Шепот-шепоток на здоровье крепкое всем, от мала до велика [Мария Быкова] (fb2)

О предивный и всехвальный угодниче Божий, преподобне отче Савво! Днесь во святем храме твоем, благоговейно предстояще пред святою иконою твоею и радостно совершающе пресветлую память твою, ублажаем тя заступника нашего. Почитающе же твое велие дерзновение пред Господом, смиренно молим тя, преблаженне приими милостивно от нас хвалебное пение сие, от любве и усердия тебе приносимое. И, яко имеяй велие дерзновение ко Господу, потщися Богоприятным твоим ходатайством испросити у Царя царствующих и Господа господствующих, яко да пробавит великия и богатыя милости Своя на нас грешных, да подаст нам дух правыя веры, дух ведения и любве, дух мира и радости о Дусе Святе, да избавит от бед и напастей, да низпослет вся полезная ко спасению душ наших. Всем же православным да низпослет мир, тишину, безмятежие, усердие ко исполнению заповедей Его, изобилие плодов земных; да избавит всю Российскую страну от глада, труса, потопа, огня, меча, нашествия иноплеменных и междоусобныя брани, смертоносныя язвы и от всякаго зла. Ей, угодниче Божий! Не презри молений наших, но услыши нас молящихся тебе, и под кровом заступления твоего сохрани нас (и обитель сию) ненаветны от врагов видимых и невидимых, да сподобимся скончати житие наше в покаянии и восприимем вечная благая во царствии Христа Бога нашего, идеже восхвалим с тобою и всеми святыми достопокланяемое имя Пресвятыя Троицы, Отца и Сына и Святаго Духа, во веки веков. Аминь.