчол очер або пожаром попалил, шкоду которую тому дереву учинил, с чого бы мело тое дерево уснухути, тот тому, чіему дереву шкоду вчинил, за то повинен будеть платити подле уставы нашое нижей описаное. Кгды на чіем поли чужое дерево бортное будеть, тот орючи свое тое поле не маеть чужого дерева бортного близко подорювати так, як от сохи остиом дерева досегнути не можеть, а естли близко тое дерево подорет, а тое дерево для того усхнеть, тогды тот повинен будеть платити за тое дерево водле уставы нижей описаное.
АРТЫКУЛ 4
Хто бы чужое озеро в своей пущи поволочил.Уставуем, кгды бы озера чужіе у своей пущи хто поволочил; тогды маеть тому, чіе озеро будет, кгвалт платити и за рибу, на чом тот пан мети будет присегнути, што ему в рыбе будет шкоды стало, досыть маеть делати. Также естли хто чіи сеножати у своей пущи кгвалтом покосит, и вытискаючи его от его сеножатей бой учинить; тогды повинен будеть кгвалт платити дванадцать рублей грошей, а битых навезати, а естли бою не будеть, а хотечи сеножати чужіе покосити або кошоное погребет, тогды повинен будеть сено з навезкою платити.
АРТЫКУЛ 5
Хто бы застал чіего человека у своей пущи и пограбил.Коли бы хто у своей пущи застал человека, рубаючы альбо везучы дерево, и пограбил; тогды за тот грабеж не повинен навезати, нижли маеть того человека пану и грабеж на рукоимство выдати и до пущи и до пана вести, где пограбил, а на нем шкоды своее доводить. А естли шкоды своее на нем доведуть, тот маеть шкоду ему оправити, а естли бы в пущи ему от него шкоды не стало, а он безвинно его пограбил, тот маеть человеку пограбленаго самого и грабеж навезати.
АРТЫКУЛ 6
Хто бы мел спор о борти або о входы в пущы.Теж уставуем, хто бы мел спор о борти и о входы в пущы, а хотел хто кого от бортей и от входов спирати, яко бы хто чіе кольвек борти або уходы завел в чужіе руки, яко того много се дееть межи мужиков, и пчолы для недостатку дани продает, альбо дочце даеть зятю дерево со пчолами в чужіе села, а тым забираньем свар и невпокой межи сеседи деется, и оные на тые пчолы на дерева знаменья свои наложивши за тым знаменьем новым вход в тую пущу мети будуть, а зася того першого, хто бы первей был тых входов в держанью, витискал, а спор о том был; тогды маеть суд знамен у дереве казати заколоти, и чіе старшое и врослешое знаме будеть, тому борти и входы сказати мають, а тые, хто будет ново знаменя свои в чужій остров внесли, не мають се у тое уступовати. И вжо от того часу хто бы с подданых наших князских панских и земянских дерево бортное за границу панов своих отдавал даровал и яким кольвек обычаем в чужіе руки заводил, таковый маеть горлом каран быти, а тое дерево засе тому пану маеть быти превернено, чіе первей было.
АРТЫКУЛ 7
Хто бы кому озеро або став або сажовку зволочил або млын изжог.Теж уставем, естли бы хто кому озеро або сажовку або став зволочил, або млын зжогь, ез порубал; таковый оному маеть платити кгвалт дванадцать рублев, а шкоду предсе оправити. А пакли бы млын сказил або греблю перекопал або млын изжогь, а в том бы оный шкодовал, иж млын стоял, а плату ему не было, або теж став спустил, на што слулшный довод учинит або присегою телесною потвердит; таковый маеть платити кгвалт дванадцать рублей грошей, а шкоды або замешканье млива за слушным доводом оправити, а млын будеть скаженый, знову будовати.
АРТЫКУЛ 8
О гнездо соколье и лебединое и о перевес.Уставуем, хто бы кому гнездо соколье сказил, або подрубал, або умыслне сокола под гнездом помкнул, або з гнезда соколы молодые покрал, а то будеть на него ведле права слушне переведено; тогды тому, в чіей пущы тое гнездо скаженое, маеть заплатити шесть рублев грошей. А тым же обычаем хто бы лебединое гнездо яица побрал, або гнездо розметал; тогды за лебединое гнездо, хто бы его сказил, маеть заплатити три рубли грошей, а хто бы перевес кому другому подрубал, а сеть перевесную украл, маеть заплатити шесть рублев грошей.
АРТЫКУЛ 9
О бобровые гоны.Теж уставуем, естли бы князскіе панскіе або земянскіе были гоны бобровые у в иншого соседа дедизне, а оный пан, в чіей дедизне будуть гоны, не маеть сам ани людем своем допустити от старого поля так далеко дооривати, яко бы от зеремени мог кіем докинути, также далеко сеножати подкашивати не маеть лозы теребити, яко бы мог от зеремени кіем докинути. А естли бы под зеременем подорал, або сеножать подкосил, або лозу подрубал, а тым бобра выгонил; таковый маеть платити дванадцать рублей грошей, а тому зеремени предсе маеть дати покой так далеко, яко бы мог кіем докинути. А пак ли бы хто кгвалтом бобры побил, або злодейским обычаем выкрал; таковый маеть кгвалт платити, а колко будеть бобров убил, тогды маеть платити за чорного бобра две копе грошей, за карого копу грошей.
АРТЫКУЛ 10
О хмелища.Хто бы кому хмелища поорал або порубал у чіей дедизне а то на него слушным доводом переведено будеть; таковый маеть кгвалт платити дванадцать рублей грошей, а если бы дерева не посек, толко хмель побрал, то маеть три рубли грошей заплатати.
АРТЫКУЛ 11
О принадах пташіих.Хто бы кому принады порубал, а то бы на него правом переведено; тот маеть тому заплатити, чіи принады, шесть рублей грошей.
АРТЫКУЛ 12
Хто бы кому принады злодейским обычаем показил.Теж хто бы чіи принады злодейским обычаем показил, а переведено бы то на него правом, тогды маеть заплатити тому, чіи принады, три рубли грошей. Тым же обычаем хто бы кому шатер на принадах украл; тот маеть заплатити три рубли грошей.
АРТЫКУЛ 13
Устава дереву бортному.Хто бы чужое дерево бортное со пчолами сосну або дуб обчер, або корень у земли обрубал, або пожаром обжог, або яко кольвек сказил; тот за тое дерево со пчелами повинен будеть кгвалт платити две копе грошей. А хто бы злодейским обычаем, або умыслне кого вытискаючи, сосну со пчолами зжог, або в которой пчолы бывали, знамена вырубал, або огнем выжог, а то бы на него переведено; тогды маеть тому пану чіе дерево со пчолами за сосну и за дуб, в котором пчолы бывали, две копе грошей, а за сосну бортную и за дуб, где еще пчолы не бывали, копу грошей, и за крем без борти, иле их сказил, по полкопы грошей.
АРТЫКУЛ 14
Цена пчолам,Хто бы кому пчолы выдрал не подлаживаючи, а дерева не сказил; тогды повинен будеть за кождые таковы пчолы заплатити две копе грошей. Хтобы в дому або и в пасеце пчолы выдрал, а дошли бы его купою або присегою; тогды маеть заплатити три грошей [44], окром естьли бы кого з лицом поймано, такового мають сказати яко злодея.
АРТЫКУЛ 15
О порубанью гаю.Теж хто бы кому в гаи зарощоном которую шкоду кгвалтом учинил або порубал, а естьли шляхтичу; тогды маеть заплатити тому кгвалт дванадцать рублей грошей, а шкоду оправити, а естьли бы мужик мужику кгвалтом порубал гай, тогды маеть заплатити три рубли грошей, а шкоду оправити. Пакли ж бы хто кому злодейским обычаем гай порубал, а его з лицом и с деревом поймано; тогды маеть откупити горло свое, естьли ж бы самого не поймано, а лице бы выпето, тогды за кождое дерево, которое бы се згодило на бервено яко селидбу так и на избу, по дванадцать грошей, а которое се будеть годити як на оглоблю, так и на дрова, по шести грошей.
АРТЫКУЛ 16
О покраденье саду.Теж хто бы шляхтичу сад скрал, а на него бы слушне переведено было и з лицом поймано, тот маеть заплатити дванадцать рублей грошей, а естли бы хто в саду дерево щепное порубал, або щеп выкопавши из саду взял, тот маеть заплатити три рубли грошей.
АРТЫКУЛ 17
О пожарах в пущи.Теж обачивши есмо в том шкоду земскую, иж которіе близко села одны с другими в суседстве, маючи вазнь межи собою, так теж люди переежчіе в пущах на станах своих и пастухи, пасучи кони и быдло в пущах на станах своих, пожар от станов своих пущают, а тым дереву бортному пчолам зверу и птахом шкоду великую чинят; уставуем на таковых, хто бы смыслне недбалством своим у пущи и в острове в дубровах огнем пожар пустил, будь суседи або пастухи межи собою, так теж и купцы люди перееждчіе, а стоявши на пущи станом огню на стане своем не загасили, таковый, на кого слушне правом будеть переведено, маеть горлом каран быти, а шкоду з маетности его платити.
РОЗДЕЛ ОДИНАДЦАТЫЙ. О КГВАЛТЕХ И О ГОЛОВЩЫЗНАХ ШЛЯХЕЦСКИХ
АРТЫКУЛ 1
Хто бы на чіи дом або на господу умысльненаехал, хотечи его забити.Хто бы на чій дом а господу умыслне наехал, хотечи его забити, а умыслне наехавши або нашедши, в том дому кого кольвек ранил або забил, а то бы на него переведено было слушным доводом; таковый горло тратит, а головщизна близким з именья плачона быти маеть. А естьли бы кгвалтом наехал або на дом нашол, а никого не ранил а ни забил, а знаки предсе кгвалту або шкоду якую учинил; тогды только за кгвалт будеть повинен платити дванадцать рублей грошей и шкоду оправити за слушным доводом, а горла для нахоженья кгвалту не тратить. Тым же теж обычаем естьли хто кому в месте на господу нашол кгвалтовне, а кого забил або ранил и тым покой посполитый взрушил, маеть быти сужон и сказан на горло.
АТРЫКУЛ 2
О довод кгвалту, як мают осведчати и обжаловати.Уставуем, кгды бы хто на кого наехал кгвалтом и забил, а ведь же на такового кгвалтовника такій довод маеть быти: естьли бы на чый дом або на господу чью наехал и забил кого; тогды скоро по оном кгвалте того ж часу кгвалт и того забитого маеть оповедати и оказати околичным суседом своим, а в небытности их ино врядникам их шляхте людем добрым, а в недостатку шляхты ино также околичным суседом своим, хотя и не шляхте только людем добрым веры годным маеть оказати, а потом обжаловати вряду замковому або двору нашому, которій близшій будеть, и возного взяти и так же оказати кгвалт и забитого, и тот кгвалт и жалобу в книги записати. И в праве естлибы се ку оному кгвалту и забитому не знал; тогды вжо тот жалобник близшій будеть того суседи околичными и возным або выписом врядовьш на него доводити, и при том доводе самотреть и з шляхтичами собе ровными присегнути, а естлти бы на тот час не могли мети шляхтичов ку доводу, тогды и з жоною своею и с детьми дорослыми, а не будеть ли мети детей дорослых, ино и з жоною и з слугами домовыми маеть того кгвалтовника поприсегнути, а кгды присягнеть, тогды тогь горло тратить, а головщина его близким того забитого маеть быти плачона, а шкоду за слушным доводом. А естли бы кгвалтом на дом наехал и не забил, только ранил; тогды также маеть тот кгвалт оповедати и раны оказати околичными суседьми, яко вышей описано, и при таковом доводе оного вгвалтовника кгвалту и ранного маеть сам сем з людьми добрыми шляхтою поприсегнути, а кгды присягнеть, таковый кгвалтовник маеть быти горлом каран, нижли естьли бы сполна шести сведков не мел, тогды и с трема сведки самочварт присегнути маеть, а кгвалтовник за таковым незуполным доводом горла не тратит, одно кгвалту дванадцать рублей грошей, а навезку водле стану и шкоду за доводом маеть платити, а за вину дванадцать недель в везенью седети. Пакли бы на том доводе своем устал, тогды только сам ранный на ранах своих присегнути маеть, которому по присязе его навезка будеть сказана, а кгвалт и шкоды не мають быти сказаны. А где бы на оном кгвалте в дому никого не забито ани ранено, только одно шкода учинена; таковый кгвалт также маеть быти осведчон, яко вышей описано, а при том доводе у праве на кгвалтовника маеть тым же обычаем на кгвалте и на шкодах самотрет присегнути, а кгды присягнеть, маеть быти кгвалт плачон дванадцать рублев грошей, и шкоды оправити за доводом его, а горла не тратит, а не будеть ли мети чим платити, а именье его тое бы шкоды и маетность не стояла, тогды у в остатку заплаты сам маеть быти выдан. А где бы тот, на чій дом наехал, чинил собе быти ровную шкоду о сорок або о петдесят коп грошей; то и з жоною и з детьми лет дорослыми на той шкоде присегнути маеть. А жоне детем забитого, а в недостатку их, ино кровным таким же обычаем маеть право ити, яко вышей описано.
АРТЫКУЛ 3
О кгвалт костела закону хрестіянского.Теж естьли бы хто пришедши кгвалтовне на костел або на цвинтару в школе, або в капланском поповском дому кого забил або ранил, а тые бы раны значны были; тогды под таковым же способом и доводом маеть быти каран, яко вышей о кгвалтовниках описано. А естьли бы только вдарил, а раны не было; тогды совито кгвалт маеть платити, то ест двадцать и чотыри рубли грошей, а оного вдаренаго навезати, и то все заплативши еще двадцать недель у везенью маеть седети в том повете, где ся то станет.
АРТЫКУЛ 4
О кгвалтовнику, который забивши з земли втечеть.Теж естьли бы таковый кгвалтовник забивши кого в дому в в господе на улицы на дорозе и где ж кольвек, будучи первей запозван хотя бы теж и заочне, втек из земли проч; тогды маеть первей быти выволан с того панства нашого, а потом головщызна и шкода маеть быти плачона з именей его. А где бы тое именье за головщизну и шкоду не стояло; однакож тое именье маеть быти в той головщизне и в шкодах подано детем того забитого або кревным, и мають держати потоль, поки аж того выволаного дети або кревные тую суму за оные именья отложать, нижли таковые дети або кревные тую суму мають откладати, которые того мужобойства не помогали. А естлибы по выволаню оного кгвалтовника або забойца налезен был в том панстве нашом; тогды и на том вряде, где будеть постижон, маеть быти каран яко кгвалтовник, а не будеть ли хто стояти або фалдровати, тогды вряд наш, маючы певную ведомость о том мужобойцы або кгвалтовнику, маеть также на том вряде своем поймавшы скарати, яко о том вышей описано. А в том часе ниж постижон и на вряде скаран будеть, трафить ли ся кому ж кольвек его забити, за такового выволанца забитье нихто головщизны платити не будеть повинен.
АРТЫКУЛ 5
Хтобы злочынцов, разбойников, злодеев явных, а людей выволаных, в себт в дому переховывал.Теж уставуем, хтобы с подданых наших господарских людей подойзреных злоцынцов разбойников явных выволанцов в дому або именю своем переховывал, маючы ведомост, ким которую раду помоч ку шкоде Речы Посполитой давал и чынил, або теж и речей злодейских ведомо пожывал, а то бы на него было переведено слушным правом; тогды таковый маеть быти горлом каран таковый и он злочынца, которого он в дому переховывал. А ведже жалобливая сторона за оным злочынцою або выволанцем, где бы о нем ведал хотя бы и в иншом повете того панства нашого, взявшы выпис з ураду маеть ехати и на оном вряде, так теж и в местех по торгох у костелех ознаймити, и цедулу написавшы, о его выволаню маеть поприбивати и о нем ознаймити. А чрез таковое оповеданье оного злочынцы або выволанца, а хто бы ведаючы и знаючи его ховал, также маеть каран быти яко вышей описано и шкода з именья его плачона за слушным доводом, а довод на такового не инакшій маеть быти, одно таковый як на самого злочинцу, а естлибы поведал, иж бы его не ведал и не знал, тогды тое неведомости маеть отприсягнути.
АРТЫКУЛ 6
Хто бы забил кгвалтовника в дому своем и помочников его.Теж уставуем, хтобы на чій дом або на господу кгвалтом наехал або нашол, а тоть господарь домовый также и гость, который в дому его том або господе стоить, оного кгвалтовника самого або помочников его боронечи дому своего забил; тогды скоро по оном кгвалте маеть суседом своим околичным обволати и оповедати, и того ж часу до вряду нашого, который будеть наблизшій, ехати або слати, из уряду взявшы возного и сторону людей добрых шляхту а инших суседов веры годных, оный кгвалт и забитого кгвалтовника в дому своем сказати. А потом кгды будет о тые забитые обвинен; тогды за оказаньем слушным знаков кгвалту маеть з жоною и с детьми дорослыми и с тремя шляхтичи собе ровными, а не будеть ли мети жоны або детей, ино с тыми трема шляхтичома собе ровными предсе маеть присегнути и тым ся отвести на том, иж тот забитый кгвалтом наехал або нашол, а сталося за початком того забитого. А естли бы только ранил, а не забил; тогды сам один пан домовый маеть присегнути, иж яко кгвалтовника вх дому своем ранил, таковый головщизны ран и ни шкод никоторых платити не будеть повинен.
АРТЫКУЛ 7
Хтобы наехал або нашол на чужое именье або на село кгвалтом, а в том боронечи кгрунту своего кого забил.Теж уставуем, которому бы шляхтичу шляхтич або хтож кольвек умыслне на чіе именье кгвалтом наехал або нашол, кгвалт або якую значную шкоду учинил, а тот шляхтич боронечи именья своего оного кгвалтовника забил; тогды маеть тым же способом, яко вышей о кгвалтовниках написано, присегою своею отвестися, и кгды присегою ся отведет, иж его яко кгвалтовника на своей земли забил, такового головщизны ани шкод платити не будеть повинен.
АРТЫКУЛ 8
О кгвалт девки и невесты.Теж уставуем, хтобы девку або учтивую невесту якого кольвек стану сильством зкгвалтил, а оная девка або невеста за оным учинком волала кгвалту, за которым воланьем люде бы прибегли, знак кгвалту оказала а потом бы оного ку праву притегнула, а двема або трема сведки кгвалт пересведчила, а ку тому при оных сведкох на том кгвалте своем на того присегнула; тогды таковый маеть быти каран горлом, а навезка маеть быти з именья его водле стану, якого будеть, плачона. Пакли бы оная девка або невеста кгвалту волала, а люди оные слышели, нижли на кгвалт не прибегли, а ведже по оном кгвалте скоро бы пущона была, а оповедалася тым людем, и зась оного ку праву притегиула, а тыми людми осведчила; тым же обычаем каран маеть быти, яко вышей описано, а естли бы похотела его собе за мужа мети, то будеть на ее воли.
АРТЫКУЛ 9
О кгвалтовное взятье в малженство девки вдовы и каждое невесты.Уставуем, хто бы без воли отца и матки стрыев або близких на яком кольвек местцу взял кого с тых вышеймененых кгвалтом, менуючы иж бы ему в малженство его шлюбила, а то бы пришло до нас Господара або перед панов рад наших и перед кождый вряд; таковая персуна маеть первей быти взята до секвестру. И кгды то покажет с права, же яко пріятель кревных так теж и ее самое на то позволенья не было; тогды тот хто се того важыл, маеть горлом каран быти, а за навезку третяя часть всего именья его маеть спасти на тую парсуну кгвалтом взятую, а шкоды, которые се будуть при том кгвалте стали, за доводомть на двох частех того ж именья его маеть быти сказано. Нижли естли бы девка, укривши то перед родичами своими, на тое малженство и на взятье позволила и на праве се того знала; тогды таковая девка отпадываеть оть выправы и от всих именей своих отчизных и материстых, яко о том вышей написано в розделе пятом.
АРТЫКУЛ 10
О мужу и жонео замордованье до смерти.Теж кгды бы з ненависти и з немилости на обедве стороне, так муж яко и жона, будучи в ростырку з яких кольвек причин, один другого приправил о горло, замордовал, або струл; такое окрутенство и замордованье сынове або кревные то мают до вряду оповедати и обжаловати або фалдровати на кождого такового мордера. А хотя бы сынове або кровные не хотели фалдровати; тогды вряд наш з местца своего маеть того особливе перестерагать и с пильностію около того выведати, и у в околичных суседов близких о того замордованого опыт чинити, и обобравши семи шляхтичов ку присезе припустити, которые о том под присегою справедливе мають того перед врядом поведити. И кгды тая сем шляхтичов о того замордованого, на кого присягнут; таковый мордер без маеть быти каран горлом тым способом, яко бы отца имилости матку забил.
АРТЫКУЛ 11
О похвалку за которою бы ся стала якая шкода и отповедь на горло.Теж если бы хто на кого похвалился, в похвалце сталася шкода, спалено дом, двор, гумно, або збоже зложоное, або теж што кольвек огнем ускажоно; нижли бы ся тая шкода стала, маеть первей жалобливая сторона тую похвалку его того ж часу на вряде нашом оповедати и записати, а потом без мешканья его припозвати маеть. А естли бы ся перед врядом признал, иж тую похвалку учинил, або и не знал, а было бы то на него слушне переведено; тогды маеть быти дан за поруку. А естли бы потом оной стороне жалобливой шкода стала, а тот бы, на него хто ся похвалил, позвавши ку праву сам и с жоною и с детьми дорослыми на шкоде своей, иж от него маеть, поприсегнул с с таким доводом, яко вышей о кгвалтех домовых описано; таковый будеть повинен стороне жалобливой оную шкоду оправити и платити, а собе винного искати, хто тую шкоду учинил. Тым же обычаем и не шляхтичи против шляхты у права заховани быти мають. А хто бы теж на кого учинил похвалку, отповедаючи на горло, ино сторона жалобливая тым же способом мають тую похвалку перед врядом оповедати и дати записати, и притягнувши ку праву тую похвалку людьми добрыми веры годными шляхтою трема сведками то на него перевел; тогды так оселый яко и не оселый для лепшое безпечности покою посполитого маеть быти дан за доброе рукоемство людем оселым. Кгды бы за таковою похвалкою забито, того на кого ся похвалил, такового поручники перед врядом мають поставити, а сторона жалобливая самотреть з шляхтою естли присягнет, иж от него то забойство сталося; тот горлом маеть быти каран, а головщизна близким з именья его маеть быти плачона. А где бы рукоемства о тую похвалку дати не хотел; ино вряд такового маеть дати до везенья замкового, и до того часу маеть седети, аж рукоемство даст. А пакли бы поручник того, по ком ручил, перед врадом не постановил; тогды маеть головщизну сам кровным платити, а у везенью так долго седети, аж тот, по ком ручил, пріехавши ис такового обвиненья выправится, або, естли будеть винен, заплату свою озмет.
АРТЫКУЛ 12
Естли бы колко парсун шляхецских о забитье одного шляхтича обвинено было.Уставуем, естьли колко парсун об одного шляхтича забитье было обвинено, а сторона жалобливая не вызволяючи ни от кого з них, але их колко присегнуло; тогды один з них, которого на смерт оберуть и поприсягнет, маеть горлом каран быти, а тые помочники его, на которих теж ровно сторона поприсегнула, ач кольвек бы ведле прав Хрестіянских винни бы тые вси горло дати, нижли мы занехавшы так срокгого права на таковых уставуем, иж тые вси помочники его, иле их будеть, мають сто коп грошей платити и в везенью сорок и шесть недель[45] седети на замку Виленьском або Троцком в земли шесть сажон, а трафит ли ся тое забійство в котором воеводстве або у старостве далеко, тогды на том замку того выоеводства тот мужобойца маеть седети также у земли шесть сажон. А панове воеводе старостове на замкох наших мають тые турмы доброе оправены и вкопаны мети глубоко шесть сажон у земли, за певною сторожою, и не мають таковым вязнем фолкги никоторое допущати чинити, и с того везенья до сороку а шести недель выпущати под ласкою нашою господарскою. И будеть ли двох або трех забитого и колко их особ шляхецских, тогды за кождого шляхтича особа шляхецская горлом карана быти маеть. А естли бы простый хлоп шляхтича, тогды, колько их будеть поймано и перед врядом обвинено и поприсягнено, мають вси горлом карани быти, а вежде хлопов простых вышей семи человеков об одну голову шляхецскую карано быти не маеть. Также и о шляхтянках розумено быти маеть.
АРТЫКУЛ 13
О звадах шляхецских.Хто бы кому руку або ногу втял, або око, губу, зубы, ухо вытял, за кождый таковый члонок по петдесят коп грошей платити, а двадцать и чотыри недели на замку седети. Або хто бы обе две руки и обе две ноги и обе две ухи оттял и обе две очи; тогды головщизну яко за человека маеть плачоно сто коп грошей, а год и шесть недель седети. А рана, которая бы у человека была, с которое бы кости выбирано, тридцать коп грошей. А естли бы с тое раны реч замкнул, хотя бы се и выгоил; тогды маеть сто коп грошей яко головщизны платить, рок и шесть недель седети. А естли бы рана была на твари, сорок коп грошей платити; а хотя бы поличок кому дал, бороду рвал, тогды за все тое по дванадцати рублев грошей платити; а хотя бы был киіем шляхтича, сорок коп грошей платити. А белым головам шляхецским як головщизна так и навезка маеть быти плачона совито, тым же обычаем потом и их жонам и детем, которіе венчалные жоны мають, маеть быти навезка шляхецская.
АРТЫКУЛ 14
О вказанье шляхецства за всказаньем навезки.А естли бы по всказанью навезки шляхецское сторона противная поведила, иж водлуг сказанья судового навезку ему платити готов, нижли не есть есми сведом, естли он ест шляхтич, або и рад бым о том ведал; тогды тот, хто ся шлихтичом менит быти, маеть ехати до оное земли або повету, отколь родом ест, и там же маеть, зобравши братью и стрыев або кревных своих, перед врядом тамошним маеть высведчитися, иж ест шляхтич, а вряд з оное земли або с повету маеть писати лист з уряду до суду, где ся тое право точило, даючи о нем сведецство, иж есть щляхтич. И кгды таковую о собе ведомость принесет, вряд маеть оную сторону противную листом своим обослати, складаючи ему рок короткій, на котором яко на завитом ставши маеть прислухати, и навезку шляхецскую ему заплативши, будеть еще повинен страву шкоду, што на то ездечи наложил, за присегою его платити ведле важности и далекости дороги. А ведь же естли бы не оселый человек доведовался оного шляхецства; маеть до того часу, поки он зездит, за поруку дан быти.
АРТЫКУЛ 15
О мещанине, который бы шляхтича ранил.Если бы который мещанин у бурмистровстве шляхтича забил[46] або ранил; тогды маеть навезати так, яко вышей описано. Нижли естли бы бурмистром на тот час не был, кгды шляхтича, ранил; маеть руку тратить. Также теж и хлоп простый, естли бы забил або ранил шляхтича, маеть руку тратить, а естли руку або ногу шляхтичу утнет, або на котором члонку охромит, маеть горлом каран быти.
АРТЫКУЛ 16
О забойцах отца и матки.Уставуем, естьли бы хто отца або матку свою из якое замети забил, яким кольвек обычаем родича своего о горло приправил; тогды таковый сын або девка, которая причиною своею родича своего о горло приправила, не только горлом маеть быти каран, але и почтивость и вси именья тратит, и таковою смертью и потварностью ганебною маеть каран быти: по рынку возечи и клещами тело его торгати, а потом у мех скураный усадивши, до него пса кура ужа котку, и тое все посполу в мех завезавши, где наглубей до воды утопити, тым же теж обычаем и помочников его, которих поволает або на них правом будеть переведено, маеть быти караны. А естли бы ся трафило отцу сына своего дорослого або матце девку дочку свою властную забити; тогды таковый оцец и матка мають караны быти за тое: год и шесть недель на замку нашом у вежи седети, а выседевши год и шесть недель, мають еще до году чотыри кроть при церкви и при костеле головном покутовати и вызнавати явне найвышній грех свой перед всими людьми збору Хрестіянского.
АРТЫКУЛ 17
Если бы хто брата або сестру забил.Уставуем, естли бы хто брата або сестру забил, в неданью именья або якую кольвек на правою о горло приправил, а то бы на него доводом слушным переведено; тогды таковый маеть быть каран горлом, а тое именье, которое бы на него и на дети его припасти мело, спадываеть на иншую братью або сестры або теж на стрыев и близких в том дому. Тым же обычаем естли бы зять забил шурина своего; тогды жона его сестра того забитого и дети ее до именья по брате своем не маеть ничого мети, а тот хто забил, маеть горлом каран быти. Тоеж право и на тых, хто бы кровного своего забил и далекого в роду.
АРТЫКУЛ 18
Который бы слуга забил або ранил пана своего.Теж уставуем, естли бы который слуга взял перед себе злый умысл, пана своего забил або ранил; таковый маеть срокго горлом каран быти здрайца, а естли бы не забил ани ранил, одно брони против пана своего добыл, таковый руку тратить.
АРТЫКУЛ 19
Хто бы на кого на дорозезасел, а в том сам забит был.Уставуем, где бы шляхтич другому шляхтичу добровольне дорогу засел, хотечи того забить або ранить, а тот боронечи горла своего не маючи з ним никоторого зайстья, а того, хто засел, забил; тогды тот скоро по оном забитью маеть ехати оповедати вряду и высведчитися людьми добрыми веры годными, иж тот забитый засел и початком того забитья самт, был, а кгды на том и с тым доводом присягу вчинит, волен будеть от головщизны и от седенья.
АРТУКЫЛ 20
Если бы шкода або кгвалт кому стался, так в чіем дому яко и на дорозе, за ведомостью домового господаря.Уставуем, кгды бы се кому в чіем кольвек дому або на дорозе за ведомостью домового господаря якая шкода або кгвалт се стал, а оный господарь был бы до суду позван, а было бы то на него слушным доводом або якими знаки врядовне переведено; таковый повинен будеть оный кгвалт и шкоду своими властными пенезьми платити и оправити, а тых кгвалтовников шкодников собе искати, нижли естли бы того господаря лице налезено або помочников его.
АРТЫКУЛ 21
Хтобы на чіе именье на село и на люди наслал, або сам наехавши кгвалтом побил, поранил.Уставуем, хто бы на чіе именье на село на люди сам кгвалтом наехал, або наслав побил и поранил; таковый стороне ображоной, на чом слушный довод учинить иаеть кгвалт и раны платити, а грабеж з навезкою ворочати маеть, и всю школу добре оправити. А хотя бы не ранил ани бил, только наехал а грабил; потомуж кгвалт маеть заплатити, и грабеж з навезкою поворочати.
АРТЫКУЛ 22
За кгвалт посполитый суседскій.Уставуем за кождый кгвалт посполитый суседскій, врядовне переведеный, маеть быти сказан стороне обжалованой дванадцать рублей грошей.
АРТЫКУЛ 23
Если бы шляхтич шляхтича розбил на дорозе.Уставуем, если бы шляхтич шляхтича розбил на дорозе, а оный розбитый у парсуну его познал, и перед врядом того ж часу раны свои оказавши того у парсуну меновал; а потом притягнувши ку праву, подле оказанья ран своих близшій будеть сам из шестма шляхтичами на него присегнути, а кгды присягнет, тот горлом каран быти маеть яко розбойник. А естли бы сторона поводовая и з шестма сведки поприсегнути не хотела; тогды тот обжалованый также сам и з шестма шляхтичы маеч отприсегнутися, а не будеть ли мети с ким отприсегнутися, ино поводовая сторона самотрет на рана и шкодах маеть его поприсегнути. А будеть ли на дорозе звада стала, а лупу никоторого не было, а сторона жалобливая вину дала разбойную; тогды только раны за доводом будеть повинен платити, а горла для розбою менованого не тратит.
АРТУКУЛ 24
Который братьи рожоной будеть отца забито або з них самых которого кольвек.Уставуем иж кгды бы колько братьи рожоной, лета зузопольные маючы або и недорослые, дельные або и недельные, а одного бы з них або отца их забито, а иншые бы братья были бы по службах або в чужой земли; ино который брат будеть дома, тот братью маеть обослати, абы з ним тое головщизны искали. Естли бы братья его будучи в здешнем панстве нашом з ним весполок головщизны искати не хотели; тогды тот, который дома мешкает, маеть сам тое головщизны доходити, а дошедши с тою ж братьею своею не будеть делити. Одно кром хто бы был в чужой земли, а пріехавши оттоль и той головщизны припытовался; таковый, кгды наклад его што доходечи тое головщизны будеть наложил, ему часть свою, которая бы межи братьею на него припасти мела, отложити, тогды маеть межи братьею своею ку части ровной тое головщизны припущон быти.
АРТЫКУЛ 25
Хто близкій головщизны искати маеть.Коли бы колько братьи было и сестр рожоных выпосажоных и не выпосажоных, а один брать от их забит был; тогды они сами братья мимо сестр выпосажоных маюць головщизны доходити, и естьли бы братья змерли, тогды и дочки выпосажоные мають головщизны искати, а естли бы сынове и дочки змерли, тогды близкіе доходити мають.
АРТЫКУЛ 26
О звадах.Если бы хто с ким звадил, а в оной зваде оба два се ранили, а один бы с тых позван до права, а сведков бы межи собою не мели, хто бы мел межи ими розознати, а оба два се торгали ку присязе, а один бы другому не допустил; тогды суд мають жеребей искати и кинути, чій се жеребей наипервей выймет, тот маеть присегнути на ранах своих и на початку, иж он первей почал его бити и за оным початком тая ся звада стала. А коли оный присягнет, тогды оиыи тому присяглому маеть за раны платити, якого ж стану будеть. А где бы ся в оиой зваде оба два се збили, а не было бы сведков на обе стороне; ино потомкое або близкіе забитых вжо головщизн собе искати не мають. А естли у в одное стороны раны будуть, а з другое стороны забитый; тогды при оном забитом, близшій будеть довод чинити нижли при ранном, и кгды будеть правом поконан, маеть головщизну платити сто коп грошей, и естли за шляхтича будеть платити головщизну, тогды тот маеть рок и шесть недель седети, а за хлопа простого везенья не повинен терпети, только головщизну платити.
АРТЫКУЛ 27
О звадевечерней.Теж коли бы при якой вечерней зваде хто кольвек свечу загасил, в том кого с тых, которіе при той зваде были, ранено было не ведаючы от кого, и позвано бы до суду того, хто свечу загасил, менуючы такжо мене в той зваде ранено, а не ведаю от кого за причиною твоею, и на то бы довод учинил, а естли бы и доводу не чинил, смел бы присегнути; тогды тот, хто свечу загасил, повинен ему раны платити так теж и головщизну. В такой пригоде хочем мети, абы сужоны яко вышей описано, а тот, заплативши вси раны або головщизну и заседевши головщизну и заседевши год и шесть недель, маеть собе винного искати. Тым же обычаем хто бы кого с пригоды забил, а поведил, жем то не умыслне учинил; тогды тот маеть вывестися людьми добрыми веры годными, которые при том были и то видели, иж с пригоды се тое стало а не з умыслу; кгды то они сознають, предся будеть повинен на том присегнути, иж с пригоды а не з умыслу а ни з вазни тое забійство учинил, а по присязе предсе головщизны повинен платити, естьли шляхтича забил рок и шесть недель седети.
АРТЫКУЛ 28
Хто бы кого неумыслнеранил, а до суду был позван.Коли бы теж хто кого ранил, и его о рану позвал, а оный позваный брал бы се на одвод; мы бачечи, иж нихто в невинности своей терпети ран не маеть, сказуем иж тые раны жалобнику мають быти справованы по тому, яко вышей описано о звадах.
АРТЫКУЛ 29
Слуга, который боронечи пана своего, коли бы кого забил або ранил.Теж уставуем, иж коли бы у якой зваде слуга боронечы пана своего, кого забил або ранил; таковый от кождого права маеть быти волен, але сторона жалобливая будеть тых ран и головщизну на пану его дохотити. Нижли естли бы чій слуга своволне без расказанья пана своего перед очима кого забил або ранил, хотя бы не был припоручон; маеть пан его поймати и до везенья посадити, а кровным забитого дати ведомость. И естли бы фолькгуючи служебникови своему поимати его не хотел, а он потом забивши втек; тогды тот пан повинен будет сам головщизну платити, естли шляхтича забил, то рок и шесть недель седети маеть, а ранному, якого стану будеть, раны оправити, и по заплате головщизны, первей нижли на седенье року и шести недель пойдет, маеть на том присегнути, иж без росказанья его и порады тая головщизна стала, а естли бы отприсегнутися не хотел, а пустил сторону жалобливую на себе присегнути, тогды маеть горлом каран быти.
АРТЫКУЛ 30
Есть ли бы чій слуга, учинивши кому кгвалт домовый або головщизну, проч втек.Где бы чій слуга учинил кому кгвалт домовый або головщизну втек, а в его пана чере сторону был застат, а приповедан, а он через туюж заповедь его упустил; тогды тот пан, чій то слуга вчинил, сам кгвалт головщизну и шкоду платити маеть, а собе на слузе искати, и заплативши маеть на том присегнути, иж тот слуга кром ведомости и позволенья его то учинил, а не ест то через его умышленье при рук [47] выпущон, а где бы присегнути не хотел, тогды тот певне сам пан маеть быти каран горлом, яко кгвалтовник и мужобойца. А естли бы тот слуга небыл приповедан; тогды пан не повинен за его платити, одно се маеть отприсегнути, иж тот кгвалт без его позволенья и ведомости стался.
АРТЫКУЛ 31
О забитье человека перееждчого и безплеменнаго.Уставуем, теж, естьли бы ся потрафило где ж кольвек забитого человека перехождчаго або безплеменнаго, которого головщизны искати не будет кому; тогды скоро такового человека труп будеть знайден, того ж часу вряд того замку або двора нашого врядник маеть обослати всих мещан людей сельских, так и подданых наших яко и шляхецских, и опыт вчинити раз або и два, а где бы се на таких двох копах о том забитью выведатися не могли, тогды третюю копу присяжную маеть вряд собрати, на которой повинни будуть вси тые, которые на той копе повинни се становити, присегнути на том, иж сами не суть причиною того забитья и о таковом мужобойцы не ведают. А естли бы которыя с тых копников на присяжной копе нестали, або хотя и ставши, присегою отвестися не хотели; тогды таковые будуть повинни головщизну сами платити, а собе винного искати, а тая головщизна маеть зостати при том вряде, в котором тот труп налезен, а потом, кгды бы кровные оного забитого выналезлися, маеть тая головщизна оным кровным отдана быти.
АРТЫКУЛ 32
О промолчанье кгвалту або злодейства.Уставуем, кгды бы хто кому кгвалт учинил або злодейство шкоду або якій грабеж, а тот бы молчал от того часу, яко се то стало три годы, вжо о то будеть вечне молчати.
АРТЫКУЛ 33
Который злочинца будет на смерть сказан, а от того бы се откупил або отпрошон был.Теж уставуем, естли бы хто о злодейство або о которое иное злочинство на каранье або на смерть врядом права посполитого всказан был, а в том караньи горло свое пенязьми откупил, або от того каранья або от страченья горла через пріятелей своих або гостей послов панов знакомитых выпрохон был або выправен, або теж за злый свой учинок в ката в руках был; таковый кождый безчести маеть быти, и промежку добрыми людьми рыцерскими не маеть большей привильев шляхецских уживати.
АРТЫКУЛ 34
Хто бы послеран по пиром и по корчмом ходечи пил.Уставуем, кгды бы который шляхтич битый або ранный после ран ездил або ходил по калаціям, по торгох и по корчмах пил, на беседех седел, а потом от тых ран умер; тогды тот, от кого тые раны або бой ему се стал, головщизны платити не повинен будеть, повинен только за раны досыть чинити его кровным подле статуту.
АРТЫКУЛ 35
Так званого гостя яко и незваного.Хто бы теж в дом свой позвал до себе гостя на учту, и был так небачный а того гостя своего званого в дому своем зелжил збил або зранил, а тот бы гость позвавши его до права то на него слушным доводом перевел, таковый ображоную сторону с права маеть навезати водле стану его и шкоду платити, на чом присягнет, а за таковый выступ маеть седети в замку нашом в повете тамошнем, где оселость маеть, дванадцать недель. А естьли бы тот гость званый доводу слушного не мел; тогды маеть того ж часу скоро по зраненью оказати раны и шкоды свои людем сторонным околичным суседом и обжаловати вряду, так теж раны оповедати и в книги записати, а при том оповеданью сам маеть на ранах и на шкодах своих поприсегнути, а тот повинен будеть его навезати, седенье приняти, и шкоду платити водле того, яко вышей в том артыкуле описано. Нижли естли бы гость званый вехавши в чій дом, был так вшетечный, господара домового так теж господыню або сына збил або зранил; тогды на такового гостя также слушным доводом у права маеть довести, а где бы доводу не мел, тогды также оповедати людем сторонним и ожаловати, а при оном оповеданью так сторонним людем, яко и вряду маеть кождый з них з особы своее, кого в дому ранит, поприсегнути так на ранах яко и на шкодах. И кгды присягнеть таковый гость домовому господару або жоне и сыну, хто з них ранен будеть; ображоной стороне маеть за раны навезати и шкоды, на чом присягнеть, платити, а на замку также седети дванадцать недель. А где бы се у зваде обадва ранили так господарь яко и гость, а доводу бы на то з обудву сторон не мели, а торгнули бы се обадва ку присязе; тогды жеребей кинути, и чій се жеребей напервей выймет, тот мает на ранах и на шкодах своих присегнути. А где бы гость в дом чій пріехавши незваный, а тот бы домовой господарь принял его в дом свой за гостя, и што бы се под тым же обычаем потрафило на обе стороне; так гостю яко и домовому пану тое ж право на обедве стороне, яко вышей в том артыкуле описано.
РОЗДЕЛ ДВАНАДАЦТЫЙ. О ГОЛОВЩЫЗНАХ И НАВЕЗКАХ ЛЮДЕЙ ПОСПОЛИТЫХ
АРТЫКУЛ 1
О головщинах и навезках людей простого стану.Головщызна панцерному слузе пятдесят коп грошей, путному слузе тридцать коп грошей, бортнику двадцать пять коп грошей, тяглому двадцать коп грошей, паробку десеть коп грошей, а жонам их совито. А навезка панцерному слузе шесть рублей грошей, бортнику два рубли грошей, тяглому рубль грошей, паробку полтина грошей, а жонам их совито, а жонца, которая мужа не маеть и не мела, полтина грошей.
АРТЫКУЛ 2
Головщизны и навезки тивуном, ключником, войтом, старцом, лавником сельским.Тивуну, ключнику, войту, старцу головщизна сорок коп грошей, естьли бы невольник в котором с тых врядов был, тогды ему во вряде головщизны двадцать коп грошей, а навезки рубль грошей. А пакли бы в ключох або у войтовстве которій шляхтич был; таковому предсе головщизна маеть быти водле стану шляхецского. А навезка тивуну, ключнику, войту, старцу по три рубли грошей, а лавнику два рубли грошей.
АРТЫКУЛ 3
Головщизна ремесным людем.Золотару, органисте, пушкару, гафтару, малерови, сокольнику, машталору, кравцу, гафтарце, коверникутым всим головщизна по тридцати коп грошей, а навезки по три рубли грошей, а жонам их совито. Дойлиде, ковалю, столяру, псарцу, возницы, мулеру, шевцу, гончару тым всим головщизны по двадцати коп грошей, а навезки три рубли грошей, а жонам их совито. Потомуж и иншых ремесником, которых тут не написано, маеть быти плачоно яко дойлиде и жонам их совито.
АРТЫКУЛ 4
О ношенью жидовском.Жидове в коштовных шатах з ланцуги золотыми сами и жоны их в золоте и в серебре, так теж и сребра на пасах и на кордах носити не мають; але убер их маеть быти значный: шапки або бирет жолтый, так теж и завиванья белых голов полотно жолтое, або тому подобное, иж бы знак и певное розознанье было христіянина от жида.
АРТЫКУЛ 5
Жид, татарин и кождыи бесурмянин на вряд преложон и хрестіян в неволи мети не мает.Уставуем, иж от того часу мети хочем, абы жид, татарин и кождый бесурмянин на достоенство а ни на который вряд от нас Господаря а ни от панов рад наших преложон не был и хрестіян в неволи не мел. А естьли бы который з них христіянина купил у вечную неволю; таковый пенези тратит, а тот хрестіянин маеть быти волен. А естьлибы хлопа або жонку закупил, тогды маеть прійти перед вряд и в чом закупил, або теж и з суда в заплате яко будеть выдан, до книг записати; и будеть ли сума невеликая, тогды тот закуп и закупня за сем лет с тых пенязей маеть выробитися, а кгды бы сума великая была, ино с тых пенязей на кождый год выпуску маеть быти хлопу полтину грошей а жонце пол-копы грошей. Нижли маючи таковых закупов и детей их в жидовство а ни в бесурмянство намовляти а ни обрезовати не мають, а который бы смел то вчинити, а было бы то на него переведено перед врядом; тогды без кождого милосердья таковый огнем маеть быти каран, чого вряд наш с пильностью стеречи и о том выведоватися достаточне маеть. А мамками христіянки у детей жидовских и теж кождых детей бесурмянских быти не мають; а хтобы хрестіянок ку тому приневолял, а то бы слушне ведле права на него было переведено, таковый горлом маеть быти каран. Тым же обычаем хотя бысмы которому татарину або жиду або которому бесурмянину двор наш або именье з людьми дали; таковые мають се жидове и бесурменин на выслугах своих против христіянских людей як выступных так и тяглых заховати, абы их ку подачком и службам незвыклым не приневоляли. А пакли бы тые люди наши за таковым зневоленьем проч отошли и засели на землях наших або князких панских и шляхецских; таковых за вольных мети хочем, нижли земли их мають зостати при таковых, кому дано водле данины нашое.
АРТЫКУЛ 6
Навезка татаром.Уставуем, которые князи и мурзы татарове закону бесурмянского мають оселости именья земскіе з наданья продков наших и нас самых, и естли тые бывають на службах наших господарских и земских и в ротах, або при гетманех наших, и в реестрах военных суть написаны; таковым навезка маеть быти яко шляхтичу, а жонам их совито, а головщизны сто коп грошей кром седенья. А которые татарове формином ся жывять, и огородные речы справують, быдлом торгують, кожы дубять, и якими кольвек речами жывность собе заробляють; таковым навезки рубль грошей, а жонам их совито, а головщизна дванадцать коп грошей.
АРТЫКУЛ 7
Человек вольный за жаден выступок в неволю выдан быти не мает.Теж уставуем, иж человек волный за жадный выступок в неволю вечную выдан быти не маеть, а естли бы в суме великой выдан был; маеть с тое сумы выроблятися, и выпуску на каждый год мужику полтина, а жонце пол-копы грошей. А естьлибы с тое сумы до смерти выслужитися не мог, а будет ли мети дети; тогды дети не мають се с тое сумы выробляти. А выпуску дорослым детем потомуж маеть быти, яко вышей описано. А закупным людем тым же обычаем из сумы пенежное выпусть быти маеть.
АРТЫКУЛ 8
О человеку отчизном.Кгды бы который человек отчизный, отшедши от пана своего и заложившися за кого иншого, не далеко в пети або в десети милях мешкал; тогды вже о такового человека вечне молчати маеть. Пакли бы тот человек отчизный отшедшы от пана своего и мешкал далеко в колькодесяти милях, а пан его о нем не ведал, а по том бы засе пришол и перемешкивал поблизу; тогды хотябы в оном часе и давность земская зашла, вольно будеть ему того человека за отчича правом доходити, только бы давности не омешкал от того часу, як ближей прійдет.
АРТЫКУЛ 9
Хто бы на человека вольного и невольного права доходити не хотел.Теж еслибы который человек не похажалый або челядин невольный за кого зашол, а поведился быти вольным, а он пан, чій человек або челядин, просил у в оного пана права, а тот пан ему на него права дати не хотел; тогды таковый маеть притягнен быти ку праву земскому. А естьли тот пан, чій человек непохожій або челядин, зыщет правом иж его отчич або невольник, а на оного пана, в кого тот человек, переведет правом, иж в него просил справедливости раз и два, а он не дал; тогды тот пан маеть навезати оного человека або челядина от того часу, як в него права просил, за кождую неделю по шести грошей, а естли бы втек, тогды маеть платити потому, яко вышей о головщизнах написано.
АРТЫКУЛ 10
О челядь невольную, которая втечеть от пана своего.Уставуем, кгды бы хто чію челядь невольную вывел, або ведаючи заказ в себе переховывал, а то бы на него правом было переведено; тогды таковый повинен будеть ту челядь отискати, а одыскавши тому пану отдати. А где бы не мог одыскати, або не хотел; будеть повинен тую челяд сам ценою платити, яко выше написано, и шкоду оправити от того часу, от которого ему тая челядь не робила, мужику и жонце за кождую неделю по шести грошей.
АРТЫКУЛ 11
О вольных людех, которые в голод продають.Хто бы в голод сам себе або сына або теж которого человека вольного в неволю продал, и лист на то дал; таковый лист не маеть быти держан, але яко голод минеть, а он пенезей добудеть, маеть ему пенези отдати. Нижли естли бы хто челядь свою неволную продал; тая ведле продажи маеть вечне держана быти.
АРТЫКУЛ 12
Хто бы в голод челядь свою выгнал.Теж уставуем, естьли бы хто в голод челядь свою неволную выгнал або выбил з дому своего проч, не хотечи ее кормити и переховывати; таковые вжо не мають быти невольными, але вольными. А ведьже тым обычаем, иж коли тую челядь выбьеть, тогды се они оповедати мають врядником в повете або вряду местскому бурмистром або мещаном, иж их выбил а кормити не хотел; а тые, которим се оповедають, мають обослати того пана, чія челядь, естьли зознаеть, же для голоду выгнал их из дому не хотечи кормити, тогды оная челядь вечне маеть быти вольна.
АРТЫКУЛ 13
Невольницы мають быти трояких причин.Теж уставуем, иж неволницы мають быти трояких причин: первые которые суть здавна в неволи, або з невольных се родят; другіе которые полоном заведены суть из земли непріятельское; третіе коли бы се сами в неволю поддали, а хто бы, ведаючы жонку неволную, в малженство понял, хотя человек вольный, тогды таковый сам и дети их в неволи быти мають. А естьли бы се неведоме поняли, а один з них будучи вольным не хотел в в том быти; тогды того ж часу мають се втечи до права духовного, ведле которого их мають розвести, а по розводе таковый вольный маетьзостати вольным, а невольный, неволным.
АРТЫКУЛ 14
Если бы хто до кого слугу приказал, а тот слугазашкодивши втек от него проч.Хто бы кому приказал слугу, а тот слуга шкоду вчинивши тому пану своему втек от него проч; тогды тот, хто его приказал, маеть ку праву стати, а суд маеть ему рок зложити, на которій маеть его доискавшися ку праву поставити. А естьли ж бы тот на оный рок, которій судьи положат, того не постановил; тогды он сам повинен будеть тую шкоду оправити, на чом слушный довод учинен будеть. А естлибы се потом оному пану, за кого слуга втечеть, пригодить ли его видети на торгу або поткаеть в дорозе; тогды вжо он сам не маеть имати, нижли того приказцы своего смотрети маеть. А где бы хто мел слугу не приказного, а он ему шкоду учинивши проч втечеть; тогды он, где кольвек его увидит або поткаеть, маеть его поймати и вести до оного права где поймаеть, а перед правом маеть на нем шкод своих до доходити.
РОЗДЕЛ ТРЕТІЙНАДЦАТЬ. О ГРАБЕЖОХ И НАВЕЗКАХ
АРТЫКУЛ 1
О грабенье стада свирепего.Уставуем, естлибы хто пограбил на яком колвек кгрунте стадо свирепе князское, панское, земянское, а держачи стадо жеребца або свирепу и колко их уморил або охромил; таковый за жеребца князского панского земянского повинен будеть заплатити осм коп грошей, а за свирепу чотыри копы грошей, нижли за кождого с тых жеребцов будеть ли торгуючы што давано, тогды тую уену будеть повинен платити за слушным доводом.
АРТЫКУЛ 2
Яким обычаем мають се заховати о испаш и о грабеж на испашах.Теж уставуем, иж нихто стада свирепьего на дедизне чужой на испашах так теж и на своей власной займовати не мають, ани в грабеж брати, а хто бы на чіей дедизне стадо занял або грабеж учинил; таковый маеть тому кгвалт заплатити дванадцать рублей грошей и шкоду оправити, а што бы се тому стаду стало, подле уфалы вышей описаное. Бо не маеть за испаш стада брати, бы и застал на испаши, але маеть осветчивши суседови отогнать, до того пана, чіе стадо есть, и испаш маеть обвести людьми добрыми сторонними; тогды тот повинен испаш заплатити, чіе стадо шкоду вчинило. А ведьже вызволяем одно стадо свирепье, абы на испаши не было займовано, а быдло кони волы и коровы свинье и гуси на испаши мають быти займованы подле обычаю, и скоро занявши маеть обослати того пана, чіе быдло свое на поруку взял, а о испаш на купу шол; и што купа на испаши шкоды присудит, тот пан чіе быдло занято, маеть платити. А где бы на обосланье того, кому се испаш стала, быдла своего на поруку взяти и на купу ити не хотел; тогды тот, хто займет, маеть быти з людьми добрими сторонними, и што тая мсторона шкоды окупують, он маеть в той шкоде своей оставити того быдла только, што бы за его шкоду стояло, а досталь отослати до того пана чіе быдло. Нижли стадо свирепье кони и кождое быдло только до светого Юрья без пастуха маеть вольно ходити, а по светом Юрьи в тыж день кождый маеть около добытку своего сторожу або пастуха мети, через все лето аж до первого дня месяца Октебра. А давность отправе за испашь не маеть дальшая быти только подле стародавного звычаю до Божего нароженья. И хтобы о испаш присужоною, не хотечи платити подле права, дал се позвати; тогды с права, достанет ли винен, маеть совито заплатити.
АРТЫКУЛ 3
Хтобы под шляхтичом або под шляхтянкою грабеж учинил.Теж уставуем, хтобы под шляхтичом або под шляхтянкою грабеж вчинил, кони побрал при костеле на торгу або на поли, где ж кольвек бы, теж бою не вчинил, або под слугою коня взял, або з воза выпряг, хотя бы оная особа при том не была, а был бы на то перед врядом слушный довод; таковый оный, который грабеж учинил, маеть такового навезати и шкоды, если будут при том грабежи вчинено, за доводом оправити.
АРТЫКУЛ 4
О грабеж коня князского, панского и шляхецского.Теж князского панского, шляхецского коня из кождого грабежу безправного вызволяем. А естли бы хто без права князя або пана и шляхтича, хотя в небытности его, коня пограбил; таковый маеть коня конем навезати.
АРТЫКУЛ 5
Яко челядь невольная втеклая маеть быти заповедана.Если бы чія челядь невольная втекла, а заповедана бы з якого перейму, и женучи за нею в погоню в кого ее нашол; тогды маеть тому, в кого челядь зостанет, переем дати, с чого будеть первей заповедал. А естьли бы заповеди и перейму, в кого оную челядь нашол, недал, а тот бы ему не хотел тое челяди без перейму выдати, и взял позем кгвалтом, а до права о то был позван; тогды тот за тым позвом повинен будеть стороне жалобливой платити яко за кгвалт дванадцать рублей грошей. А естли бы хто чію челядь в себе ховал, а тот по колко кроть заповеди и по торгу закликал, оповедаючы ее, и потом бы тот, чія челядь, в колко неделях тую челядь свою в него нашол; тогды только маеть, за страву ему от кождого челядника на неделю по два гроши давши, челядь свою добровольне взяти.
АРТЫКУЛ 6
О грабеж человека князского, панского и земянского.Уставуем, естли бы шляхтич чіих людей пограбил на торгу при церкви на добровольной дорозе; таковый маеть стороне обжалованой вины заплатити шесть рублей грошей, а грабеж з навезкою отдати, то ест коня конем вола волом навезати. А пакли бы шляхтич або хтож кольвек пограбил у чіих людей на поли або где индей, а бою не вчинил; тогды маеть заплатити три рубли грошей, а грабеж также навезати. А мужик мужика естли бы при костеле або на торгу на дорозе пограбил; маеть заплатити три рубли грошей, а грабеж всякій также з навезкою платити маеть, коня конем, вола волом, а корову коровою, и кождое быдло, якое пограбил, таковым навезавши маеть отдати, або ценою заплатити, яко нижей описано.
АРТЫКУЛ 7
Цена конем рабочим.За коня або за свирепу робочую копа грошей, а за третека жеребка от робочих свиреп копа грошей, а за третячку свирепу полтина грошей, за лонское жеребя пол-копы грошей, за летошнее двадцать грошей.
АРТЫКУЛ 8
Цена быдлу малому и великому.За вола осмдесят грошей, за вола стадника осмдесят грошей, за корову петдесят грошей, зо яловицу сорок грошей, и за быка неука сорок грошей, за телицу пол-копы грошей, за теля лонское двадцать грошей, а за теля сеголетнее дванадцать грошей, за вепра кормного пятдесят грошей, за вепра некормного пол-копы грошей, за кнороза сорок грошей, за свинью двадцать грошей, за подсвинка десеть грошей, за порося пять грошей, за овцу петнадцать грошей, за барана дванадцать грошей, за скопца барана двадцать грошей, за ягня пять грошей, за козла пол-копы грошей, за козу двадцать грошей, за козеня пять грошей.
АРТЫКУЛ 9
Цена птахом домовым.Гусь три гроши, каплун шесть грошей, курица пол-тора грошей, утка два гроши, селезень грош, голуб грош, утка круговая шость рублей грошей, пава або пав три копе грошей, лебедь домовый три копы грошей.
АРТЫКУЛ 10
Цена птахом на мысливство хованым.Кречот красный дванадцать рублей грошей, за белого кречота десеть рублей грошей, серый кречот шесть рублей грошей, сокол шесть рублей грошей, а ястреб великій три рубли грошей, болобан два рубли грошей, за рабца або за кгрокгулца рубль грошей, за дремлюга пятдесят грошей.
АРТЫКУЛ 11
Цена збожю.Пшеница копа петнадцать грошей, жита копа дванадцать грошей, ярицы копа десеть грошей, ечменю копа осм грошей, овса копа шесть грошей, гречки копа пять грошей, гороху копа шесть грошей, проса копа чотыри гроши, илну копа дванадцать грошей, репы бочка пять грошей.
АРТЫКУЛ 12
Цена собаком.За пса домового брехуна три рубли грошей, за наследника и за набрехника зверинного шесть рублей грошей, за окгара три копы грошей, за узлайника три копы грошей, за выжла три копы грошей, за щайку под ястреба три копы грошей, за по дстрелного три рубли грошей, за пса обсочного шесть рублей грошей, за меделянского пса шесть рублей грошей, за хорта подсокольего шесть рублей грошей.
АРТЫКУЛ 13
Если бы кого пес непривязаный укусил.Уставуем, кгды бы кого пес непривязаный уел с чіего прищванья, а он бы ставши за позваньем перед урядом к тому прищванью се не знал; таковому маеть суд сказати отприсегнутися, иж того не вчинил, а где бы присегнути не хотел, тогды, жалобливая сторона кгды его в том поприсягнет, повинен его будеть навезати ведле стану его, якобы его сам ранил рукою своею. Пакли ж бы хто кому пса умыслне а не от руки забил або застрелил; таковый будеть оного пса повинен платити водле цены вышей описаное, естли бы его забил от руки кіем або якою бронею не пометом а ни стрелбою, таковый не повинен будеть ничого платити.
АРТЫКУЛ 14
Которое бы быдля або пес в суседстве шкоду чинил.Уставуем, естли бы в кого пес домовый або быдля якую шкоду в околицы чинил, а тот домовый господарь о том ведаючы оного быдляти стеречи а пса на привези мети не хотел; тогды таковый будеть повинен всю шкоду в суседстве платити и оправовати, на што слушный довод уделан быти маеть.
РОЗДЕЛ ЧОТЫРНАДЦАТОЙ. О ЗЛОДеЙСТВе ВСЯКОГО СТАНУ
АРТЫКУЛ 1
Хто бы в кого лице зостал.Коли бы хто лице свое и речы краденые в чыего слуги або подданного застал, так на дедизне его яко и инде где кольвек; тогды такового человека лицованого маеть вести до пана его, просити з ним справедливость. А естьли бы ему справедливости не вчинено; тогды тот, при чіем человеце лицо зостато будеть, повинен о то перед врядом нашим отказывати и того злодея своего перед судом нашим поставити. А естли бы оный злодей втек з рук его або оное лицо стратил, а перед судом не постановил, а лица не положил; тогды будеть повинен оную шкоду заплатити, на чом он присягнет, або слушный довод учинит, што ему при оном лицы будеть згинуло. И теж коли бы што в кого вкрадено, а видитсе ему шкода от которого села, а шкодника своего не ведает; тогды маеть выпросити право в том селе. А естли бы дал о то всему селу вину; тогды три мужи з оного села, которых он оберет, мають присегнути, як в том селе шкодника его не ведають, а пакли бы о то не присегнули, тогды оное село все оную дають, а пакли бы о то не присегнеули, тогды оное село все оную шкоду всю тому шкоднику маеть платити, а собе злодея искати.
АРТЫКУЛ 2
Звод на злодея.Теж уставуем, которій человек пойман будеть на злодействе, а приведен с чим до замку або до вряду нашого, а тот бы поведал заводцу и от кого тое лице маеть; тогды маеть на том же вряде нашом того заводцу поставити, або сознаньем врядовым себе очистити, где будеть то купил, а на котором вряде оповедал и в книги записал. А естли бы тот заводца того обвиненого в злодействе перед правом заступил, а тот бы заступца брал се на иншій звод, хотечи вести от суда вряду нашого на иншого заступцу до иншого вряду; то ему не маеть быти допущоно, але кождый заступца до остатнего зводу маеть быти ставен перед тым врядом нашим, где ся початок стал зводу, а лице во вряду будеть повинен тот ку зводу выкупити, хто се зводит. А ведьже за выкупенье большей вряд не маеть только по дванадцати грошей за кождым зводом; и кождому таковому, хто се выводит з маетности оного, на ком лицо зостанет, навезка подле стану всказована быти маеть. А пакли бы у того злодея маетности свое не было, чим лицо во вряду выкупити, тот маеть вряд лицо жалобливой стороне даром вернути, а злодей яко за злодейство и за вси навезки маеть горлом приплатити. А естли бы заводцы перед врядом нашим достаточнего зводу не поставил, а зознаньем врядовым себе в том злодействе не очистил; тогды тот маеть быти каран горлом яко злодей, а шкоды, на чом сторона жалобливая присягнет, маеть быти плачона з дому оного злодея. А естли бы остатній себе заводца очистил выписом врядовым, а где бы рек купил, або, иж то его конь або вол доморослый, сведецством слушным се выправил; таковый яко навезок так и шкод никому платити не будеть повинен, нижли естли бы тую реч купил, пенези свои татит. А пакли бы сторона поводовая, которая позвала, и менила коня або вола своего доморослым або реч дома уробленую, як сукно и якую кольвек иншую реч, сторона обжалованая, которая будеть з лицом приведена, будучи теж не подойзреная, менила быти своим доморослым або дома вробленым, а подобенство к тому стегало, хотя бы обедве стороне выдали сведков годных; тогды за подобенством и за сведецством сторона обжалованная при своих сведках близшая будет ку доводу, иж то ест доморослое, або дома вробленое, бо тому бы вжо шло о горло, а ведже суд подобенства всякіе на доброй бачности мають мети, и в речах вонтпливых склоннейшій маеть быти ку вызволенью нижли ку каранью. А простого стану человек, которій первый або другій раз около таковых речей будеть обвинен, тот ку таковому отводу немаеть быти припущон.
АРТЫКУЛ 3
Для покою посполитого застановенье от злодейства.От того часу уставуем и хочем мети, абы кождый с подданых наших и подданых князских панских и духовных и свецских и боярских, так можного стану яко и меншого, хто бы кольвек што в кого на торгу в дому або где кольвек коня, вола, корову и иншые всякіе речы купил; то маеть на то мети баришников людей добрых веры годных, и с тым истцем, в кого што купит, и с баришники прійти до вряду замку або двору нашого або до войта местского в книги врядовые записати, а тыми, естьли будеть потреба, у права себе очистити. Нижли естли бы хто потом тую реч познал, и того перед врядом довел, же его властная реч; тогды тот, хто купил, перед врядом маеть оному, хто познал и довел, вернути, и будеть ли мети, же при том лицы много погибло, тогды тот, хто купил, маеть отприсегнутися, иж болшей тых речей не купил а ни сведом.
АРТЫКУЛ 4
О важности лица, за што злодей каран быти маеть.Уставуем, иж кождый злодей з лицом приведеный и правом покананый при лицы, которое бы стояло вышей полтины грошей, маеть горлом каран быти. А што бы за полтину грошей не стояло; маеть у столпа дубцы бит быти, а лицо маеть вернути тому, чіе есть, а навезка на тое лицо з маетности его маеть быти плачона, а не будеть ли чим мети навезки платити, тогды ухо тому злодею маеть урезано быти. А которое бы лицо вышей полу-копка або за полкопы стояло; при таковом лицу маеть быти также у столпа бит и з места высведчити. А которое лице будеть стояти за дванадцать грошей, за то также маеть бит быти; а потом того ж естли бы се трафило поймати з лицом, хотя бы тое лице и десети грошей не стояло, тогды вжо маеть быти каран яко злодей.
АРТЫКУЛ 5
Як маеть в дому чіем лицо [48] зостати.Уставуем, хто бы хотел у чіем дому речи краденые застати; тогды от вряду беручи возного маеть перед врядом ознаймити, што ему згинуло, и чого перед возным в дому его искати маеть, а в месте местскаго вижа и к тому людей посторонних веры годных маючи при собе, и при них в оном дому тых речей искати краденых маеть. А скоро бы там што речей краденых нашол и того при том лицы зостал, маеть при том же возном людех сторонных того, кого при лицы зостанет, вести до вряду нашого, а естли никого не зостанеть, одно лице знайдеть, однакож с тым лицом маеть вести або ехати до вряду нашого и там далей поступовати ведле права. Пакли ж хто у своем дому крадежу искати не допустил, клетей и иных домов и схованей отомкнути не хотел; тогды тот, хто не допустил, будеть повинен тую всю шкоду стороне жалобливой платити ведле доводу або присеги. Тым же способом, хто бы хотел в чіего человека крадеж зостати, маеть се заховати яко вышей описано; нижли только, з возным и з стороною оступивши дом подданого чіего, маеть того пана або врядника, а не будеть ли врядника а ни тивуна ино старшого, хто в том селе будеть, обослати, оповедаючи тое, абы не розумел кгвалтовного наеханья. Естли ж бы пан або врядник его при том обыску быти не хотел; тогды сторона жалобливая предсе с тыми, кого маеть при собе, обыск чинити и вси схованья трести, и нашодши с тым до вряду вести маеть.
АРТЫКУЛ 6
О гоненье следом в якой кольвек шкодепокраденой.Кому бы покрадены кони волы быдло и иные речи в дому, а тот шкодный поднял бы след тое шкоды своее, и собравшы людей добрых околичных суседов водле давного обычаю гонил следом, а тот след где бы ку которому селу або в чій дом привел; тогды маеть послати до того села або до дому, где след вшол, людей добрих сторонних веры годных, абы з села своего и з дому, где бы след вшол, або з кгрунту земли села своего след вывели. Таковое село або в чій дом след будеть вшол, мають тот след в тое копы взяти и з села або з дому и з земли своее того села след вывести аж до иншое границы, куды тот след пойдеть. А естли бы тое село, до которого след приведен, от себе следу не вывели або оть следу отбили або выгнавши быдлом затоптали; на таковом зостановившисе копа тая, где следу не отведено або отбито, мають послати по возного до вряду нашого замкового, и с тым возным и люди сторонные копа вся мають оную шкоду осумовати, на чом оный шкодный самотреть присягнет, и приложить до того села, абы они шкоду заплативши собе винного искали. А по сказанью мають через возного и сторону, которіе при том были обявити вряду и половину пересуда дати, а вряд маеть рок заплате зложити, и яко рок выйдет; тогды вряд оного пана листом своим напоменути маеть, абы водле права оного суду копного заплату чинил, а не будеть ли хто хотети, тогды тая шкода з уряду отправена маеть быти.
АРТЫКУЛ 7
Хто бы шляхтича першгй раз о злодейство без лица перед врядом обвинил.Уставуем, хтобы шляхтича обвинил о злодейство без лица и без кождое слушное причины; тогды таковое обвиненье оному шляхтичу шкодити не маеть, и за таковое обвиненье повинен будеть его навезати, яко бы его ранил. Пакли ж бы оного обвиненья якое записованье до книг, або где индей поволанье, або якіе слушные причины, або знаки показал, а тот шляхтич еще от того се не отводил а ни отприсегал; тогды таковый обвиненый будеть повинен першій раз того сам особою своею отприсегнутисе, и кгды присягнеть, навезки ему дати не повинен. Паклиж бы того шляхтича о злодейство перед врядом другій раз тым же обычаем обвинено и поволано было; тогды маеть самотреть з шляхтою веры годными отприсегнутисе, также без навезки. Того ж шляхтича поволаного кгды бы третій раз о злодейство у права было обвинено; маеть сам сем з шляхтою веры годными отприсегнутисе, а в недостатку сведка або двох маеть шкоду платити, а собе винного искати. А четвертый кроть того ж шляхтича естли бы у права о злодейство было обвинено, а знаки слушные были бы показаны, бы теж и лица при нем не зостали, а сторона поводовая сам третей его поприсегнула; тогды маеть горлом каран быти яко злодей.
АРТЫКУЛ 8
О шляхтичу леть зуполных не маючому.Естли бы се трафило, иж бы шляхтич в летех чотырнадцати и не больш обвинен о злодейство, або приведен был о злодейство з лицом перед вряд; тогды таковому про молодость лет его не маеть быти поличоно за злодейство, и не маеть быти до ката в руки и на муку даван, нижли тую шкоду отец его або матка або кровные з именья части его повинни з навезкою платити, и заплативши то почтивости его шкодити не маеть, а не будеть ли мети чим платити, ино дати его на выслугу, поки бы то заслужил, што зашкодил. Тым же теж обычаем можеть се розумети и о детех людей простых лет недорослых. А ведьже и таковый хлопец недорослый естьли бы в колку злодействах и при лицы был дознан, таковых вряд маеть карати водле зданья своего.
АРТЫКУЛ 9
О поволаньях.Уставуем, абы поволанья злодейскіе перед врядом оповеданы и явне высведчоны и до книг кождого вряду записованы были, которые книги яко перед тым и тепер зовуть чорными книгами; таковое оповеданье и поволанье врядовне записаное маеть у права везде местцо мети и пріймовано быти.
АРТЫКУЛ 10
Хто бы злодея приличного в себе в дому ховал, або ведомост о нем мел.Уставуем и сказуем, иж коли бы хто злодея приличного ведоме в дому своем ховал, або мешкати допустил, або злодея явного от шебеницы своими пенезми откупил; тогды таковый кождый, естьли бы то на него слушным правом было переведено, всю шкоду, которая бы се кому через того злодея з именья его стала, будеть повинен платити и оправовати. Тым же обычаем естли бы кому злодея правом поконаного на смерть выданого, а он бы его не скарал, а потом кому кольвек от того злодея шкода будеть се деети; тогды тот, хто злодея пустил, будеть повинен тую всю шкоду платити и оправовати.
АРТЫКУЛ 11
О покраденье свирна або клети панское шляхецское и теж клети мужицкое.Теж уставуем, кгды бы покрадено которому пану або земенину свирен скарбный або спижарный, а то бы на кого правом было переведено; тогды за таковый свирен будеть повинен заплатити дванадцать рублей грошей, и шкоду покраденую за присегою оправити. Тым же теж обычаем естьли бы мужик мужику клеть выкрал; тогды за покраденье клети мужику три рубли грошей, и шкоду всю з дому злодейского маеть за присегою плачоно быти. А за навезку об его злочынство, або колько их будеть, мають горлом караны быти.
АРТЫКУЛ 12
О лицо, которое найдет се в дому человека неподойзреного.Уставуем, кгды бы у человека неподойзреного за замком было лицо знайдено, а до тое хоромины было вкинено и не приховано; тогды таковый человек, естьли будеть неподойзреный, маеть з жоною и з детьми дорослыми, будеть ли их мети, отприсегнутисе. Тым же обычаем, кгды бы лицо застал в чіем дому в гумне або за плотом; потомуж маеть тот человек неподойзреный отприсегнутисе, иж того не ведом. А естьли бы в хоромине замкнено было найдено, а тое лицо было бы прихоронено, хотя бы и окно было, куды вкинути; тогды таковое лицо маеть быти поличоно за злодейство, с которим, кого при том лицы зостануть, маеть быти веден до вряду и там з ним яко с приличным далей поступовати.
АРТЫКУЛ 13
О злодею, которого на злодействепоймають.Естли бы злодей был пойман на злочинстве а не в дому своем, а тые речи краденые в дому еще не были; таковый злодей сам один маеть за тое злочинство каран быти, а жона, дети и домовая челядь от того прожна.
АРТЫКУЛ 14
О знаки злодейские на человека неподойзреного.Уставуем, кгды бы на которого человека простого неподойзреного, которій еще при лицы не был, знаки злодейскіе были описаны, а тые знаки были бы слушные, а тот неподойзреный был бы человек добрый веры годный, при котором сторона жалобливая его поприсегнути за своего шкодника хотела; за таковыми знаки и присегою стороны жалобливое тот человек маеть быти выдан на муку, и естли бы се не домучил, тогды маеть его навезати водле стану его, ведьже большей не маеть быти мучон одно раз.
АРТЫКУЛ 15
Три кроть злодея приличного одного дня можеть мучити.Уставуем, кгды бы поймано злодея приличного, а на тот час без лица будеть пойман; тогды такового злодея три кроть одного дня можеть мучити, только бы на котором человеку не образил. А естли бы не домучилсе; тогды за кождым разом муки оное маеть его навезати водле стану его. Пакли ж бы у в оной муце злодейства на нем домучитисе не мог, а оною мукою уморил, або на чдонку образил; таковый будеть повинен за умерлого головщизну а за хромоту пол-человека платити водлугь стану его. Нижли естьли бы тот злодей в оной муце для чаров спал, а муки не чул, а тые чары были бы при нем найдены у в устех, або на голове у волосех, под пахою, або где индей; тогды навезки ему дати не повинен, и еще таковый приличный злодей будеть для таковых чаров повинен стороне жалобливой шкоду платити, на чом присягнет.
АРТЫКУЛ 16
О злодеях и разбойникох, которые бы врядника своего поволали.Уставуем, кгды бы чіих колвек подданых злодеев або розбойников и яких колвек злочинцов поймано, а они бы идучи на смерть поволали врядника своего, иж того злодейства их сведом, и тым лупом з ним се делили, а тот врядник был бы шляхтич; таковый маеть першій кроть отприсегнутисе сам один. А потом естли бы таковых других и третих злочинцов поймано, а тые также идучи на смерть того поволали и на шыбеницы не отволали; тогды тот от тых поволаней маеть отприсегнутисе так, яко о шляхтичу ест вышей описано. А за четвертым разом естли бы тым способом был поволан; тогды вжо без кождого отводу и присеги и без лица маеть быти сказан на смерть яко злодей. А где бы тот врядник не был шляхтич; тогды за першим поволаньем злодейским, которіе бы то смертью запечатовали, маеть стороне шкоду платити, на чом присягнет. Пакли ж бы того врядника нешляхтича повторе таковые ж злодеи и тым же способом поволали, и также смертью запечатовали; таковый нешляхтич вжо без кождого лица маеть сказан быти на смерть яко злодей, и по такового за тым знаки слушными и поволаньи правными покананого маеть вряд повету кождого зослали, и на вряде нашом господарском поставившы казати на него фолдровати.
АРТЫКУЛ 17
О человека неподойзреного.Уставуем, кгды бы шляхтич которого нешляхтича неподойзреного помовил, менуючи иж бы его злодеем был, и от него в злодействе ему се шкода становила, и не маючи никоторых слушных знаков хотел его о злодейство по присегнути; тогды тот человек, яко будучи неподойзреный, близшій будеть самотреть з суседы собе ровными, также людми добрыми и неподойзреными, отприсегнутисе, а суд ему того маеть допустити. А другій раз кгды бы того ж о злодейство было обвинено; тогды за другим разом обвиненьем от шляхтича маеть быти поконан водле права и присеги яко злодей.
АРТЫКУЛ 18
О неповоланом шляхтичу.Теж уставуем, естли бы которому шляхтичу не згола але за причиною слушною дана злодейская вина; тогды тот позваный от того маеть се отвести присегою своею телесною. Теж повторе кгды бы тому шляхтичу о тое ж и таковым обычаем вина злодейская дана; тогды позваный самотреть з шляхтичами собе ровными маеть се присегою отвести. Третій раз кгды бы тому ж шляхтичу тым же способом вина будеть дана; тогды позваный сам-сем з шляхтами маеть отприсегнутисе и прав будеть. А ведьже кгды четвертый раз томуж шляхтичу в том же вина будеть дана; тогды позваному до права вжо не ему маеть быти отвод, але на него довод присегнути з шляхтою собе ровною самотрему, и с права за слушным доводом маеть быти каран ведле вины и учинку своего.
АРТЫКУЛ 19
О забитье злодея при лицы.Уставуем, теж хтобы злодея при лицы своем забил, такового злодея забитого того ж часу по оном забитью маеть оказати суседом околичным и потом што нарихлей з ураду нашого, которій наближей будеть, возным и стороною обведши до вряду привести и оказати маеть. А потом будеть ли о то позван до права; тогды вряд ему маеть допустити отприсегнутися, иж его на злочинстве при лицу в дому своем забил. Так теж естли бы се потрафило кому на дорозе злодея погонити, а он бы се поймати не дал, а в том при лицы был забит; тогды тот, хто гонить в дорозе за злодеем, маеть мети при собе суседов або сторонних людей, и с тыми привезши труп перед врядом маеть высведчитисе, иж его при лицы забил. А будеть ли о то ку праву позван; также маеть с тыми людьми, с ким за злодеем гонил, на том присегнути, иж на злодействе при лицы, яко злодея своего, забил, а раннего злодея з лицом маеть вести до вряду нашого, так яко вышей описано; бо злодея при лицы пойманого нихто не маеть и одного дня в себе держати, але того ж часу вести до вряду. А хтобы злодея через день и через ночь в себе в дому держал; тогды пришедши до вряду первей винен будеть его навезати водле стану. А ранный естьли будеть пойман, а до вряду через ноч и через день держан, и там в дому его умер; тогды будеть повинен головщизны платити водлуг стану. Тым же обычаем естли бы хто злодея поймавши и до вряду не ведучи, в дому в себе або на дорозе, еще правом не поканавши, мучил; таковый также первей будеть повинен его навезати, тож потом в право з ним вступовати.
АРТЫКУЛ 20
Хто бы што вкрал на дворенашом господарском.Теж хто бы на дворе нашом господарском што вкрал, а то бы стояло меньшей полукопья, которая бы реч не о шію шла, и правом бы на него переведено або лице вынято; таковому мають уши обрезати. А потом естьли бы еще што вкрал, бы теж краденая реч и десети грошей не стояла; тогды вжо горлом маеть быти каран.
АРТЫКУЛ 21
О жонах и о детех, копюрые уживали речей украденых.А естли бы в дому лицо зостато, а дети и жона при том были и тых краденых речей уживали; тогды они повинни будуть тую шкоду платити и сами головами выдаваны быти, нижли не у вечную неволю поколь се выробять, яко тым которіе бы закуплены были, а горлом тот сам злодей маеть быти каран, которій украл.
АРТЫКУЛ 22
О лицу важном, што будеть дано до двору нашого господарскаго.К тому уставуем, естли бы лицо принесено было до вряду нашого господарского князского панского и земянского, а было бы тое лицо реч важная, шаты або серебро або кони добріе, а того бы злодея маетность не стояла, не знесла, чим бы мел з дому своего стороне жалобливой шкоду платити; тогды таковое лицо важное з двора нашого господарского также князского панского и земянского маеть дармо вернено быти тому, чіе будеть, а тот злодей на шибеницу маеть выдан быти.
АРТЫКУЛ 23
О слугах без приказу и о тых, што без службы мешкають.Уставуем, хто бы переховывал себе яких людей без службы або слуг без приказу, от которых се мели бы шкоды або забойства деяти в суседстве, або кому ж кольвек, и под часом стала бы се шокода от таковых або раны або головщизна; тогды тот, хто таковых переховываеть, за переведеньем правным, хотя бы ему не были припоручонны, винен их отыскивати и стороне жалобливой ку праву ставити, а где бы не поставил, маеть шкоду всю або раны заплатити, яко вышей о головщизнах ест описано.
АРТЫКУЛ 24
О блудяги.Княжата панове хоруговные о блудяги мають се заховати подле давного обычаю, нижли мають брати от клячи по шести грошей, а быдло мають давати даром. А шляхта, которые седят у поветех, блудные клячи и быдло мають водити и давати до дворов наших, а через три дни в себе мають ховати. А хто бы через три дни в себе блудягу ховал, а ку двору нашому не дал, а то будеть на него переведено, и лицо в дому его вынято; тогды маеть в том винен быти яко злодей. А хто злодея зженет от коней; ино згонного маеть быти дано вряднику нашому шесть грошей, а тому хто зженет другую шесть грошей.
АРТЫКУЛ 25
О покраденьи збожя всякого иле на поли зложоным у стыртах.Уставуем, кгды бы хто злодейским обычаем чіе збоже або сено брал, а тот, чіе збоже або сено будеть, беручи застал; тогды тот, хто застанет, маеть поймавши вести с тым лицом з возы и с коньми до вряду где наиближей, а тот вряд будеть повинен с таковым справедливость чинити яко з иншими злодеи приличными. А естли бы тые, што по жито або по сено пріехали, пойматисе не дали, а в том кого с тых злочинцов забито або ранено; тогды предесе маеть обявити вряду и труп або ранных оказати. А будеть ли о то ку праву приятягнен; тогды того маеть отприсегнутисе, иж при збожю своем забил або ранил, таковый головщизны а ни ран платити не будеть повинен. Пакли ж бы тые злочынуы змоцнившисе того пана самого або слуг и подданых его при его збожю побили и поранили або и забили, а то бы на них слушным доводом было переведено; таковые будуть повинни кгвалт платити дванадцать рублев грошей и раны слугам и подданым оправити, якого стану будеть, а естли бы шляхтича забито, тогды маеть горлом каран быти водле покананья стороны жалобливое, кому вина будеть дана, а кгвалт и шкоды з именья и маетности их платити. Также кого бы поймано крадучи сноповье скоп, або сенные копы, або теж жито упрежмо режучи под колос; таковый, з лицом кгды будеть приведен, маеть у столпа пугами бит быти, а шкоду з маетности его заплатити, естьли што будеть мети.
АРТЫКУЛ 26
О покраденью ставу и сажовки.Уставуем, коли бы злодейским обычаем ловлены рыбы в ставе або в сажовце; таковый, кгды будеть пойман и приведен до вряду з лицом, маеть каран быти яко злодей, хотя бы лицо не стояло шацуючы десети грошей.
АРТЫКУЛ 27
О небезпечность от огня,Кгды бы се трафило под часом от огню погрунья в месте або где жь кольвек, або хто на воде стонул, а в том часе што ему згинуло, которая згуба у кого кольвек бы се в рок або до року затаеная показала; тогды тую реч, яко важна будеть, маеть у четверо ценою заплатити тому, в кого то згинуло. А естли бы се тая реч по року або в колько летех показала; тогды маеть ценою заплатити. А бутеть ли хотети сторона жалобливая на него и по року фолдровати; тогды можеть яко на злодея, што будеть на воли его, хто маеть, фолдровати.
АРТЫКУЛ 28
Хто бы кого обвинил, а перед вряд привел, маеть того ж часу описатися, на которій рок маеть доводити.Теж коли бы кого обвинивши перед врядом и до везенья або за поруку давши и рок от вряду ку доводу принявши, сам без слушное причины не стал на том року, и слушных причин нестанья своего през посланца за часу не ознаймил; тогды вряд по выйстью оного року обвиненого маеть вольным чинити, а вольное мовенье у права с тым, хто его обвинивши не доводил, заховати.
АРТЫКУЛ 29
О человека отчизного и человека хто его выкрал.Уставуем, естли бы хто вывел або выкрал чіего человека отчизного або челядника невольного, а погонен был на дорозе и пойман с тым человеком або с челядью; тогды маеть с тым лицем веден быти до вряду нашого, где наближей будеть, а вряд маеть ему справедливость учинити. А естли бы оный к тому се не знал, абы тую челяд выкрал; тогды оный, хто его с тою челядью поймаеть, маеть на него доводити або присегу учинити, иж он ее вывел, а он маеть быти каран яко злодей, а челядь оная маеть вернена быти, чія была. Пакли бы на дорозе погонити не мог, а в дому чіем зостал и припоручил, а он бы тое челяди выдати не хотел; тогды маеть тот пан, у чіего человека где тую челяд зостал, с таковым справедливость учинити, и найдет ли се с права, тот иж се выдати хотел; тогды от того часу колько через прируку держал, мають тую челедь навезати и навезавши ему челядь вернути, яко о том вышей описано.
АРТЫКУЛ 30
Хто кого обвинит в том выступе, которих кривавою виною або горлом карають.Хто кого обвинит в том выступе, которих кривавою виною або горлом карають, а иж тот выступ явный не будеть; маеть быти дан певный час ку отводу стороне позваной, а ведьже так, естли вряд обачить, иж ку слушному се одводу берет. А будеть довод таковая особа, которая не звыкла людей помавяти, а естьли на оный час не доведе, которій довод от вряду ему будеть назначон; маеть быти он отпущон, волно обвиненому, маеть заховати з ним право о обвиненье. А естли будет реч межи ровными особами; тогды тот, хто кого обвинит, маеть се дати посадити з обвиненым и на него, што будеть вести, доводити. А естьли бы хто на кого не довел, то што на него ущипливаго мовит, а тот бы обвиненый была особа легка, злого захованья посполитый корчемник, грач (sic) подозреный, або перед тым поволаный; против таковоиу, хотя будеть доведено, не мает тот, хто его помовил, жадное трудности, хотяж обвинено, терпети. Такжо тые особы, которые з великого а значного жалю, што на него менять, яко родичи о забитье детей, сынове о забитье родичов, муж о жону, жона о мужа, опекун о сироту, и дедич о таковом, по ком дедицство взял, або великую шкоду, а значило бы се, иж не вымыслом потвареного помовил, але за оболживость з жалю и фрасунку; таковые теж не мають ничого тепети, хотя не доведет, а то для того, бы ся ити жаль по жалю не двоил. Тым же обычаем и великій выступ, который се або маестату особе господарской або речи посполитой ткнул; того выступу хотя бы хто не довел, а мел бы слушную причину, для которое бы кого в том зыступе помовил, таковый хотя не доведет, не маеть ничого платити *.
ПОПРАВЫ СТАТУТОВЫЯ
НА СОМЕ ВАРАШАВСКОМ УХВАЛЕНАЯ И ПОСТАНОВЛЕНАЯ.АРТЫКУЛЫ ПОПРАВ СТАТУТУ ЛИТОВСКОГО НА СЕЙМе. ВАЛНОМ В ВАРШАВЕ 1587.
Сей статут для лепшой веры и певности есть корикгован за статутом, который на первей за волею и ведомостью Господаря Краля его милости Жыкгимонта Августа, под печатію господарскою, на сойме Выленском всим станом есть выдан, при котором ухвала сейму Городенского две привыля соймов Выленскых, третый привылей сейму Белзкого, коньституціи сейму Варшавского. И на артыкулы поправы сойму Берестейского. То все у сем статуте есть описано и доконано выше реченного месяца Августа 12 дня.
Стефан Божію милостію Король Польскый, Великый Князь Литовскый, Рускый, Проскій, Жомоидскій, Мазовецкый, Флянскій, княжа Семиградское.
Напрод што по отеханю Кроля Генриха постановенны были судов кродскых роки в певних воеводствах што обясняючи и приводячи к годности с порадою панов рад и станов сейму належачых, так обясняючи уставуем, иж роки кгродскіе мают быть сужоны, кождого месяца 1 дня, а теперь уже початисямають месяца Мая 1 дня, и также порядок тым кождого месяца отправлени и сужени быти мают, звыклим поступком от поданя позвов за 4 недели. А естли бы ся трапило свято на тот 1 день, ино на завтря по святе сужоны быти мают. А хто бы для кроткости часы, же бы ему до позваня 4 недели до позвая сповна не достало, а на рокы первые позвати бы не мог; тому и на другіе рокы позвати будет вольно, а звлаща о выбытя спокойного держеня. А иж теж розное уваженя на роках кгродскых поступку бывало, на некоторых врядех первого дня позваного знають, а на иншого через возного до права волают по 3 дни, яко о том ясный стату есть. А так теперь то обясняем, иж вже от сего часу кождый вряд кгродскый за нестаням стороны позваной также и поводовое маеть возному наказать волати дня 1 и 2, а третого дня если не станет, ино конечное сказаня на таковом от годыни нешпорное чинити маеть. Але хто позывает, тот 1 дня становытися маеть, абы за его поступком воланя через возного шло по все 3 дни. А ведже где до того часу в таковых речах звычай был захован, если што 1 дня за пестаням на ком сказано, або гды до 3 дня сторони ожидано, то ровно в речах прошлых вже осужоных при моци зостати маеть. А хто бы ся коиу 1 дня отповедати у права и у справедливости листом своим описал, то ведле опису першого дня не ждучи другого и третого сужоно и сказывано быти мает. А если бы хто в речах суду кгродскому належачих, до суду кгродского будучи позван, ку праву и не стал; на таковом тот вряд кгродскый и замковый або дворный, за показаням скутечным, и всего доводу выполненым, то о што жалобы были сказани, присудити и отправу ведле статуту учинити маеть и повынен будеть. Также и в иных справах, которые суду кгродскому в статуте описаны, где ся не дотечет выни крывавое за що горлом карают; тым же порядком мают быти оправованы не отсылаючи на выволане. А где иты будет о речь крывавую, за которую ведле статуту горлом карают; за нестаням на выволаня мает быти отсылано, и далшый поступок чинити. А за позваням о таковые речи крывавые облычне мают ся становыти, а не через прокуратора, вынявши причины нестаня в статуте описанных.
О приданю возных.
Еще теж розумеячы собе люде, иж в том великую трудность и проволоку в правах своих ездити посылати до вряду по приданя возных, гды ж некоторым великое омешканя справах их дается, а звлаща и то потребует борзого оказаня возным; а так вже от сего часу кождому будет вольно, и без приданя врядового, возных на вшелякіе справы свои брати и крывды свои обводити. Кгдыт кождый мает ведати, як и на що возного береть, если ку пожитку або ку шкоде своей. А вед же на оправе речей сужоных на увязаня возныи без листу врядового ездити немают, иж теж в статуте отправы Городецкого сейму есть отписано: же возныи листы наши господарскыи и вшелякіе в потребах речей посполитых разношовати в поветы мают; пре то и теперь тому вже досыт чинити мают без вымовы, а на войну ехати неповинны будут.
О поправах артикула 27 в розд. 4.
Иж в том артыкуле описано роки земскыи судиди, роки земскіи судити 2 недели а не большь. Уставуем если бы роки земскыи не только 2 недели были сужоны, але будет ли того потреба и до 3 недель, поки все справы судовыи оных роков порядне ведлуг рестру отсудити.
Поправа артикула 23 в розд. 4.
Кгды ж людій укрывжоных велика проволока справедливости збиваням позвов ляда причынами деалось, пре то як на наизду Городецком поставленно есть. Уставуем иж позвы так гродскіе як и земскіи камысарскыи подкоморскыи и при позве жадиыми причынами збиваны быть не могут, опроч где бы сторона року позваня не довела выписом с книг, або сознаням возного ведлуг артикулу девятого розделу четвертого, тако ж где бы хто имени титулу преднейшого позваной стороны, рок месяца, в который то стало, не позвех не написал, а в речах крывавых, гды бы о горло або о поцтивость ишло, маеть месце, на котором ся што стало, описати, а гды не опишеть, таковый позов неповинна сторона отказовати. А в речах меньшых, где бы не доложил сполна титулу тако же о речь самую, о што позывает, и жалобы недостаточне выписал, чого бы сторона зрозумети не хотела; тогды поводовая сторона повинна тако ж пред судом в своей жалобе словы шырей позванному обясненя жалобу свою и на писме тые слова с подписом руки писарской дати, а сторона взявшы собе на розмышленя на день один, будет повинна на то отказовати, а то для того, абы позваный ведал, о што маеть усправедливитись. Также где бы позвы в литерах, иж по сродку писаня, если бы в чом колвек незгажались, яко того много бывает, иж слова которого не доложить албо поскробеть, а ку тому где бы очевистому позваню чотырох недель, (sic) статочному Іпесть недель в рокох земскых от початя роков другого албо третего дня, ведже не далей, тогды сторона поводовая за таковыми недостаткы позвов, заплатившы вину грош дванадцат, судовы шесть, а стороне позваной шесть, а жалобы своей попирати можетя, а сторона повинна ему будеть о таковый позов отказовати. Нежли если бысь то трапило позвы поправованіе и скробаніе на имени и на речы самой, о што позывает, такоже и на дате. А иж быс таа поправа скробанаа з другим позвом противным незгожала, и явный бы поступок значыл; на таковый позов неповинна сторона отказовати. А иж бы хто хитростю яко для збитя позвов и проволокаючы и сому право сам наболей позваным позвы маючіе в руках своих не скробал и не поправовал. Уставуем, иж где бы таковый позов на позваного непоправованый был положон; тогды сторона поводоваа маеть возным того довести, иж ему дал позов целый а нескробаный от дати и во всем згодливый, а по таковом доводе, позваный неповинен ему отповедати. А иншыми никоторыми причынами позвы не могут быти збиваны, толко заплатити за скробаня поводовой стороне копу грошей, а судовы дванадцать грошей. А ведже гды бы о позвы один артикул збит был причынами выше описаными; тогды пред ся на другыи артыкулы правныи сторона повинна ему отповедати.
Артыкул поправы Литовского статуту на сойме Варшавском.
Иж роки земскіи ненужоны на многих месцах от початку часу щасливого панованя нашого. Про то хто бы до книг земскых з гроду не перенес якого записованя; таковый еще волность маеть мети до року от роков земскых, которыи припасти мают о Святой Троицы, в року теперешнем седмдесят осмом. А иж тот артикул ниже написанный, на сойме коронаціи Короля Гендрика потверженый конституціею соймовою не был уписан. Про то и теперь задержаням и жаданям всих станов панства нашого казали есмо его до конституціи теперешнего сейму Варшавского уписати, который так ся в собе мает. Гендрик, Божію милостію Кроль Польскій, Князь Литовскій. Ку тому теж и то обличаючы, иж в статуте права посполитого великого панства нашего продолженя справедливости, и оного панства немнейшого деялося, же того не доложоно. Если бы сторона поводоваа о што колвек справовалась с ким, а он будучи бы у позвех, и вникаючы сконченя права, кому иному то именя люди або и кгрунты яким же обычаем пустил; тогды для прудшой справедливости людской моцю теперешнего сейму за дозволеням всих панов рад нашых и послов земских Великаго Князьства Литовского, тот артикул, през них до нас поданый, ухвалившы в статут вписать и ку вживаню привести заказалисмо тым способом. Если бы хто с ким право зачал вести о именя люди грунты о што колвек, а он будучы в позвех и не скончившы права, кому иншому тое именя або люды грунты, с чого позывано будет, в держаня яким же колвек правом пустил, теды уряд наш жалобнику на оном именю, на котором позвы класти почато, отправу до конца чинити маеть ведлуг статуту, а держачый ничим того заборонити не маеть, але в том заводци своего смотрити маеть, хто ему певное именя завел. Пакли бы тот, хто именя держал будет, упорне вряду противился, а отправы чинить не допустил и боронил увязеня; тогды таковый противник от вряда нашого позвы нашими перед нас Господаря на рок зась завытый позван быти маеть, если будем на он час в панстве нашом за чотыри недели, а если в коруне Польской, тогды за осмь недель, на который рок ничым не вымовляючись, сам або през умоцованого своего жалобнику пред нами Господарем усправедливитися повинен будет. А если бы на рок завытый пред нами Господарем ку росправе не стал и вмоцованного не послал; тогды вже тую речь, о што позвано будет, жалобной стороне от нас Господаря на впад присужоно и мощное увязованя з рамени господарского, за листом и посланцом нашым в то, о што жалоба идет або будет, дано быти маеть, и заклады с права положоны и на власном именю спротивного мають быти през того же посланца нашого отправованы. А где бы еще и против зверхности нашой господарской посланцу нашему спротивился; тогды о што вжо мандатом нашым господарскым, яко о власную речь нашу, мает быть до суду нашего позван, а гды бы не стал, тогды таковую особу з земли панства нашего, як непослушного права и зверхности нашей господарской, выволати повины будем, а стороне жалобной, так яко выше описано, моцная отправа учинена быти маеть.
А иж есть описано в артыкулепервом.
Хто бы на кого што вел несправедливе, а не довел, яко той артикул ширей обмовляет, тым сам каран быти маеть. Обясняючы тот артыкул маеть им присужон о кождую вину, которая крывавую заплату берет, и о што бысь дотыкало горла и поцтивости, то есть хто бы кого винил и позывал, не одно около ображеня маестату нашого, але теж и о кгвалт наизду домового о разбой о голову и о што колвек несет за собою вину поцтивости караня крывавого, а где бысь то показало, же невинне и без даня причыны позвал; таковый, по декрете а увязаню судовом, где будет от стороны обжалован и припозван, маеть туюже вину односити, о которую оного позвал. А где бы за преводом права сторона пришла ку увязаню маетности за нестаня; тогды позваный маеть сторону позвати ку вправедливеню, а справившыся того, о што был обвынен, и доведши же невынне его ку шкоде приправыл, мает быти привернен ку именю врядовне, и если бы чого не доставало выйменю, таковый што будет изыменя взял, албо выгнал людей быдла иншых пожитков, тое будет повынен з навязкою ворочати, за припозваням от стороны и за доводом слушным ведле права вчыненным. А ведже где бы в таковых справах о поцтывость приходило; того всего з соуду достатечне выслухавши и сторонам на пысме давши, ку сказаню екзекуціе и до нас Господаря на сейм валный отослати маеть. А иж теж ест статут же мы Господар не маем некого увязеня сажати не преконаного правом; пре то теж каждый с персоны шляхецкой народу шляхецкого сажати не может, вынявши на горячом учинку так домового яко и белой головы теж забойства на шляхецтве пойманого. А хто бы вязню або за якою иною прычиною персону стану шляхецкого у вязене свое брати, а на вряд наш правом не переконанного, важил; оборона кождого такая, а вязеня през дворянина кажем взяти и на рукоемство дати, абы был ку праву ставен перед нами Господарем, и вольно будет доводити тому за позвом, хто обвыневает, так тежь и обвынелій своей крывди доводити пред судом за позвом может. А где бы ся то показало, иж его невынне сажал; таковый мает совыто увязеню седети. А где бы з вязеня не выпустил за посланям нашим; мает быти позван мандатом пред нас Господаря, яко о кгвалт права посполитого, и о то, же зверхность, которая нам тылко належит, над себе ровным привлащал, а за тым мандатом яко на року завытом иает ставити, кого увязеню маеть. А где бы его в том вязеню уморил; вынен будеть голову платити, а за выну нашу у вежи на дне седети без вшелякого милосердя и фолкгы, рок и 6 недель мает седети. А сели бы кревный кревному то вчинил, в надею спадку, который бы на него приходил; таковый выне статутовой досыть вчинивши от маетности спадку по змерлой руце нам приходячого отпадати мает. Вшак же вольно пану слугу судити и карати и всякий выступок, яко тут описано.
Поправа артыкулу 9, в розделе12, о подданых отчызных и неволныкох, также и о слугах приказных, которыи от панов своих втекают.
Уставуем, если бы который человек отчизный и непохожій албо челядник невольный, также и слуга приказаный, от пана своего утекшы за кого зашол, а поведал бы ся вольным, а оный пан, чый человек албо слуга и челядник, просил в оного пана права, а тот пан на такового права дати не хотел; тогды таковый мает быти позван до земства на рок завітый. А если бы той пан, чый чоловек, зыщет правом, иж его отчить або челядник и слуга приказный, а оного пана, в кого будет тот человек, переведет правом, иж в него просил справедливости з возным и з шляхтою, а он права не дал тогды тот пан маеть оного человека або челядника его самого и жону и дети и всю маетность его з навязкою вернути, а слугу приказаного маеть выдати. А естли бы теж утек; мает все шкодьі за него што отходячи от него оного пана своего починил, тот пан, который права на него дати не хотел, за такового слугу, на чом сторона довод учинит, платити. А если бы позванаа сторона ставшы у права тим вымовку чинил, иж о таковом подданым челяднику и слузе ведатись не признавал и теперь не знает, и на тот час, кгды в него права прошено, на йменя его не был, таковый незгола от того маеть быть волен, але присягою тою отвестись мает, а пред сяж будет винен позволити на именью его своего искати и взяти яко власного своего зо всею маетностю его. А где бы присягиути не хотел; тогды винен будет за всех так за самого так и за жону и за все дети головщизну платити, а шкоды за доводом стороне поводовой нагородити.
О поправах речеи сужоных, вместо рушеня повету, новый артикул.
К тому иж оказали нам панове рады и послове земскыи Великого Князства Литовского, иж рушеня посполитого котораа в поветех непослушных вряду в справах сказанных накоторого пожытку и скутку не приносят; тогды ухвалою того сейму оное рушеня посполитое ку отправам речам сужоным на сторону отложившы, так уставуем. Иж от того часу рушеня с повету для отправы речей сужоных быти не маеть, але кгды вже весполок с поступком правным с порядком того ж артикулу стороне поводовой на противника его выполнится, и если бы возному з уряду нашого кгродского и земского посланному на отправу спротивился, а увязованя не попустил; тогды вместо рушеня всего повету мает вряд земскый, в справах суду его належачых, один который з них судя або подсудок, а в справах кгродских вряд кгродскій сам староста, а в небытности старосты подстарстый албо судя, взявшы и з собою возного и двох шляхтычов до именя оного противного вряду нашему ихати до той части, в которую под тым часом презыск правный стороне поводовой дорогу покажет. Бо еще до замку або до двора чіего презыск чый не приступить, там им издити непотреба будет, толко през возного и двух шляхтычов до замку або двора нашого або чыего ведомость пану або вряднику дать знати, за што и в што увязоватись идут, так же сторону поводовую, о тое о што право идет або было, тако ж и за презыск сумы пенязей речей рухомых сужоных и увязати и удержати упустити маеть в люди в кгрунты его ведуг статуту и поводу права стороны поводовой, положившы совытую заруку. А где бы люди кгрунты и пашня его дворнаа сумы пенязей всказанное не вышло; тогды двор и всякое будованя и властности шацунком слушным увязованя и отправа быть маеть. А ведже зложившы ему первей рок на выймованя двора шесть недель, а заклад права положоный мает сторона укрывжонаа до кгроду на рочки кгродскіи позвати, и за першым позвом суд маеть всказаня чинити, а потом и отправу поступком вышь мененым. А где бы хто кому вряду нашему земскому и гродскому увязеия не допустил, буд то сам тот, на которого презыск права идет, або хто колвек иншый его заступуючы, и в держаня именя его под часом перевоженя права вшодши; такового противника праву и вряду нашого сторона поводоваа пред нас Гоподаря мандатом позвати маеть. А мы таковые речы на дворе нашом, где на тот час будем, отправовати маем, выймуячы от того речы крывавыи, кому шло о честь и о горло, таковые речы где бы притрафили, вряд мает до нас Господаря отослати, а мы за мандатом нигде инде одно на сойме судити маем; але выпшых поточных речах, гды таковый упорный пред нами за мандатом ку справе станеть, маем с права з суду нашего за доводом слушным на вязаня на дванадцать недель сказати, и ку выконаню того вязеня отослати до замку нашого оного же повету албо воеводства, а так уряд наш в том вязеню жадной фолгы таковому чинити не маеть. А сторону жалобливую, которой што от вряду нашого присужоно, заховавшы при том суде, маеть дать увязеня моцное за листи през посланца з двора нашого войменя сказанное и в суму пенязей присужоною. Тако ж и в заруки от вряду положоныи на йменях або маетности рухомой того спрθтивника росказати справити, которых зарук на нас Господаря половица, а стороне укрывжоной другая половица, а к тому все шкоды и наклады того ж укрывжоного жалобника, што по спротивленю и непоступеню увязаня принял за доводом его в тот же час по сказаню дано быть маеть, а посланец нас увяжчого по шесть грошей от копы найменю того ж не маючы прислушенства собе отправити маеть. А где бы за прииханям вряду спротивился вряду або сторону обелжыл словы, за то двою дванадцать недель седети маеть; а пакли бы вряду або кого при нем будучых зелжыл и раныл, за то рок и піесть недель сидети на дне у вежы без жадной фолкгы маеть. А если бы который з них забил; такого маем судити и без сойму мы Господарь с панами радами нашыми, которыи при нас на тот час будут, за мандатом нашым, яко о ображеню майстату иашого господарского. А если бы по увязаню хто таковым от нас Господаря присожоным албо през вряд гродскый и земскый учиненый за ся держаня стороны поводовой именя отнял, не вчинившы заплаты; тогды поступком правным маеть его выбити, и до суду гродского припозвати на рок завытый, и гды слушне доведет выбиет през увязаваня зыменя албо зачевыстого мовеня або за нестаням позваной строны, тогды за отнятям в совытость сумы першого презыску оныи упорный власти маеть. А таковое выбитя през увезеня врядовое маеться розумети, тако ж яко бы очевисто врядовы нашему спротивился, на такового выступком выш мененым и срогостю права як от вряду нашого а потом и от нас Господаря сказаня и отправы маеть ити совито. А если бы хто недбаючы на росказаня наше господарское за мандатом нашым стати а стороне укрывжоной усправедливитися не хотел; такового кождого, як непослушника и спротивника зверхности майстату нашого господарского, маем его сказати зо всих панств нашых выволати, а стороне укрывжоной пред ся найменю и маетности его оправу неотволочную учинити будем повинны. А ведже где бы воланый утек ся до нас, менуючы быть укрывжон переводом права от стороны албо от вряду; таковому поднесеня до права маеть быти с канцлярей нашой дати до суду нашого господарского не на долгый час, одно на дванадцать недел; а таковому року милитацеей перекажати не маеть, але як позоветь, урад маеть справедливость учинити и слушне права и статуту Великого Князьства Литовского поступком. А гды бысь з вылзку нашого господарского показало, иж вряд подле права и сказати сказал; так за страву и шкоду сто коп грошей заплатити. А до того они ж доводов выслухавшы, вряд за нестаням стороны на рок маеть сказаня чинить, абы за облудливостю и за недостатком доводов один другого от маетности и ку шкоде не приправял, и ку оболженю на выволаня не приводил. А повод и отпор гды станеть, апеляцей сторонам не маеть боронити, опрочь того, хто бы на яком злочинстве на горячом учынку был пойман, о выбитя шляхтича з упокойного держаня зыменя его, але заразом такового за доводом слушным в держаня суд упустити маеть. А ведже сторона если бы собе до того именя албо грунту якого права розумела быти волное, и о то будет позване до суду земского, и того правом доходити, а тым стутутом нынешним, не толко пришлыи але и пройшлыи речы, где скупку справа котораа осужонаа будучы не дошла, мають з урядом нашим поступовати и заховатись. А иж найдутся таковые люди, которые выволанцов в домех своих переховывають и з ними обцованя мевают, а над то до таковых своволенств помогают; тогды хто бысь таковый вынашол и будучи позван до права и суду нашого господарского гродского судовы не был переконан нынешним правом и статутом, одно тыиже артикулом, якось выш поменило, маеть быти сужон и сказован. А то с тых причын таковую срогость на таковых помощников выкладаем; абы оных таковых своволных речей никому не помагал и не смел помогати.
Шкрутениум.
Забегаючи тоже великой несправедливости людей злых превратных, абы нехто несмел речей змышленных славе и почстивости доткливых на людей невинных вкладать и в книги вписать. Уставуем, хтобы кого позвал до права о речь крывавую, што бысь дотыкало горла и почтивости и доброй справы людской, а сторона обжалованная, выдячы собе в том крывду и невинность свою, холтел бысь того отвести; таковым кождым, хто бы был обвинен, ставши до права на шкрутеніум, то есть на испытованя и на невыдане речи правдывое, взяти сбе может. И суд кгродскій допустивши того маеть две особе з врядников земских присяглых им позволившы на таковое опытане вывести, а если бы врядников земскых до таковой справы мети не могли, тогды вряд сам, кого бы розумел людей побожных и ростропных, таковым то злецити через лист свой маеть, положивши сторонам, рок певный, на который тые депутати на месце оное, где ся то стало, зехати до обу двух сторон будут повинни, маючи при собе возного и шлахтичов кылка. А тым зехавши виведане пылное учинити в наиблыжших суседов у шляхтичов у панов самых и врядников их у слуг у поданых, и в кого же колвек иного хотя и в преежджжаго человека, которому бысь притрафило на он час, кгдыся то стало, быти, толко бы у людій верных годных, не выймуючи с того жадной особы так духовного якого и свецкого стану человека, которые повинни будут маючи пред очима своима боязнь божую и сомненя доброе прирекши и шлюбывши словом своим добрым и под сумненіям узнавати то, чего будут в оной речи правдиве ведоми. А што на он час тые сведки з обудвух сторон сведоме, так с поводовое яко и з обжалованное стороны, сведчити и зознавати будут, а при том опытоване стороны быти мают; и то все тые депутати, которые на таковое опытоване выйдут, мають достаточне списати, докладаючи всего, яко час и месце и вси подобенства, а потом обоем сторонам на писме под печатми своими и с подписом рук своих на листе затворенном, абы стороны не ведали, што написано будет, дати мають, с которым сведецством обое стороны на пршіе роки кгродскіе припозвавшися пред врядом становитися мають, также суд маеть узнати чый вывод и сведецство будет слушнейшое. А где бы ся то в суде показало, сторона поводовая кого невинне кроие значное слушное причины в таковой речи доброй славе дотклыве обжаловала и в книги вписати дала; таковый каждый за такую потварь маеть быти сказан на вязене у вежи на пол року, и к тому стороне за все шкоды и наклади без доводу сто коп грошей заплатити будет повынен заразом. А сели бы сторона апеловала; тогды суд кгродскій, списавши по достатку всю тую справу, на вырок до нас Господаря на сейм одослати маеть. Опроч таковых особ, хтобы на явном учинку то есть на разбои на кгвалте невест также и на мужебойстве а на злодействе был пойман; такового вряд и до нас не отсылаючи ведлуг заслуги кождого карати маеть. А кгды вже вряд до нас таковую справу, яко ся вышей поменило, на сейм за аппеляціею отошлет; мы с паны радами обоего народу то судити маем. А по сказаню нашом кгды обжалованый волен будет; тогды таковую ж жалобу и оповеданіе, што будет поводовая сторона на обжалованя до вряду принесла и в книги вписати казала, мает сказати с книг вынести и скасовати, так яко бы наменшій знак иноти (sic) оной справы в книгах не зостала. А иж бы всем ку ведомости приходило, про то абы на врядех наших так кгродских яко и земских, при собраню шляхты тыи артикулы читано и в статут вписаны, и тым порядком абы сужоно и отправовано было, про то и моцную того сейму тое ж даня утзердивши далисмо сес лист под печатью нашею и с подписом руки нашой. Писан у Варшаве на сейме валном корунном, дня 3-го, месяца Марца року 1578, кролеванья нашого второго.
Последние комментарии
3 часов 7 минут назад
3 часов 16 минут назад
3 часов 22 минут назад
3 часов 42 минут назад
3 часов 51 минут назад
4 часов 12 минут назад